عرض للطباعة
فيكترا موديل 1997 اوتوماتيك معروضه عليا ب 55000ج
عاوز اعرف تفاصيل الموتور بتاعها ايه؟
و هل العربيه كويسه و لا لا من حيث الاداء؟
و مشاكلها المعروفه ايه؟
و ازاى اكشف عليها بسرعه قبل ما اطلع على التوكيل يعنى نظرة سريعه كده المفروض ابص على ايه؟
و هل موتور ال الفيكترا ال 1997 كويس و لا لا؟
وسعرها كده معقول و لو لا سعرها المظبوط فى حدود كام تقريبا؟
بس رجااء يا رجاله سرعه الردود.:Zb_sor1[1]:
دى غالبا 2000 سى سى
بص على الشكل العام متهانة ولا لأ صوت الموتور ناعم ولا خشن الدوكو شكله نضيف الشنطة مافيش فيها فرق لون و كدا يعنى
و بعدين إطلع على التوكيل بس بردوا ما تكملش البيع غير لما تفحص العربية فى التوكيل
أه نسيت أقولك شوف التكيف شغال ولا لأ و بيسقع ولا تعبان عشان تكيفها مشكله و لو مش شغال و العربية عجباك خد من صاحبها تمن التكيف
بالنسبة للسعر مقدرش أفيدك فيه قوى بس أعتقد كدا كويس لو الحالة ممتازة و ممكن ينزل ألفين أو تلاتة
أداء العربية ممتاز بس تكيفها بيغيب شوية عشان 2000 سى سى حرارة الموتور بتبقى عالية شوية
العربية حرارتها بتبقى عالية عادى جدا يعنى لحد 90 شغال عادى جدا
نصيحة اولا هى غلية جدا بنحو 6 الى 9 الف جنية ودة حسب الحالة
وثانيا 2000 سىسى فى عيوب كتير
وثالثا بنزينة كتير على الفاضى فى الزحمة
ورابعا الوتومتك بيكون استهلك لمرور 13 سنة استخدام
خامسا عيوب التكيف ملهاش حل لان المتور دة بيسخن جدا جدا جدا بص اكنك من غير تكيف 1600 نفس الموديل تكيفة ممتاز
سادسا عند اعادة البيع محدش بيشترى 2000 سىسى الموديل دة لان مفيش منة استيراد
سابعا
شكرا يا لانسر و شكرا يا تامر بس انا نازل كمان ساعه و مش عارف ارسى على بر وانتا يا تامر بتقول عيوبها كتير و ده انا مش فاهمه ياريت توضح بعد اذنك.افيدوووونى يا شباب.
هفهمك يعنى اة عيوب
بص هو عيب وحيد وتندرج تحتية عدة عيوب وهو السخونة من المتور دة
بص هفهمك اكتر مشكلة الحرارة تندرج تحتيها
1- مشكلة التكيف ان موسير التكيف جنب بار الشكمان غير انة بيدمر الموسير وتبوظ على طول انة بيسخن الموسير عشان كدة الهواء بيطلع مش بارد
ودة ملوش حل فعلا فى بعض الجتهديات انة يتركبلة تكيف وكمبرسور يابانى للاسف بينفع بس بيرفع الحرارة جدا وبتبتر تقف تستنة لما تبرد فى الزحمة طبعا غير ان الحرارة بتبوظ اسلاك الموبينة والبوجيهات وحجات كدة غير طبعا ان العربية بقلها نحو 12 سنة شغالة ودة بيديك انطباع انة فى حجات كتيرلا بفعل الحرارة هتبوظ مستقبليلا
غير طبعا ان عوازل خلف الطبلوة بتبوظ بردة بفعل الحرارة العالية وكدة بس مش ديما
غير طبعا استخدام الفتيس فى الاسبورت مود بيكون تعب جدا جدا دة بيديك انطباع عن الفتيس
غير طبعا استهلاك البنزين فى الزحمة
حجات من هذة القبيل انا اصراحة منصحش خالص حد يشترى المتور دة خالص
شكرا لاهتمامك يا تامر بس فى سؤال لو العربيه برضه موديل 97 مانيوال 1600و حبيت احطلها مكنه 2000 cdx
