| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: هل انت راضى عن حياتك فى مصر

المصوتون
254. أنت لم تصوت في هذا الإستطلاع
  • راضى

    39 15.35%
  • غير راضى

    215 84.65%
صفحة 1 من 14 1 2 3 4 5 6 11 ... الأخيرةالأخيرة
النتائج 1 إلى 10 من 138

  1. #1

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي هل انت راضى عن حياتك فى مصر ؟ - Facebook Twitter whatsapp انشر الموضوع فى :

    hasad">

    هل انت راضى عن حياتك فى مصر ؟

    سؤال غريب

    والاجابة اغرب ( لا انا عن نفسى مش راضى )

    واقولكم على حاجة كمان انا حزين اوى ومخنوق من كل اللى حواليا
    طب لية ؟؟؟؟؟؟؟

    اقولكم ..... بس اعتبرونى بفضفض معاكم يمكن استريح شوية

    انا مش ذى ما الكل تخيل دلوقتى انى اكيد متخرج ومش لاقى شغل او مش عارف اتجوز او مرتبى مش مكفينى لا والله ابدآ

    انا والحمد لله متجوز وعندى اولاد وشغلى خاص بيا وظروفى المادية ذى الفل الحمد لله

    طيب اية اللى مزعلك فلقتنا !

    من شوية حاجات بسيييييييييييطة اوى
    ذى
    1 التخلف اللى حواليا فى كل مكان
    ( انتشار ثقافة اللمبى و شعبولا و العشوائيات وخليك مسطول علشان تبقى راجل والكل يعمللك حساب ومط الكلام وتدخيلة فى بعضة ذى اللمبى يعنى قدوة الشباب دلوقتى واحد متخلف)

    2 انتشار المخدرات والدعارة والشواذ
    ( وطبعا البانجو والحشيش بقوا ذى اللبان عند البقال والدعارة بقت رسمى دحنا عندنا شارع الهرم واياك وحذارى تنصح واحدة ..... لتبهدلك وتشتكيك والحكومة تجيبك وتقولك انت مال اهلك هتعملنا واعظ يا روح ام. وتلاقى برنامج معفن جايب بنتين ويقولوا احنا متجوزين بعض سحاق يعنى , برنامج تانى يجيب عيال لوطيين شواذ يعنى ويقولك اصل احنا ربنا خلقنا كدة , الاعلام كلة يقعد يتكلم فترة على # صاحب فكرة ومشروع تبادل الزوجات يعنى بدل من نخبى الفضيحة لالالالالالا ونعمل برنامج يجرم الموضوع ونبين تدميرة للدين والجسم والنفس لا نستضيف البشوات ونعمل معاهم حوار يوصلوا بية فكرهم المسموم لشباب لا يمتلك الوعى الدينى او الفكرى

    ونخلى اللى ذيهم يظهر وينتشر اكتر ايوة مهم بقوا نجوم وبقى عندهم الجرأة الكافية انهم يقولو دى حرية شخصية وعلى قد ميكون اللى بتعملة شاذ ومستهجن على اقد ما تاخد اهتمام


    3 رخص وهوان دم وكرامة المصرى بين كل جنسيات العالم

    ( اليابان مكونة من مجموعة جزر)
    عبااااارة بتنقل الناس بين جزيرتين غرقت
    عبااااارة واحدةعليها 176 بنى ادم ماتوا
    يكون رد الفعل اية ؟؟؟؟؟؟؟؟؟؟؟

    يشيدوا اطول جسر معلق فى العالم علشان يربطو بين الجزر ويلغو العباااااارات دى نهائى ويحافظو على ارواح ( البنى ادمين اليابانى )

    (سؤال جانبى؟ كام بنى ادام مصرى مات ولسة هيموت فى حوادث العباااااارات؟ )

