الشاشة عندى شكلها ابتدى يقول
باى
عايز اجيب شاشة 17
ايه نصايحكم
عرض للطباعة
الشاشة عندى شكلها ابتدى يقول
باى
عايز اجيب شاشة 17
ايه نصايحكم
خليك ف ال19 wide screen
هتلاقيها فى حدود 600-650
ال17 مبقاش منتشر اوى فاعتقد ممكن يكون سعره مش متناسب معاه
طبعا الكلام على ال LCD
لو CRT 17فدول هتلاقيهم مستعمل عادى جدا ان شاء الله و اسعارهم كويسه جدا اعتقد تحت ال200 بحاجه كويسه
وانتظر رأى باقى الأعضاء برده
وكل سنه وحضرتك طيب :)
أنا لسه شاري شاشة acer LCD w20 بـ 715 جنيه ... والشاشة ما شاء الله تحفة وأحسن مليون مرة من العادية ، وهتلاقى بردوا 18.5 بوصة بـ 635 جنيه ، و19 بوصة بـ 685 جنيه ، و 20 بوصة بس فيها سماعات بـ 750 جنيه
انا اشتريت شاشة سامسونج lcd 20" ب 750
هى جميلة بس مشكلتها انى مش عارف احركها لفوق
هل الاحسن
wide ولا عادية
بص يا سيدي انا جايب لسامسونج ال 23 بوصة wide تحفه و نقائها جبار انا جايبها من حوالي 3 شهور ب 1000 جنيه فهي اكيد رخصت كتير كمان دلوقتي بس فعلا جميله جدا في الافلام و لجيمز روعه
طيب يا جماعة سؤال في صلب الموضوع
عندى مشكلة في الأفلام مع الشاشة الجديدة LCD 20 inch
لما تعمل Full Screen الأفلام بتبكسل جامد ، أنا عارف إن ده بسبب فرق الريسوليوشن بين نسخة الفيلم والشاشة
لكن الي مدايقنى إني كنت مشغل الجهاز بقالى فترة على تلفزيون عادي 21 بوصة والأفلام كانت صورتها تحفة ومش بتبكسل ، يا ترى حد عنده فكرة إيه السبب ؟؟
اكيد في فرق في الريزليوشن
انا اشتريت 19w من قريب برضه ودوخت معاها شوية في الاول عشان اظبط الصورة لان فرق العرض بتاع الصورة بئه حاجه تانيه فكنت مضطر اخلي الريزليوشن اخر حاجه 1440 ولقيته مظبوط
بس فعلا في فرق كبير في الصورة خصوصا في الجيمز
فى الشاشات الLCD متجيبش غير سامسونج أو ديل ، ال19 وايد السامسونج معرفش سعرها والديل 680
الديل تحديدا مفيهاش مشكلة لو خليت الريزوليوشن مش مفتوح على الأخر والصورة بتكون معقولة مش بتبكسل
ولو دخلت فى المستعمل هتلاقى حاجات نضيفة جدا HP & Dell لو 19 بوصة عادية مش وايد فى حدود 550 وصورتها بتبقى احلي من الجديدة ومش بتبكسل نهائي مع اى ريزوليوشن ولو ميلتها فوق وتحت او بصيت من الجنب بزوية حادة الوانها بتبقى تمام مفيش تشبيح خالص بشكل احسن من الجديد ، وبتبقى هيدروليك
وفي ديل مستعملة 22 بوصة بحوالى 750 وفيها TV Box built in يعنى ممكن توصل الريسيفر عليها مباشرة وصورتها تحفة
نصيحة ... جيب viewsSonic من برة
تحفة تقنية ونقاء بلا حدود ومافيهاش أي مشاكل ... وبتأقلم نفسها على أي خرج وأي ريزوليوشن وأي أبعاد
بس جيبها من برة ... معرفش هيا موجودة في مصر ولا لاء
بص يا باشا أنا قتلت موضوع الـ LCD Screens بحثاً لأنى كنت غير راضى عن الشاشة الي اشتريتها لكن اتضح إن فيه 5 عيوب في جميع شاشات الـ LCD Screens
1- لازم تشغلها على الـ Native Resolution الي الشاشة مصممة للعمل عليها ، ولو اخترت أي Resolution تانى النقاء بيكون سيء.
2- طبعاً العيب المعروف إنك لو بصيت للشاشة من زاوية بتحس إنها غامقة أو مصفرة.
3- معظم الألعاب القديمة وخصوصاً الي من إنتاج شركة EA لا تدعم الـ LCD Wide Screens فهتلاقى اللعبة عريضة شوية.
