الموضوع: هل انت راضى عن حياتك فى مصر ؟

المشاركة الأصلية كتبت بواسطة esamghanayem

مين اللى بيقول مفيش اختلاف

بص للارقام وانت تعرف ان فية اختلاف

ايام( الملكية والاقطاع ) كان الجنية الاسترلينى =95 قرش مصرى
ايام( الملكية والاقطاع ) كان الدولار الامريكى =75 قرش مصرى
ايام( الملكية والاقطاع ) كان الدينار الكويتى = مكنش موجود اصلا

طيب دلوقتى اية اخبار التقدم الاقتصادى الرهيب

الجنية الاسترلينى = 9 جنية مصرى
الدولار الامريكى = 5.5 جنية مصرى
الدينار الكويتى = 19.24جنية مصرى

19.24 جنية لية يا يعنى الناس دى بتعمل اية ولا احنا بقينا فين ؟
بس الناس دى عندها بترول واحنا معندناش دة حتى الغاز اللى اكتشفناة عندنا مطلعش بتاعنا طلع بتاع اسرائيل

طيب بلاش الناس اللى لقينها جاهزة دول
دولة ذى الاردن بتصنع اية ؟ مكانها فين بين دول العالم ؟ ثرواتها الطبيعية اية ؟
دينار اردنى = 7.77 جنية مصرى

طب لية ؟
طب اذاى ؟
طب سلامو عليكو .............

أسعار العملة ليست المؤشر الوحيد على التقدم
السويد من أكبر دول العالم تقدم و عندهم صناعات متقدمة جدا جدا
إلكترونية و عسكرية ....... و معدات أتصالات هي الأولى في العالم .
و سعر عملتهم أقل من الجنية المصري
هل لأن مصر أحسن منهم ؟؟؟؟؟؟؟؟؟؟؟؟
هل لأن الأقتصاد المصري أفضل ؟؟؟؟؟؟؟؟؟؟؟ ( نكتة لو الاجابة أيوة )

تحديد سعر العملة مش لازم يكون تحديد لقوة الأقتصاد .
أنت لو عايز الجنيه المصري من بكرة يبقى بسعر معين ........... مش هاتغلب و لكن لازم اأقتصادك يتحمل و لازم صادراتك تقدر تقف على رجليها ...

المهم أصلا الأقتصاد في الباي باي ....... و الشعب عايش في البلالة .......... و تحياتي ل ج ع ع .

-========================================-
نرجع لموضوعك .

طبعا رأس موضوعك فيها كلام جميل .

أنا أكتر حاجة مضيقاني في البلد دي هي الفوضى و الهمجية في التعامل و السواقة و عدم أحترام النظام و القوانين و الطوابير .

الناس تبقى واقفة طابور ( إذا حد وقف يعني ) و تلاقي واحد سمج بارد معندوش دم و لا أحساس و رايح على أول الطابور من الجنب ........ و بكل أستظراف و أستهبال و أستعباط و سايق الهبل على العبط ......... و متخطي كل الناس اللي واقفة و كأنهم هوا ............

تلاقي نفسك داخل على مطب
تلاقي اللي وراك بيزمرلك لو الطريق فيه رصيف في النص يمنع سيادته أن يتخاطك بكل قلة أدب ....
طيب يا بني آدم أعملك أيه ؟؟؟؟؟؟؟ أطير علشان خاطر سيادتك ما تضربش الأختراع اللي أسمه فرامل و تبقى زي الناس المحترمة و تقف ورا اللي يبطلع على الرصيف ؟؟؟؟


إذا صلحت الناس ......... الحكومة هاتنصلح شوية

و إذا ضيقت الحكومة الخناق على مرتكبي الأخطاء .................. الحال هاينعدل جامد لأن الناس مش شايفة أن فيه عقاب للأستهبال اللي بتعمله
فالكل عامل أهبل و عبيط ...................... و سايقين فيها لأن مفيش حد يوقفهم عند حده


و الله العظيم تلاتة
أنا واحد هددني بالضرب و تكسير عربيتي أمام 6 أفراد شرطة ...... ومنهم واحد ظابط
و بقولهم تشهدوا معايا في محضر

كلهم قالوا ملناش دعوة طيب مين اللي له دعوة ؟؟؟؟؟؟؟؟؟؟

مين يحميني ؟؟؟؟؟؟؟؟؟؟؟؟ الشرطة بتقولك ملناش دعوة أدام الراجل اللي بيهددني .......؟؟؟؟؟؟؟
يبقى الراجل ده يعمل أيه بعد كدا ؟؟؟؟؟؟؟؟؟؟؟

و لولا أني معايا وسطة ............. كان حصل مصيبة علشان أنا كنت على وشك الأنفجار فيهم ..........

و بالتالي أنا مش راضي و نفسي أرجع تاني المكان اللي كنت عايش فيه خارج مصر .
كنت عايش أجنبي في بلد أجنبي ............ و لكن حقوقي كلها بتوصلي على داير المليم و كان ليه كامل الأحترام و كافة الحقوق اللي لأهل البلد ........ زيي زيهم طول ما انا بحترم قوانين البلد .
و هنا في بلدي ....... مليش أي حقوق ........ و تنضرب على قفاك لو مش معاك فلوس ووسطة ...........


و تحيا ج ع ع