    بلاش اليابان
    طبعا احنا عارفين الطائرات الكونكورد الاسرع من الصوت
    حادثة طائرة واحدة مات فيها 300 بنى ادام بسبب انفجار كاوتش اثناء الاقلاع تخلى فرنسا توقف الاسطول كلة عن العمل نهائيا وتتحمل خساير بمليارات الدولارات
    بس اكيد برضه ( البنى ادمين الفرنساوى ) عندهم اهم من خسارة الملايين دى

    طب بلاش اليابان وفرنسا
    طريق فى المانيا اسمة اوتو بان لقو ان نسبه الحوادث عليه عاليه مش علشان العربيات مفيهاش لانور ولافرامل ولا علشان الطريق فردة واحدة ومكسر ومفيهوش نور

    لأ دة علشان بتمشى علية اسرع عربيات فى العالم يعنى سرعات تصل الى 300 كيلو فى الساعة والطريق غير محدد السرعة طيب عملو اية

    اسطول مكون من 21 طائرة هيلوكوبتر مجهزة باعلى التجهيزات الطبية , اسطول سيارات مجهز بورش صيانة كاملة لتجنب اى اعطال على الطريق

    بس دول ( بنى ادمين المانى )

    (طبعا مش محتاج افكركم ان مصر من اعلى دول العالم فى حوادث الطرق )


    4 الاهدار الرهيب فى الموارد
    يعنى لما تلاقى برنامج من 30 حلقة يتكلم عن حاجة متخلفة بدون فكرة او موضوع اومضمون واسمة سيد ابو صفيحة
    وتلاقى شوية ممثلين وكتاب كنت اظن بعضا منهم محترم قاعدين بيتكلموا بكل تفاهة وهيافة عن واحد بارد سمج متخلف
    وطبعا دول مش هيقولو الكلمتين التافهين ببلاش دة اكيد كل واحد واخد كام باكو طبعا
    دة غير تكاليف التصوير والاخراج والمونتاج والديكور والمكياج والبث الفضائى دة اكيد ميزانية التفاهة دى تعدى الملايين ..............

    طب علشان اية ؟
    بيقول اية ؟
    بيفيد المجتمع باية ؟
    بيساعد مين ؟
    مين اللى بيصرف علية ؟ ؟ ؟ ؟ ؟ ؟

    طيب ممكن واحد يقول انة بيسخر من الواقع بطريقة كوميدية علشان نضحك !

    ضحكت عليك نفسك ياشيخ

    هو احنا فى وضع يسمحلنا بالضحك دحنا المفروض نعيط بدل الدموع دم على بلدنا اللى بتغرق وبتتباع و ( بتتخصص )

    و بعدين عايز تفرح وتكسب برضة اعمل برنامج يوصل للغلابة والمحتاجين وادعمهم بالفلوس دى علشان تفرحنا وتفرحهم

    طبعا ده مثال بسيط شوف بقى كام مسلسل و كام برنامج تافه لايقدم البلد سنتيمتر واحد
    اتعمل فى رمضان واهدر فيهم كام مليون او كام مليار من فلوس الشعب الغلبان اللى محتاج لكل جنية
    دة طبعا غير الوقت الرهيب الضائع فى المشاهدة
    فى رايى الشخصى الكهرباء الضائعة اثناء المشاهدة اهدار نحاسب علية
    ده طبعا بفرض اننا بنتفرج فى وقت فرغنا

    احنا معدناش محتاجين حد يضحكنا على همومنا احنا محتاجين حد يساعدنا على مواجهتها وتخطيها
    بدل متعملو برامج هايفة
    اعملوا برنامج تعلم الناس اذاى تكسب اذاى تشتغل اذاى تنتج اذاى كل فرد فينا يتقدم فكل البلد تتقدم

    احنا عندنا اعلام لو اتوجة صح لوحدة ممكن يغير كتير من وضع البلد

    5 غياب القدوة
    حد يقدر يقولى مين القدوة دلوقتى للشباب ؟
    اللمبى , بوحة , ابراهيم الابيض , منصور الحفنى , تيتو , دكان شحاتة ,,,,,,,,