هل هتبقى احسن و لا اشترى على طول عربيه اتوماتيك 2000 cdx
و هتبقى فى حدود كام تقريبا لو حاله كويسه و هل العربيه دى من حيث الاداء ممتازة و لا فيها عيوب؟
معلش صدعتك بالاسئله
طبعا منصحكش تعمل كدة ابدا 1600 كويسة واقل سخونة عشان كدة اقل اعطال ودة قلى خلاء الشركة تنتجة حتى موديل 2003اقتباس:
المشاركة الأصلية كتبت بواسطة okacha
لكن تجيب مكنة 2000 هتغير العفشة بتعت 1600 وهتغير الفتيس والمتور ونظام الفرامل وراء وقدام غير طبعا تقفيل الصنيعى انة اسواء من التقفيل المصرى اشرب تغيرات كتير هتكلفك كتير طيب متشتريهاء على طول 2000 كمان دية تقفيل الملنى وكمليات كتير اوى بص الثمن حسب الحالة وخلى بالك انها قليلة اوى وفى ناس بتعدل وكدة وتقول cdx
عندك حق فعلا يا تامر بس متعرفش مكان الاقى فيه الاوبل ال cdx
او مفيش حاجه تحت عنيك لأخوك تكون حاله مضمونه فى اسرع وقت .
العربيه غاليه...
بس نصيحه لو متهانه بلاش منها لانك مهما هتصرف مش هتتعدل
الأوبل حاله و فرق الموتور يستاهل انك تجيب 2000
طيب يا تامر باشا الموتور بتاعى 2000 سى سى بس فيكترا ايه و مش حاسس بالعيوب اللى بتقول عليها ليه بقى
عشان التقفيل الالمانى ياباشا متلفى عيوب كتيراقتباس:
المشاركة الأصلية كتبت بواسطة tananybasha
بس عيب التكيف لا يمكن حلة وهذة حقيقية تصميم التكيف بجانب بار الشكمان مشكلة فعلا
متغلاش عليك واللة بس انا مفيش حاجة قدامى دلوقتى ذى مقلتلك هى عربية قليلة فى الاصل وانت بدور على الحالة هى العملية صعبة وربنا يوفقك فى عربية كويسة تقبل فائق احترامى وتقديرىاقتباس:
المشاركة الأصلية كتبت بواسطة okacha
فيه واحده cdx و هاشوفلك سكتها تحفة
مع احترامى الشديد لكلام تامر اللى هو افادنى انا شخصيا فى حاجات كتير من ساعت ما اشتريت العربية هو و بقيت العصابية طبعا
انا عايز اقول ان الفكترا ال2000 سى سى الاوتوماتيك دى مالهاش حل ( بس تكون مافيهاش عيوب )
و عاوز اقول ان الحرارة عندى عمرها ما عدت 90 فى عز الصيف و فى الشتا بتنزل لحد 85 و ساعات توصل ل 80
بس من وجهة نظرى المتواضعة ان العربية دى مشكلتها فى غلو قطع الغيار ( الاصلية ) بالذات الحساسات و القطع الالكترونية اللى فى الموتور و عفشتها غالية برده
اخيرا انا ركبت واحدة 2000 سى سى اوتوماتيك بتاعة صاحب اخويا كنت حاسس بدون مبالغة ان انا راكب 128
العربية لو صاحبها محافظ عليها خلص فيها و ربنا يباركلك
الماني كلو كده سعر, نااار
شكرا يا تامر لذوقك كتير
و ياريت يا تنانى تفيدنى فى الموضوع ده و شكرا لمجهودك
و شرفنى مداخلتكم يا عبد الرحمن و استراتى
تحت امرك بس افيدك فى ايه يا باشا انت بتقارن ما بين مزايا و عيوب عربية واحده فرق موتور انا باحب 2000 سى سى قوه لا تقارن بالحساب كده 1600=75 حصان - 2000 = 121 حصان بس على حساب التكييف اضعف شوية بسبب حرارة الموتور و ده اللى ممكن افيدك فيه و تحت امرك يا باشا و على فكرة هى طنانى مش تنانى عشان تنانى عامله زى تهانى