محتاج نصيحة ضروري جداً

**Eng. Rafy Samy** · 20-09-2009 01:40 PM

كلام جميل ومقنع ومنطقي
طيب كده انا قدام 3 اختيارات
1- شل هيلكس 5000
2- شل هيلكس بلس
3- شيل هيلكس الترا

اخر كلام احض مين فيهم .. انا حنزل اغيرة انهاردة ان شاء الله

**MuhammedSoliman** · 20-09-2009 03:04 PM

لو مش هتحط موبيل وان خليك فى
3- شيل هيلكس الترا
تحياتى

**Eng. Rafy Samy** · 20-09-2009 03:28 PM

د/ محمد
ازيك يا باشا.. عامل ايه يا كبير
شكراً لردك واهتمامك .. ونصيحتك مهمة جداُ عندي
وكل عام وانتم بخير وصحة وسعادة

**Eng. Rafy Samy** · 21-09-2009 05:32 PM

تم بحمد الله تغير الزيت بزيت شل هيلكس 5000 - اسعر 98 جنية
تم التغيير عن طريق شفط الزيت مش من الطبة لاني خفت احسن الصنايعي ميقفلهاش كويس او يبوظها وهو بيفكها ودي كانت نصيحة د/ محمد سليمان
فضلت ادور على زيت شل هيلكس في كل حتة ملقتش غير على الطريق الصحراوي ( بنزينة في الكيلو30 ) والعمال كانوا اجازة فغيرته في بنزينه اسو بجوار مدر الامن الجديدة

الملاحظات:
الزيت فعلاً ممتاز وده بشهادة الصنايعي اللي كان يغيرة وقالي في الخباثة د احسن من موبيل1 ( ال5000 ) بس
بالنسبة للموتور صوته هدي كتير وحسيت ان انعم بكتير - انا مغييرتش فلتر لانهم قالولي ده بيعض 10000 كم
العربية اخدت 3.5 لتر بس

الشكر لكل الاعضا الكرام اللي فادوني ونصاحوني
كل عام وانتكم بخير وصحة وسعاد
قبلوا تحياتي

**as01241** · 21-09-2009 09:23 PM

تم التغيير عن طريق شفط الزيت مش من الطبة لاني خفت احسن الصنايعي ميقفلهاش كويس او يبوظها وهو بيفكها ودي كانت نصيحة د/ محمد سليمان

طب هو مش ده غلط لإن التوكيل بيحط نوع تاني وكان المفروض تصفي الزيت كويس عشان حسب ما مكتوب في الكتالوج غلط تغير نوع زيت بنوع تاني وفي ناس بتقول لازم تتعمل حاجة إسمها فلاش للموتور لغسيله يعني قبل ما تحط النوع الجديد ؟ ولا إيه؟

**Eng. Rafy Samy** · 21-09-2009 10:27 PM

الكلام ده جديد عليا
يا ريت حد من الاساتذه الخبراء يرودوا على سؤال استاذ احمد عزت لاني قلقت

كل عام وانتم بخير

**khpopo** · 22-09-2009 12:15 AM

[QUOTE=Eng. Rafy Samy;3872003470]الكلام ده جديد عليا
يا ريت حد من الاساتذه الخبراء يرودوا على سؤال استاذ احمد عزت لاني قلقت

كل عام وانتم بخير[/QU
شل هيلكس 5000ك ممتاز عن تجربه لكن كان لازم الفلتريتغير لو نوع الزيت اختلف عن الى قبله
ربنا يوفق

**hesham_soaida** · 22-09-2009 03:03 AM

معلش هو الموضوعدا ملخبطني شوية
فيه نقطتين عايز استفسر عنهم:
1- مواعيد الصيانة كل أد ايه؟
2- انا فهمت انك ممكن تشتري الزيت من برا التوكيل وتغيره في التوكيل في معاد الصيانة. فهل دا علشان فرق السعر؟ ولا علشان شل احسن من توتال؟ ولا علشان التوكيل مابيحطش زيت تخليقي؟ طيب انا بقالي 9 سنين بسثعمل mobil 1 في عربيتي القديمة (كيا سيفيا) فما موقعه من الاعراب؟

