الموضوع: هل انت راضى عن حياتك فى مصر ؟

الحمد لله راضي تمام الرضى. ولكن تضايقني الكثير من الأشياء التي أحاول تغييرها...ولكن البلد دي حلوة اوي و احسن من غيرها مليون مرة وميعرفش قيمتها غير اللي اتغرب برة وعرف يعني ايه يعيش وسط عالم يا اما باردين يا اما متخلفين.

لا يغير الله قوما حتى يغيروا ما بانفسهم

لو كل زاحد من ال 80 مليون صلح نفسوا البلد حالها هيتصلح الى حد ما ز نفسي المصريين يبطلوا تخلف و دماغهم تنضف

يا ناس شوفوا احنا بنمشى ازاي فى الشوارع و بنسوق ازاي كل واحد بيقول يلا نفسي و اختراع معلش و حصل خير الى مواديينا فى داهية

صدقونى بغض النظر عن مصايب الكبار احنا علينا دور كبير علشان حال البلد يتصلحز حولينا بلاد كتير افقر مننا وحكوماتهم دكتاتورية و معندهومش دين و مع ذلك الحياة عندهم انظف من عندنا بكتير و اي حد يخطف رجلو لحد تونس و يرجع يقولى ايه الاخبار

ربنا يسترها على حبيبتى مصر الى مالهاش ذنب ان احنا طلعنا اهلها

انا راضى عن حياتى الاجتماعية...... اهلى و حبايبى و اصحابى و الناس الكويسة اللى اعرفها.... بس طبعا مش راضى عن اسلوب حياتنا ككل كمجتمع و الذى اصيب بالخلل فى كثير من جوانبه.....

شكرا لصاحب الموضوع بس معلش يا اخي انا اسف ليك انك بتقول منقتربش من الخطوط الحمراء مهو دي بداية المشكله الخوف اللي مضيعنا الخوف في البلاد الاخري كل شيء بيتم مناقشته حتي اسلوب حياة الرئيس لانها منظومة متكامله للتقدم علي العموم للحديث بقيه وانا شايف ان الدين اللي بيتحارب حرب غير مباشره من الجميع هو الحل للخروج من ازاماتنا

انا طبعا اخترت الاختيار الثانى ( مش راضى خالص)
لما تلاقى نفسك بتحاول على اقصى مايمكن انك ترضى ضميرك وتشتغل بامانه وتراعى ربنا فى كل تفاصيل حياتك وعملك وبالرغم من كل ده مش عارف تحقق ذاتك او تعمل حاجه لاولادك لان فيه ناس معاك ماشيه بالفهلوه والكوسه والمحسوبيه اللى جايبانا ورا وبيحقق اللى هوا عاوزه فى غمضه عين وانت مابتعرفش تعمل حاجه !!!
يبقى اسمه ايه ده : ظلم والظلم بيؤدى الى الغليان النفسى والغليان بيؤدى الى الانفجار والانفجار ده لما بييجى الواحد مابيشوفش اللى قدامه وبيتصرف بعشوائيه وزى ماتيجى تيجى
طيب الحل ايه علشان نشيل الظلم ده ونحققق العدل بين الفئات المختلفه من الشعب ده ... الحل هو التغيير يعنى من الاخر وبصراحه التغيير يتم من قمه هرم السلطه الى الاسفل تدريجيا يعنى واحد يمشى بكتاب الله وسنه نبيه (انا مقصدش الاخوان علشان انا مش بحبهم وده رأييى الشخصى طبعا ) انما اقصد واحد متدين مش منتمى لاى جهه لا صوفى ولا اخوانى ولا اى طائفه اخرى يكون عارف الحدود والضوابط التى تكفل تحقيق العدل والمساواه

المشاركة الأصلية كتبت بواسطة honeythehoney

لا يغير الله قوما حتى يغيروا ما بانفسهم

لو كل زاحد من ال 80 مليون صلح نفسوا البلد حالها هيتصلح الى حد ما ز نفسي المصريين يبطلوا تخلف و دماغهم تنضف

يا ناس شوفوا احنا بنمشى ازاي فى الشوارع و بنسوق ازاي كل واحد بيقول يلا نفسي و اختراع معلش و حصل خير الى مواديينا فى داهية

صدقونى بغض النظر عن مصايب الكبار احنا علينا دور كبير علشان حال البلد يتصلحز حولينا بلاد كتير افقر مننا وحكوماتهم دكتاتورية و معندهومش دين و مع ذلك الحياة عندهم انظف من عندنا بكتير و اي حد يخطف رجلو لحد تونس و يرجع يقولى ايه الاخبار

ربنا يسترها على حبيبتى مصر الى مالهاش ذنب ان احنا طلعنا اهلها

+1111111111111111111111111111111111111111111111111 111111
متفق معاك تماما