    قائمة لاتنتهى من المجرمين والمساطيل و تجار المخدرات بلاش دى

    وكأن الشعب كلة معتش فية حد نستفيد من قصة حياتة لنأخذ منها الموعظة والعبرة فى رمضان غير ( اسماعيل يآسين ) ومجهودة وكفاحة الطويل بين الكبريهات والاستوديوهات

    زمان كنا بنشوف مسلسلات قصة حياة ( طه حسين , العقاد ) ناس افادت نفسها وبلدها

    دلوقتى مين ( اسماعيل يآسين ) ده ؟

    بيتهيألى لو عملو قصة حياة واحدة غلبانة بتبيع خضار علشان تربى عيالها هيبقى اشرف بكتير من اللى بنشوفوة دلوقتى

    دة كفاية ان بقى حلم اى شاب فى الثراء حاجه من اتنين
    يا يبقى لاعيب كورة يا يبقى مغنى

    وحلم اى بنت بالثراء يا مغنية يا رقاصة

    اصبحت دى اقصر طرق الثراء السهل


    6 اكتر حاجة مجننانى ان الموضوع مش اختراع
    اذاى ؟
    يعنى قدمنا ملايين الامثلة لشعوب كانت بالنسبة لنا حتى وقت قريب متخلفين
    ودلوقتى بقينا بنكافح علشان نروح نشتغل عندهم خدامين نغسل الصحون ونكنس الشوارع

    انا زعلان اوى ومش زعلان بس لأ مقهور كمان
    بس معلش

    ممكن اوى نستفيد من تجارب الناس دى ممكن نستفيد من التجربة الماليزية بدل التجربة الدنمركية !!!!!!!!!

    احنا عندنا عقول ومواهب لو اتصرف عليها نصف اللى بيتصرف على لاعيبة الكورة و الممثلين والله هنبقى من الدول العظمى

    7
    8
    9
    &

    لسة فيه حجات كتير ملهاش نهاية تعبانى وخنقانى


    بس انتو عارفين انا اتكلمت لية

    عشان سببين

    الاول
    انى افضى الشحنة اللى جواية علشان مموتش طقيق

    الثانى
    قصة سيدنا جبريل لما امرة الله ان يدمر قرية فرجع الى ربه وقال يارب ان بها عبد صالح يتعبد فقال له ربه به فأبدأ فلقد رأى قومة يفعلون المنكر ولم يتغير وجهة
    يعنى عمل ذى افضلنا ( انا ابقى كويس فى نفسى . ومليش دعوة بحد . خليك فى حالك . مش هتغير الكون )

    لالالالالالالالالالالالال الالالالالالالالالالالالا لالالالالالالالالالالالا

    ممكن نغير الكون

    نقول الغلط ومنسكتش

    ونعمل الصح وندل الناس علية

    كلنا هنتقدم


    انا قلت جزء من اللى جوايا واتمنى الكل يكمل بعدى

    يقول على اى شىء غلط ومش راضي عنه

    و يقول على اى حاجه ممكن تفيد الاخرين

    وطبعا اكيد من غير مايقرب من الخطوط الحمراء

    الهدف من الموضوع كلة ان كلنا ننفس عن غضبنا وغيرتنا على وطنا ونساعد بعض على الخير

    احنا معانا نعمة ممكن تساعدنا على التقدم لو استغليناها صح

    النت ومنتدى نايل موتورز

    مستنى ردودكم


    للتواصل السريع دى صفحتى على الفيس بوك
    https://www.facebook.com/esamghanayem

    ودا رقمى 01006898520

    اخوكم
    عصام غنايم


  2. #2

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    ياااااااااااااااااه

    فكرتني بموضوع كنت عامله من سنة

    اقتباس المشاركة الأصلية كتبت بواسطة ahmed samy مشاهدة المشاركة
    انا من فترة وأنا نفسيتي مش كويسة
    صحيح بادحك و باهزر و باروح وباجي ..بس دايما حاسس اني ورايا حاجة ماعملتهاش او في حاجة هاتحصل بكرة ...
    و بعدين لاقيت نفسي غير قادر على الاستمتاع بالحياة من قوة سيطرة الشعور بالقلق عليا و على تفكيري.

