الموضوع: محتاج نصيحة ضروري جداً

المشاركة الأصلية كتبت بواسطة hesham_soaida

معلش هو الموضوعدا ملخبطني شوية
فيه نقطتين عايز استفسر عنهم:
1- مواعيد الصيانة كل أد ايه؟

مواعيد الصيانه كل 5000 كيلو فى حاله استعمال زيت معدنى .

و كل 10000 كيلو فى حاله استعمال زيت تخليقى .

مع جدول الصيانه المعتاد

و فى كل سيارات بروتون " الزيرو " ... بيتم عمل اول صيانه عند ال1000 كيلو .. مع تغير الزيت و الفلتر و بعدها ال5000 مع تغير الزيت و الفلتر .

و مع ال10000 حضرتك بتختار يا اما تحط زيت تخليقى و تعمل صياناتك كل 10000 كيلو او زيت معدنى و تعمل صياناتك كل 5000 كيلو .

المشاركة الأصلية كتبت بواسطة hesham_soaida

2- انا فهمت انك ممكن تشتري الزيت من برا التوكيل وتغيره في التوكيل في معاد الصيانة. فهل دا علشان فرق السعر؟ ولا علشان شل احسن من توتال؟ ولا علشان التوكيل مابيحطش زيت تخليقي؟

فى ناس اشترت الزيت من بره و لما راحت التوكيل مهندس الاستقبال رفض رفض قاطع انه يحط زيت او اى منتج او قطعه من بره مخزن التوكيل ...... و الموضوع ده حصل معايا مهندس الاستقبال فى العجوزه رفض انه يحط حتى سائل تبريد الريداتير الى كنت حجيبه و قالى بالحرف ممنوع احط اى حاجه من بره المركز عندنا .... ده الكلام الى سمعته من ناس كتير و الى حصل معايا من 10 شهور تقريبا , مش عارف بقى هل الوضع اتغير ولا فى استثنائات .

المشاركة الأصلية كتبت بواسطة hesham_soaida

هل دا علشان فرق السعر؟ ولا علشان شل احسن من توتال؟ ولا علشان التوكيل مابيحطش زيت تخليقي؟

فرق السعر فى التوكيل مش كبير لان كده او كده فى مصنعيه الصيانه بتضاف . متهيألى الفرق بيبقى فى ضريبه المبيعات الى التوكيل بيضيفها على سعر الزيت الاساسى .

شل افضل نسبيا و عن تجارب الناس و تجربتى الشخصيه ... لكن مش فرق الكبير و زيوت توتال كويسه جدا و برده عن تجربه .

التوكيل عنده زيت توتال تخليقى بالكامل " اسمه توتال 9000 " متهيالى انه زيت كويس بدليل انهم بيستخدموه مع BMW فى عز العرب .

المشاركة الأصلية كتبت بواسطة hesham_soaida

طيب انا بقالي 9 سنين بسثعمل mobil 1 في عربيتي القديمة (كيا سيفيا) فما موقعه من الاعراب؟

موبيل 1 مجربتوش فى عربيتى لكن سمعت اراء سلبيه كتير جدا عليه .... خصوصا موضوع انه بينقص بشكل ملحوظ و بيسود , و ده لاحظته فى عربية احد اصدقائى اكتر من مره . و دلوقتى بيحط شل الترا و المشكله اختفت ! .

متشكر جدا يا باشا على الاهتمام. الدنيا كدا وضحت.

فى ناس اشترت الزيت من بره و لما راحت التوكيل مهندس الاستقبال رفض رفض قاطع انه يحط زيت او اى منتج او قطعه من بره مخزن التوكيل ...... و الموضوع ده حصل معايا مهندس الاستقبال فى العجوزه رفض انه يحط حتى سائل تبريد الريداتير الى كنت حجيبه و قالى بالحرف ممنوع احط اى حاجه من بره المركز عندنا .... ده الكلام الى سمعته من ناس كتير و الى حصل معايا من 10 شهور تقريبا , مش عارف بقى هل الوضع اتغير ولا فى استثنائات .


انا سمعت انك ممكن تغير الزيت خارج التوكيل , وفي معاد الصيانة الدورية تقولم ميغيرهوش, والضمان يبقى ساري. الكلام دا مضبوط؟

المشاركة الأصلية كتبت بواسطة hesham_soaida

متشكر جدا يا باشا على الاهتمام. الدنيا كدا وضحت.

المشاركة الأصلية كتبت بواسطة hesham_soaida

*انا سمعت انك ممكن تغير الزيت خارج التوكيل , وفي معاد الصيانة الدورية تقولم ميغيرهوش, والضمان يبقى ساري. الكلام دا مضبوط؟

العفو يا دكتور لا شكر على واجب .

* الصراحه معنديش فكره لان عربيتى عدت فتره الضمان و مش بعمل صيانات دوريه فى التوكيل بعملها بره و سايب التوكيل للحاجات المهمه اوى او الى مش موجوده بره .

المشاركة الأصلية كتبت بواسطة A. Ibrahim

الله ينور عليك يا موهاب الكلام ده 100 100

الله يخليك يا احمد باشا

المشاركة الأصلية كتبت بواسطة Eng. Rafy Samy

شكراً جزيلاً على كل المعلومات القيمة دي
ان شاء الله لما ارجع واواح اعمل الصيانة حبقى اسأل م/ محمد صلاح عن رأية وحبقى ابلغكم بالتطورات

الف شكراً مرة تانية
سلام وؤقت

ترجع بالسلامه يا بشمهندس , ابقى طمنا عملت ايه .

الحمد لله انك اطمنت يا بشمهندس رفيق على موضوع الصيانه و الزيت ..... كده مافيش مشكله ان شاء الله .

موضوع اللوك ... انتا ممكن تقفل فعلا كل الابواب من زرار اللوك الى عندك .... لكن ده مايمنعش ان لو حد حرك زرار اللوك الى فى الباب بتاعه حيتفتح عادى و يقدر يفتح الباب . و ده فى كل العربيات .

لكن فى حل للموضوع ده .... فى خاصيه فى الابواب الخلفيه زرار صغير موجود فى جمب الباب " المنطقه الى فوق داير العجل " الى بيها الابواب الخلفيه ماتفتحش من جوه تحت اى ظرف من الظروف حتى لو اللوك مفتوح .