**as01241** · 22-09-2009 04:06 PM

المشاركة الأصلية كتبت بواسطة Eng. Rafy Samy

الكلام ده جديد عليا
يا ريت حد من الاساتذه الخبراء يرودوا على سؤال استاذ احمد عزت لاني قلقت

كل عام وانتم بخير

واي عربية لما تغير من نوع زيت لنوع تاني لازم تستعمل فلاش للموتور تغسلة بايه مش تغير على طول
لان من الخطأ اختلاف مكونات زيت باخر

علبة فلاش بتجيبة من اي ماركت في بنزينة بيكون امريكي
من 10 الى 20 جنية
تحطة على الزيت اللي هاينزل خلاص
تدور العربية 5 دقايق بالظبط بعد ماتحطة على الزيت
اوى تزود بنزين او تمشي بالعربية اطلاقا لانك ممكن تضيع الموتور
خمس دقايق
تبطل العربية
تنزل الزيت القديم اللي علية الفلاش
تحط الجديد النوع الجديد
وخلص الموضوع
وظيفتة
بحل الزيت تماما فتنزل كل مكوناتة ومايتبقاش اثر للقديم

دا كلام قاله أ/ كريم منير في موضوع تاني خاص بالزيوت على المنتدى وفيه موضوع علبة الفلاش اللي بتغسل الموتور من الزيت القديم ولما رجعت لكتالوج العربية لقيت إنه غلط إن نحط نوع على نوع تاني مختلف , أصل أنا بردو كنت عاوز أغير نوع الزيت بس اللي قريته في الكتالوج قلقني وقلت أسألهم في التوكيل الأول
بس أنا مش عاوز أقلقك يا مهندس رافي , أعتقد إنها مش مشكلة كبيرة يعني , أنا رأي إنك عشان تكون مرتاح تيجي على نفسك شوية وتقضي سفرك بالزيت اللي حطيته وبعد ما ترجع غيره تاني بالفلتر وهات علبة الفلاش وظبط وإن شاء الله كله يبقى تمام

كل سنة وحضرتك طيب

**MohabSaeed** · 22-09-2009 04:55 PM

المشاركة الأصلية كتبت بواسطة eng. Rafy samy

الكلام ده جديد عليا
يا ريت حد من الاساتذه الخبراء يرودوا على سؤال استاذ احمد عزت لاني قلقت

كل عام وانتم بخير

- هو كان المفروض تغير الفلتر مع الزيت يا بشمهندس ..... لان الموتور لسه جديد و بينزل رايش و بيتحجز فى الفلتر , بس طلاما حطيت الزيت خلاص غيره مع تغير الزيت المره الجايه .

فى اقتراح تانى انك تمشى بالعربيه و تقضى مشاويرك و بعد اسبوع ولا اسبوعين تروح تعمل صيانه ال5000 فى التوكيل و تستعوض ربنا فى ال98 جنيه بتوع الزيت و تغير زيت تانى و فلتر فى التوكيل . علاشان تكون مطمن اكتر .

و برده شوف رأيى باقى الاخوه لانى بصراحه مش عارف ايه انسب حل .

- موضوع الفلش اويل .. مافيش اى من شركات البترول او حتى مصنعى السيارات اتكلمت عن استعماله او حتى نصحت بيه لما تغير من نوع لنوع اخر ... و عموما انا بدلت من توتال 5000 ك " معدنى " الى شل هيلكس بلاس7000 ك " نص تخليقى " الى شيل هيلكس الترا 10000ك " تخليقى " و مافيش ولا مره استعملت الفلش اويل . و الحمد لله مفيش اى مشكله .... لانى قريت ان استعماله بيجيب نتائج عكسيه . بس كونت حريص انى اصفى الزيت بالكامل علاشان التغير من زيت معدنى ل تخليقى .

الموضوع: محتاج نصيحة ضروري جداً

LinkBack

أدوات الموضوع

عرض

-

-

-

-

-

المواضيع المتشابهه

محتاج نصيحة ضروري

محتاج رأي رجالة الاسترا ضروري جداً النهاردة

بوينتر 2005 محتاج نصيحة ضروري جدا من أهل الخبرة

محتاج كاوتش ضروري جداً 205/60/ r15

محتاج نصيحة ضروري

الكلمات الدلالية لهذا الموضوع

المفضلات

المفضلات

ضوابط المشاركة