    و قعدت مع نفسي أفكر فيا ايه
    يوم واتنين وتلاته و أكثر
    أنا خايف من البلد دي .... أنا خايف من بكره اللي عارف يقينا انه أسوأ من النهاردة .. البلد بتقع
    صحيح أنا مرتاح ماديا و الحمد لله
    بس من خمس سنين كنت غني قوي قوي
    ومن سنتين بقيت قادر على شراء اي شيء اريده بدون تحويش
    و الأن أنا فقط مرتاح ماديا و الحمد لله على النعم الكتيرة
    بس ليه ؟؟؟
    ليه البلد بتعمل فينا كده ؟؟؟
    انتوا لو شوفتوا كل اللي بيتقال عن العيشة في المنتدى هنا تكتئبو و الله العظيم
    الشوارع زحمة (تتحرق)
    و العقار غالي و فاضي .. و لما نقدر نتنيل و نشتري شقه ندفع ضرايب عقارية
    و لو مش هاقدر اشتري شقة ولا بيت و لا أرض أقول أجيب عربية
    و أدفع تمنها مرتين بس لأني في مصر و اركب عربية من أقل المواصفات في العالم
    حتى البنزين النضيف بتاعها مش موجود و ادينا بنحط من اللي موجود هنا
    دا حتى اللي موجود هنا هايغلى و مش هاعرف احطه فيها (ايه كمان مش هاعرف انزل اتمشى بالعربية لحد ماتعب).
    ليه لو دخلت على لجنه بخاف و انا مواطن شريف جدا مابشربش سجاير حتى ...
    و ياريتني باعدي بسلام !! ده ممكن الظابط ينكد عليا شهر و ممكن يبهدلني و ماخودش منه حق ولا باطل (و حصللي قبل كده)
    ليه الأكل كل يوم بيغلى ؟؟؟
    ليه بادفع فاتورة ميه 52 جنيه و انا ومراتي بس اللي في البيت
    ليه يجيلي في فاتورة التليفون اشتراك 30 جنيه ؟؟؟
    و في فاتورة المية (متأخرات) 29 جنيه كل شهر ؟؟؟ كل شهر متأخرات؟؟؟ و لما تسأل تدخل في دوامة مقرفة من النهب والروتين و القذارة و اللا مبالاة
    ليه اشتري عربية جديدة و امشي على طريق حلو و ادفع 100 جنيه (رادار على 92 )
    و لما أدفعهم ألاقي كمان فيه 75 جنيه (مخالفة قديمة) ما حدش رضي يقوللي هيا ايه
    و طلعت حزام في اسكندرية (وانا ما عتبتهاش السنة دي)
    ليه ماحدش بيعمل شغله ؟؟؟ و برضه يطلب فلوس
    ليه البلد تتباع و الجنيه يقل و الأسعار تولع
    و المرتبات تقل و القبض يتأخر ؟؟؟
    انا فعلا عارف ان البلد دي هاتوقع قريب
    و الغني هايبقى فقير و الفقير يموت أو يندعق
    و الباقي هيكون برا مصر
    انا حقي اني أعيش (بلاش أعيش كويس) بس أعيش
    اتعب و اجتهد و اموت نفسي ....بس ألاقي نتيجة
    أحوش ..... ولما احتاج تحويشي الاقيه , مش الاقيه بقى النص
    نفسي يبقالي و لد و أنا أعلمه و أربيه علشان يكون انسان في دنيا الناس كويس يبقى محترم أو وحش يبقى ينضرب بالجزمة (بس في مصر ..هاينضرب بالجزمة كده كده و بالذات لو عنده أخلاق).

