الموضوع: هل انت راضى عن حياتك فى مصر ؟

انا عارفه اني راي مش حيعجبكم ......كلكم عارفين الصح ومحاولتوش تعملوه ......بتشفو الغلط وبتسيبوه .....واحيانا بتعملوه وتقولو ماالكل بيعمل كده......بتشتمو الناس والحقيقه بتشتمو نفسكم
انتم محاولتوش تصلحو في اقرب الاماكن المحيطه بيكم ...وبتشتمو الجيران والشارع علي سلوكياتهم
طب كل واحد قبل مايشتم ....يحاول 3 مرات علي الاقل يتفق مع جيرانه انهم يعملوها.....( اي حاجه كبيره مضايقه الكل مثلا)
اكيد حتلاقي اللي حيستجيب في الاول والي حيتريق ويقول ماليش دعوه.....مش مهم فيه ناس بعد ماتلاقي فيه امل بتعمل معاك
وفيه ناس جواها طاقه كبيره بس عايزه اللي يوجهها للصح
بدل ما كلكم تقعدو تنقدوا ابداو بالحاجات الصغيره اللي في ايديكم ...شويه شويه الحال حيتعدل
تقولولي ازاي .....ابسطها وانت سايق لو لقيت اللي بيستهبل وجهله كلام بادب وسيبه وامشي حتي لو شتم ماتردش
وهو بعد كده حيفكر لوحده وفيه اللي حيجي وفيه اللي لا ........بس لو ناس كتيره اتفقت علي الصح في سلوكنا اليومي حتبقي هي السمه الرئيسيه والباقي شواذ
حتقولولي موت ياحمار ....ماهو ده اللي بيخلي حال البلد من سئ للاسوء....احنا نبتدي دلوقتي نصلح في ابسط قواعدنا الاخلاقيه لينا ولاولدنا.....بعد 10 حتظهر النتيجه
مفيش حاجه من غير تعب .....اعتبروه مقاومه احتلال ....احتلال فساد وسؤ اخلاق ومقومات مجتمع
عمرها ما حتتصلح الا بجهاد ومقاومه مستمره ومن كل المثقفين واللي فاهمين
اسؤ حاجه ممكن تحصل في بلد ...ان الطبقه المتوسطه تفقد الامل ...هما دول اللي مطلوب منهم المقاومه وبيهم يحصل التغيير
الفقير معندوش اللي يبكي عليه ...والغني مش حاسس بحاجه مستريح ومبسوط
احنا اللي شايفين وفاهمين .....ما ينفعش بقعد نندب علي النت ومحدش يحاول يصلح نفسه حقولكم شويه حاجات اعملوها في البيت
1- كل واحد في البيت ينضف حاجاته بنفسه ويرتب متعلقاته بنفسه....لو كل الاباء عملو كده والامهات الاطفال حيطلعو طبيعي نضاف ومنظمين
2- التليفزيون والنت يتحددلهم مواعيد حتي علي الاب والام الولاد حيبقي عندهم وقت يقرو يلعبو يتكلمو مع باباهم وماماتهم ...النتيجه تواصل في البيت والاباء يقدرو يسيطرو علي الاولاد
3- السوبر ماركت العدو الاول ....شراء الاهم فقط والضروري جدا بجد مره في مره حيحصل سيطره جامده علي الفلوس ويتعلم الاولاد انه مافيش صرف الا بحدود وتحفيزهم علي التحويش والفلوس ده ممكن تشجعهم انهم يشترو بيها حاجه غاليه ليهم ساعتها حيقدرو الفلوس والتحكم فيها
4- حسن سلوكك في القياده وحفز من حولك عليهم وشويه شويه العدد يبقي اكبر ومتعبش علي حد الا لو كنت مش بتعمل زيه
....................
5-النظافه .....اهم حاجه اتعلم وعلم اولادك مش معني ان الشارع مش نضيف ارمي انا كمان ....لا اعلمهم واشجع كل اللي حوليا من الجيران ....والله كتير حيقلدوك
دي شويه حاجات زكل واحد يحاول يحفز حاجه ايجابيه فيه وفي اللي حواليه
واستنو النتيجه .....مش السنهدي ولا اللي بعدها ..........استنوها في اولادكم
وافتكرو .........ده دورنا في مقاومه الاحتلال ما ينفعش نسيب البلد للمحتل ونمشي والا مش حلاقي حاجه نرجعلها

والله يا إيناس دة اللى انا بعملة حرفيا
ولاكن
انتى مش متخيلة مقدار الضغط النفسى وانتى بتعملى دة
دة فى ناس بتحسسنى انى مجنون يعنى لولا احترامى كانو قالوهالى
دة غير اولادى لما اقولهم مترميش حاجة غير فى الباسكت
طيب فين الباسكت يابابا ؟
كل إصحابى بيرمو إشمعنا انا !
ده غير لما تيجى تنصحى حد او توقوليله انت غلطان { لية هوانت حضرتك بتشتغل اية ؟ }
فى النهاية مفيش قدمنا غير الصبر

مكرها" اخاك لابطل