الموضوع: هل انت راضى عن حياتك فى مصر ؟

لو أطلعتم على الغيب لرضيتم بالواقع ... شوف موضوعك ده كان من أربع سنين وماكنش عاجبك حال البلد وكنت هاطق من الغيظ وقلت أفضفض معاكم فى حين أن البلد كانت هادية ومستقرة ، طب أزى الحال دلوقتى وأيه رأيك فى اللى بيحصل..مرضى ولا الاول كان أحسن لما كنت كاتب الموضوع ؟!!
قادر تمشى فى الشوارع زى زمان بعربيتك وأنت مطمئن ؟!
قادر تفتح بقوك وتتكلم فى حق الاخوان أو فى حق الجيش ؟!!،، أكيد هيظهرلك من كل جبهة مؤيد ومعارض ومش بعيد تموت فيها ؟!!
أيه رأيك فى أعلام بلدنا والنسوان اللى قعدة فى القنوات عمالة تلت وتعجن لما خربوها ؟!
عارف فيلم قلب الاسد بتاع محمد رمضان حقق كام فى العيد ؟!! حقق ( 15 مليون جنيه ولسة الشباك بيلم ) أيه رأيك فى ذوق الشعب وثقافته ؟!!
عارف .. أنا من جنوب سيناء .. تحب تيجى تتفرج على سيناء وتشوف المهازل اللى هناك .. سيناء بتضيع والبدو أستولوا بوضع اليد على معظم الاراضى اللى فيها وأن شاء الله قريباً بيبعوها والحكومة والجيش ما بيعملوش حاجة ، والله بيتفرجوا ويقولك أحنا مش أد البدو خلينا فى حالنا ..الايام بكرة هاتسبتلك صدق كلامى ، أن سيناء أول جزء هينسلخ من المجتمع المصرى !!!
ماعدش فيه سياحة خالص ويوجد بلدان مثل مدينة نويبع على خليج العقبة أصبحت شبه خالية من السكان وفنادقها السياحية الهوا بيصفر فيها
تعرف أنه يوجد جماعات متشددة فى شمال سيناء أسمها التكفير والهجرة بيعتبروا الجيش المصرى كافر وأنه لا يصح الصلاة مع الكفرة ومش بعيد يكونوا هما اللى تسببوا فى مقتل شهداء رفح !!!
أيه رأيك فى الحال دلوقتى .. بزمتك الاول أحسن ولا دلوقتى .. أنا عاوز أعرف رأيك ؟!!!

غير راضي بالطبع