    أنا خلااااااااااااااااااااااا ااااااااااص
    مش هاقدر أعيش في البلد اللي بتمص دمى و أعصابى كل يوم
    أنا باذن الله قررت اني أسيبها (قرار كنت دايما بخاف منه و اعملله الف حساب) بس هوه ده اللي هايريحني , ويطمنني ويحسسني اني حي

    اسف على الاطالة بس انا بجد محتاج اتكلم مع اخواتى واصحابى


  3. #3

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    عايز امشي
    وهل عرفت تمشى ؟

    ولو كنت مشيت هل استريحت ؟

    لالالالالالالالالالا

    الهروب مش حل

    وبعدين هتهرب تروح فين ؟

    تروح تخدم بهايم ويقلولك مصرى اخو ....... جاى جعان تاكل من خيرنا

    هتتمنى الموت وقتها وهتكرة نفسك و بلدك اللى رميتك لواحد ذى دة يذلك

    ولا هتروح لناس شايفنا نصين
    نص حمير معاها فلوس هندحك علية وناخدها منه
    والنص التانى ارهابيين يجب تصفيتهم

    هنروح فين ملناش الا هية وهية ملهاش الا احنا


    برجاء عدم استخدام الفاظ منافية للآداب

    لقد تكررت مخالفتكم لهذه القاعدة لذا وجب حصولكم على تحذير

    مشرف الاجتماعي


  4. #4

    الصورة الرمزية Ahmed Samy

    رقم العضوية : 1716

    تاريخ التسجيل : 12Aug2007

    المشاركات : 12,834

    النوع : ذكر

    الاقامة : Egy

    السيارة: ex polo ex lancer

    السيارة[2]: Kia Cerato

    الحالة : Ahmed Samy غير متواجد حالياً

    افتراضي -

    طب لو فرضنا ان المشي مش الحل

    الحل أبوس ايدك


  5. #5

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    نكافح فيها ومعاها

    ونكافح

    ونكافح

    ونكافح

    حتى يقضى الله امرا كان مفعولا

    ولا تنسى دوام الحال من المحال


  6. #6

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    الصبر مفتاح الفرج


  7. #7

    الصورة الرمزية m7nsh

    رقم العضوية : 19375

    تاريخ التسجيل : 18Sep2008

    المشاركات : 1,842

    النوع : ذكر

    الاقامة : Nasr City

    السيارة: كده رضا :)

    السيارة[2]: Opel Vectra 97 1.6 M/T

    دراجة بخارية: nope

    الحالة : m7nsh غير متواجد حالياً

    افتراضي -

    والله الواحد بيشوف الأيام سودا ,, و اللى فات إسود و الجاى أسود
    ربنا يسترها معانا بعد ما نتخرج ..
    الواحد مبقاش عارف هوالبلد دى رايحه على فين بالمنظرده ؟؟ انا مبقتش اشوف منظر ( منظر واحد يا جماعه ) او موقف او اى حاجه تفتح النفس وتديك امل غير ياااااااااااااه كل فين و فين والله
    بابص حواليا فى كل حته الاقى بلاوى زرقا ونصب و انحلال وفساد و حجات كتير مش قادر اتكلم عليها من كترها ,, صعب حصرها فعلا و الأصعب ان كل الوان و اشكال البوظان اتخذت من مصر موطن رئيسى و اساسى ليها عشان تترعرع براحتها !!
    بس هرجع واقول ,, معلش لااااازم نستحمل ,, و فعلا دوام الحال من المحال و الصبر مفتاح الفرج ,, و انا اوقات كتير بيجيلى احساس بالتفاؤل ان ممكن بكره يبقى احسن ( والله احساس غريب و بقعد افكر كتير هو الأحساس " الغريب " ده جايلى منين ؟؟!! .. تخيل ! احساس التفاؤل نفسه بقى غريب على نفسيه الواحد )
    انا شايف ان سكه الخلاص من اللى احنا فيه ده مبقتش بس فى اننا لازم نكافح ونستحمل و ننصح ونوعى و نلتزم بالصح و بس ,, بجد اللى احنا فيه ده مصيبه كبيره و ربنا لوحده هو اللى قادر يصلح حالنا فعلا ,, لأن الموضوع زاااااااد فعلا بطريقه بشعه و معتقدش مجرد ان الواحد يبقى كويس و ينصح اللى حواليه بانهم يبقو كويسين هيبقى لوحده الحل .. طبعا هو لازم يبقى كده بس انا اقصد ان لازم ندعى ربنا بجد هو الوحيد اللى يقدر يخرجنا من البلاوى اللى احنا فيها فعلا
    يااااااااااااااااااارب اصلح حال بلدنا
    اّميييييين
    معلش انى طولت كده بس قولت افضفض برده ..