4- عند تشغيل الأفلام تكون الصورة مشوشة لأن الـ Resolution بتاع الفيلم أقل من بتاع الشاشة ، بعكس الشاشات الـ CRT الي بتظبط حجم البكسل حسب الـ Resolution وبالتالى صورة الأفلام بتكون ممتازة مهما كانت الـ Resolution
5- ألوان الشاشة ليست حقيقية 100 % لذا هي غير مناسبة لمصممى الجرافيك
لكن للأسف الواحد مضطر يستحمل العيوب دي ويتعود عليها لأن معظم الشركات بطلت إنتاج CRT وشغالين في LCD Wide Screens لكفاءتها في عرض اسطوانات الـ Blu-Ray وفيديوهات الـ HD ، ومعظم الألعاب الحديثة فيها خاصية دعم شاشات الـ Wide Screen
I have NEC 19 wide Screen
Amazing and very stylish too
أنا لسة شاري سامسونج 23.6 بوصة ب 1300 جنيه full HD
1080 * 1920 widescreen زي الفل بصراحة وفيها سمعات
وفيها منفذ HDMI /DVI/ و RJ عادي
وطبعا كرت الشاشة عندي فيه منفذ HDMI برضه وأنا موصلها بكابل el-HDMI عشان وضوح الصورة
العيب اللي فيها مضايقني إنها مش بتتحرك فوق وتحت ولا يمين ولا شمال
بحركها يمين وشمال بالقاعدة كلها ده لو احتجت أصلا لأني بشوف من كل الاتجاهات الحمد لله
كل الزراير فيها تاتش
هي موديلها SyncMaster 2494 HS
كان في منها الاع.6 برضه بس من غير HDMI Port ودكانة ب 1100 تقريبا وماكانتش Full HD فـماخترتهاش
الجميز فيها تحفة وال أفلام كمان بصراحة
آه بالنسبة ل مشكلة الافلام اللي اخونا بيقولوا عليها دي مش مشكلة شاشة دي مشكلتنا احنا عشان بنزل الأفلام ال rmvb وبنستسهل
طبعا دي عاملة زي الصورة لما تكبرها ... أكيد وهي كبيرة مش هتبقى بنفس الجودة
الأفلام اللي كويسة بتبقى 700 ميجا وإنت طالع وياسلام لو dvd بقه
ودي حجمها كبير بالنسبالنا وبتاخد وقت في الداونلود عشان كده شباب المنتديات بقى يرفع الأفلام بصيغة rmvb اللي حجمها مابيتعاداش 300 ميجا
اتكل على ال الله وهات اللي يريحك بس أهم حاجة متطلعش بره el-samsung وال Viewsonic ودي نصيحتي
ربنا يوفقك وكل سنة وإنت طيب
لو قررت تشترى مستعمل أرجو الإبتعاد عن ال dell حيث ان لى تجربتان مع ال Dell المستعمل خرجت منهما ان أقصر عمر للشاشات هى الشاشة Dell بالكثير سنة و نصف
فى حين أن الشاشة التى لدى فى العمل من طراز HP و عمرها فوق السبع سنوات بشوية
طبعا أتحدث عن الكاثود راى تيوب CRT
الف شكر ايكم على تعبكم
انا ان شاء الله هشترى جديد
ومستنى المزيد من الاراء
للرفع ........
جايب سامسونج 18.5 بوصة من سنة تقريبا كانت ب720
شكلها تحفة مش مستطيل بينور وخلاص لالالالالالالا شكلها واخد بومبيه من جميع الجوانب تحفة
http://qitegypt.com/shop/components/...21ea67bf86.jpg
فكره اكثر من رائعه
طيب انا كان نفسي اشتري شاشه 32 بوصه ياتري ممكن الاقي الحجم ده في السوق ولو فيه اشتريها منين واشتريها ماركتها ايه
وسعرها هيكون في حدود كام (جديد)
ولو مستعمل هتبقي بكام
انا من اسبوع اشتريت شاشه 19 ً ماركة LG ب 690 جنيه وسبب عدم شرائى سامسونج انى من سنه اشتريت سامسونج كان فيها نقطه حمراء مضيئه ممكن تراها لما تكون الشاشه سوداء
وعموما الكل بيقول ان ال lg والسامسونج واحد لكن ال lg عيوب صناعتها اقل والسعر السامسونج اقل 10 جنيه لكن شكلها احلى
الشاشة الديل الأولى التى إشتريتها منذ 4 سنوات عطلت بعد سنة و نصف و تعذر إصلاحها للعمل كشاشة للكمبيوتر و تم تعديلها و تركيب إضافات لها لكى تعمل تلفزيون بدلا من التخلص منها
الشاشة الثانية الديل 17 بوصة أيضا مر عليها سنة واحدة و هى إنتاج 2004 و يظهر عليها من وقت لآخر مربع كبير فى منتصف الشاشة مكتوب فيه التالى luminating temperatura
بحث فى المواقع المختلفة و وجدت الكثيرين يعانون من تلك المشكلة و لم أجد حل لإخفاء تلك الرسالة
إذا كان أى زميل بالمنتدى قد مر بتلك التجربة أرجو الإفادة