الموضوع: هل انت راضى عن حياتك فى مصر ؟

السلام عليكم ورحمة الله وبركاته

حضرتك ليك حق فى كل اللى قلته و فى كل السلبيات اللى ذكرتها و كلنا بنعيشها .

بس الفكرة لو كل الناس سافرت عشان تروح الارض الفاضلة فلن تجدها . لانها جوانا إحنا مش بره .

مش بأنكر ان فى دول كتير هااااااااايلة فى كل حاجة نظام و نظافة و كل حاجة . بس لو كل المصريين فكروا يمشوا و يسيبوا البلد يبقى عليه العوض فى البلد دى .

فى حديث رائع للنبى صل الله عليه و سلم :
ما رواه الترمذي ( 5207 ) وابن ماجه ( 4032 ) أن النبي صلى الله عليه وسلم قال : (الْمُؤْمِنُ الَّذِي يُخَالِطُ النَّاسَ وَيَصْبِرُ عَلَى أَذَاهُمْ أَعْظَمُ أَجْرًا مِنْ الْمُؤْمِنِ الَّذِي لا يُخَالِطُ النَّاسَ وَلا يَصْبِرُ عَلَى أَذَاهُمْ) . صححه الألباني في صحيح الترمذي ( 2035)

طبعا مش بأنكر ان فى سلبية كتير اكتسبها الشعب من سوء القوانين و عدم تطبيقها على كل افراد الشعب سواسية ده غير الواسطة و كل حاجة وحشة .
بس إحنا ربنا خلقنا خليفته فى الارض . يعنى نعبده و نحاول نصلح فى الأرض على أد ما ربنا يقدرنا . و فى ناس ماشاء الله كتييييييير بتعيش فى وسط الفساد ده و تربى أولادها أحسن تربية .

القدوات السيئة المذكورة أصلا المفروض إنها مش موجودة غير بنسبة معينه فى البلد مش الشعب كله . لكن الإعلام الفاسد و تشجيعنا له هو اللى اعطى لهذه الاشكال سعر لا يستحقونه .

فى ناس ماتت فى السجون و المعتقلات و الثورة عشان انا و انتم نعيش فى البلد دى بكرامة . فأقل واجب إننا نحاول نكون على قدر المسئولية و نصلح الفساد و ننشر الخير .
و الأمل دوما موصول بالله عز و جل .

{وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ } يوسف87

........

المشاركة الأصلية كتبت بواسطة عصام غنايم

اكيد طبعا مش احسن مننا
احنا شعب لو اتوجة صح هيبقى الاول على العالم
ومش كلام
انت لو بصيت لكمية الموارد الرهيبة اللى بنتمتع بيها (اقتصادية وبشرية ) ( hard ware )هتعرف اننا لاينقصنا سوى ( soft ware )
اى اننا لا نحتاج الا لنظام تشغيل


the system faller

failure or faller ???? اصل ديه تدي معنى وحش وديه تدي معنى مش وحش اوي D:

وحياتك حتى لو حطيت سيستم ممتاز على العقليه المصريه

في الاخر حيديك System ERROR

وكلامك لما بتقول المصري افضل شخص في العالم فكرني بفيلم عسل اسود

لما كان بوليس بيقول لاحمد حلمي ان احسن طيار في العالم هو الطيار المصري ؟؟؟!!! فا قاله

انتوا بتقولوا كده عشان تصبروا نفسكم

حضرتك لو اشتغلت في اكتر من دوله بره مصر

خصوصا لو اتحطيت على زي مثلا مهندسين جدد بيشتغلوا او وركرس ( عمال )

عدى عليا جنسيات كتير مشوفتي اغرب من المصري

وكان افضلهم الاسيوين خصوصا الهنود و الصينيين والفلبنيين والكورريين بنسبة 100 %

لو قلتله اقعد 8 ساعات في نفس مكانك ومتتحركش لو ايه لغاية ما تخلص شغلك ومفيش بريك ولا استراحه تلاقيه قعد ولو عايز يروح wc يمسك نفسه ميروحش

ماعدا المصري هههههههههههههههه


بعد اول نص ساعه لامووووأخذه حروح دورة الميه اصلي مزنوق يعني اعملها هنا ؟؟


واحد تاني بعد ساعه حروح اشرب سوجاره اصلي خرمان هههههههههههههههههههه


والتاني عايز ياكل ويشرب

وغيره

مش حقول غير حاجه وحده بس


احنا ماشيين بالبركه D:


وطبعا مش بقلل من كلامك ولا رايك نهائي

انا بقول وجهة نظري ولو فيه اي زعل فا متزعلش