    [caps]Mohamed Badr[/caps]


  8. #8

    الصورة الرمزية TIMODAX

    رقم العضوية : 3442

    تاريخ التسجيل : 27Nov2007

    المشاركات : 361

    النوع : ذكر

    الاقامة : cairo

    السيارة: logan

    السيارة[2]: lada

    دراجة بخارية: لا يوجد

    الحالة : TIMODAX غير متواجد حالياً

    افتراضي -

    نكافح فيها ومعاها

    ونكافح

    ونكافح

    ونكافح

    ,و بعد كده نمشي ............

    Our deepest fear is not that we are inadequate. Our deepest fear is that we are powerful beyond measure.


  9. #9

    الصورة الرمزية Ghamrawy

    رقم العضوية : 4385

    تاريخ التسجيل : 17Jan2008

    المشاركات : 4,078

    النوع : ذكر

    الاقامة : Alexandria

    السيارة: grande punto T-jet

    السيارة[2]: خلاص بخ

    دراجة بخارية: nope

    الحالة : Ghamrawy غير متواجد حالياً

    افتراضي -

    راضى ازاى و الواحد فى هم و قرف و تفكير قاتل لمدة 24 ساعة ؟!!!
    معاناة من ساعة ما تنزل رجلك من على السرير الصبح علشان تروح شغلك ( ميه مقطوعة او كهربة مقطوعة لا تعرف تغسل و شك و تمشى تحسس على السلم بنور الموبايل-ريحة السلم قذرة من الجيران الاقذار و البواب القذر اللى بيكسل ينضف مع انع بياخد حقه تنزل تلاقى واحد مش بنى ادم راكن عليك صف تانى او اكصدام فى اكصدام-تمشى فى شوارع مكسرة و مليانة زبالة-مسجلين خطر سايقين ميكروباصات-زحمة بسبب سوء نخطيط الشوارع او بسبب انسان ماعندوش عقل معطل الطريق-توصل الشغل تلاقى المدير مخه مش فى راسه و انما فى منطقة تانية-زمايل نمامين-حاقدين-حاسدين-و انت مروح من القرف اللى انت كنت فيه تلاقى تليفون من البيت بيقولك هاتلنا معاك كذا و كذا (شوية حاجات هبلة) تدخل تشترى و تدفع كتييير قوى فى كلام فاضى و المرتب اللى بييجى يوم 26 او 27 يوم 5 بيكون خالص و نقضى بقية الشهر تصرف من لحمك الحى من فلوس كنت محوشها او كنت حاططها فى شغل بره -تروح ما تلاقيش مكان تركن فيه-تطلع البيت طبعا ما فيش ميه تاخد دش-تفتح التليفزيون تسمع اخبار محلية تنقط كلها نفاق و كدب و فساد و لحس ........ و مسؤولين اخرهم يلموا دود من على الزراعة-او خبر عن حادثة او كارثة حصلت فى البلد-او حاجة حلوة حصلت فى بلد كانت متخلفة زينا (كوبرى-مطار-مترو جديد-بطولة رياضية عالمية-اكتشاف طبى جديد-فوائض فى الدخل القومى) تقوم تحزن على حالك و على حال الخرابة اللى انت عايش فيها)
    و فى الاخر تدخل تنام ما تعرفش من كتر التفكير و شيل الهم من النور اللى حايطلع عليك بكره (لو طلع) و هكذا لغاية ما ربنا يرحمنا و ياخد روحنا

