التكييف مش بيسقع بعد مارجعت من السفر

**mahdyez** · 19-09-2009 08:32 PM

كنت مسافر طنطا وشغلت التكييف فى الذهاب والعودة اثناء الظهر وبعدها لقيت التكييف مش بيسقع وفى صوت زى التنفيس من داخل السيارة الناحية اليمين فهل السفر اثر على التكييف مع العلم انى شاحن تكييف من 4 شهور ورايت الكهربائى بيكشف اذا كان فى تنفيس ولا لأ وماهو المعدل المفروض قياسة يبقى الموجود فى التكييف وشكرا

**kiroo** · 20-09-2009 06:41 AM

اعتقد ان ممكن يكون الفريون اتسرب ..... دة رأيى استنى رأى خبراء المنتدى

**bondjames** · 20-09-2009 08:20 AM

طالما تسمع الصوت اللى بتقول عليه و غالبا ده بعد ما تطفى العربية وكمان مغ بداية تشغيل التكييف يبقى الفريون إتسري و محتاج يتشحن تانى

**Dr Ahmed** · 20-09-2009 08:56 AM

غالبا التسريب بيبقى بالتدريج مش فجأة إلا لو كان بسبب خبطة فى جزء من الدايرة أو عيب فى أى إبرة بوظها
علشان كده أظن لو كان تسريب كان هيضعف كذا يوم قبل ما يقطع ومش هتسمع صوت التنفيس ولا حاجة

أعتقد والله أعلم إن فيه سدّة فى الدايرة

عموما أول حاجة تعملها يكشفوا على الفريون ويشوفوا ضغطه
لو ضغطه ناقص يتزود
ولو ضغطه عادى يبقى فيه سدة ويتكشف عليها

**mahdyez** · 27-09-2009 10:20 PM

هو التسريب بيقى من داخل صالون السيارة ولا المواسير اللى فى الكبوت

**Dr Ahmed** · 27-09-2009 10:27 PM

الكويل بيخرج الهوا البارد فى مواسير بلاستك تخينة توصل لفتحات التابلوه ، ودا مالوش دعوة بالفريون.

**samirayad** · 27-09-2009 10:30 PM

وبعدها لقيت التكييف مش بيسقع وفى صوت زى التنفيس من داخل السيارة الناحية اليمين

أنت محتاج فنى تكييف يكشف على تسريب الفريون عندك
والمشكله عندك
حتكون أما فى مواسير المبخر ...أو فى سيلات الحبك بين بلف الأكسبنشن والمبخر

ولازم تعالج التنفيس ده قبل أى حاجه

**mahdyez** · 27-09-2009 10:42 PM

ممكن ياستاذ سمير تشرح حتكون أما فى مواسير المبخر ...أو فى سيلات الحبك بين بلف الأكسبنشن والمبخر واين توجد

**samirayad** · 27-09-2009 11:09 PM

المشاركة الأصلية كتبت بواسطة mahdyez

ممكن ياستاذ سمير تشرح حتكون أما فى مواسير المبخر ...أو فى سيلات الحبك بين بلف الأكسبنشن والمبخر واين توجد

لو ماسوره فى المبخر مخرومه أو دايبه ....حتعمل معاك صوت تنفيس بسبب ضغط الفريون
لو فيه خلل فى منطقة الأتصال بين بلف الأكسبنشن والمبخر ....حيحصل تنفيس وتهريب للفريون
وعلشان تعالج أى حاجه من دول .....حتحتاج تحل التابلوه

ده رسم للمنطقه المقصوده

رقم (2 ) ده المبخر .....لو ماسوره مخرومه فيه لازم حيتغير
رقم (5) ده بلف الأكسبنشن
أرقام 3&4 &7 & 8 دى مناطق حبك
لوحاجه بتهرب من المناطق دى .....حتحتاج تتغير
قبل التفكير فى أعادة شحن دايرة التكييف