الموضوع: عاجل ...أرجو المشاركة .... ما هى أفضل شركة تأمين

في حدود تجربتي - مصر للتأمين خدمتها ممتازة وإن كانت أسعارها زادت مؤخرا.

الشرق للتأمين لا أنصحك بها على الإطلاق - برضه في حدود تجربتي.

بعض الآراء بتشكر في كونتكت وده مخليني أفكر في تجربتها.

مصر للتأمين بنتعامل معاهم من عام 2004 في سيارتين وخدمتهم ممتازة، المعاينة بتتم خلال يوم أو اتنين بالكتير وبعد ما يتم الإصلاح وتتوجه ليهم بالفاتورة بيتم استخراج الشيك خلال أسبوع لعشرة أيام على الأكثر. وعادة ما يتم تخفيض سعر القسط عند التجديد السنوي إذا لم تقم بإصلاحات مكلفة خلال العام السابق. وطبعا التعامل كله مع التوكيل - ولكن مع ملحوظة إنه بعد مرور خمس سنوات على تاريخ صنع السيارة لا يكونون ملزمين بالإصلاح في التوكيل وده للفت نظر حضرتك فقط - وهو الجزء الذي لم أتعرض له بعد في التعامل معهم ولا أستطيع الحكم عليه.

بس اللي عرفته منهم إن أسعار الاشتراكات الجديدة غليت عندهم من أول 2007 (للأسف معنديش فكرة عن الأسعار الجديدة) فده محسسني إن الفرق في السعر بينهم وبين كونتاكت مبقاش كبير.

فممكن حضرتك تكلم الشركتين وتشوف الأسعار إيه وتقرر.

وكمان في بعض الإخوة هنا ذكر موضوع التأمين التكافلي والبعض شكر فيه ولكن أنا ما جربتوش فحضرتك ممكن تعمل بحث على موضوع التأمين التكافلي على المنتدي وإن شاء الله توصل لقرار بسرعة.