    بلد رديئة و العيشة فيها رديئة
    اللى يعرف حل يقوله


  10. #10

    الصورة الرمزية youssefmustang

    رقم العضوية : 13220

    تاريخ التسجيل : 19Jun2008

    المشاركات : 1,448

    النوع : ذكر

    الاقامة : Giza

    السيارة: كفاية واحدة والحمد لله

    السيارة[2]: fiat 127 / model 1985

    الحالة : youssefmustang غير متواجد حالياً

    افتراضي -

    hasad">

    والله كلام جميل جدا و مؤثر جدا
    ومش هينفع نمشى من البلد
    يبقى ايه الحل :
    الحل ان احنا اللى ننظم البلد ونظفها من كل حاجة قذرة فيها نكلم اى حد مسؤل زى وزير الشباب؟ بس هل حد يسمع
    فى الف حل بطريقة سلمية ومتحضرة تخلى البلد دى حالها يتعدل الف مرة وتبقى احسن دول العالم بأذن الله
    الموضوع مش عايز يأس ولا يحزنون!
    عايز ارادة وعزيمة وصبر ؟ ان الله مع الصابرين - ان مع العسر يسر
    والله يا جماعة لو واحد بس بدأ بفكرة كويسة هتعمل كتيييير وهيلاقى كتييير يقوفو معاه
    انا اللى بيدور فى دماغى :
    ان مجموعة شباب يكونو واخدين تصريح من اى مسؤل عالى المستوى ينزلو الشوارع والعشوائيات والطرق وكل المناطق اللى فيها مشاكل
    ويكلمو الناس اللى متسببة فى المشاكل بكل ادب ؟؟
    هتقولى ان فى ناس بلطجية هترد عليك وتقولك انت مالك ....* صح انا معاك يبقى معانا حد من الشرطة يكون واقف معانا( مش واسطة لا حاجةلا تكون وزارة الداخلية هى اللى بعتاه) عشان لما يحصل قلق ؟ ايه اللى حصل :
    اللى حصل كذا كذا كذا من الشخص الفلانى عشان بنكلمو...
    دى حاجة بسيطة من اللى فى دماغى
    وبأذن الله ربنا هيكون معانا
    اخوكم يوسف



 
صفحة 1 من 14 1 2 3 4 5 6 11 ... الأخيرةالأخيرة

المواضيع المتشابهه

  1. هل انت راضى عن نفسك ؟؟؟؟؟
    بواسطة aboelnagah في المنتدى المنتــــــدى الاجتمــاعى
    مشاركات: 23
    آخر مشاركة: 15-08-2016, 12:00 PM
  2. الكبوت مش راضى يفتح
    بواسطة mndooo في المنتدى شــيفـرولــيه
    مشاركات: 3
    آخر مشاركة: 21-06-2012, 01:46 PM
  3. هل أنت راضى عن اضاءة الصنى .....
    بواسطة د.أحمد السعيد في المنتدى نيـــــــــسان
    مشاركات: 17
    آخر مشاركة: 15-12-2010, 06:55 PM
  4. هل انت راضى عن سيارتك البيتلز
    بواسطة ابوهاشم في المنتدى فــــولكـــس
    مشاركات: 40
    آخر مشاركة: 20-10-2009, 06:05 PM
  5. الماسنجر مش راضى يفتكرنى
    بواسطة amr mokhtar في المنتدى المنتــــــدى الاجتمــاعى
    مشاركات: 12
    آخر مشاركة: 29-07-2009, 08:34 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2