الموضوع: كيف تشترى الجين 2 فى سبع خطوات ( الخطوه السادسه - الحجز )

المشاركة الأصلية كتبت بواسطة eslam_wega

تسلم والله يا بوحميد على التوبيك الجميل
اتمنى يا رب ان الخصم يكون كويس عشان انا ان شاء الله هشترى على اخر فبراير
بس كل الى قلقان منه موضوع الانتشار دة
انا متابع معك و فى انتظر الخطوة السابعة ان شاء الله

السلام عليكم ورحمة الله وبركاته

ادعى ان شاء الله يكون الخصم معقول وايمن متابع معاه برضه الموضوع ده وان شاء الله نستفيد كلنا فى الاخر

بالنسبه للانتشار انا معاك ان الواحد لما يركب عربيه مميزه مش منتشره بتدى احساس مختلف بس زى ما كل حاجه فى الدنيا ليها مزايا فى عيوب يعنى العربيه لما تنتشر وهى على فكره فى اماكن فى القاهره منتشره جدا زى مدينة نصر مثلا والاسكندريه الكل هيستفيد من الانتشار ده برضه ازاى . قطع الغيار بتاعتها هتلاقيها مرميه فى كل حته وخاصة بعد الموضوع اللى ناويين يعملوه فى اول السنه الجايه ان مصر هتكون مركز رئيسى لتوزيع قطع الغيار فى الشرق الاوسط حسب كلام مهندس امر فى المقابله فده هينشر قطع الغيار واكيد هيرخصها ده غير انتشار الميكانيكيه اللى هيفهموا فيها لما يلاقوها انتشرت وقطع الاكسيسوريز المناسبه ليها يعنى مش هتبقى محتاج تسافر لاخر الدنيا عشان تشترى حاجه بمبلغ بسيط بس هتسافرله اخر الدنيا .

وان شاء الله الخطوه السابعه انى اجمع المواضيع دى كلها بعد الاستلام فى موضوع واحد ان شاء الله عشان اكيد هيوفر كتير اوى للناس بعديه

سلامى للجميع

المشاركة الأصلية كتبت بواسطة kareem_aljamal

هو حضرتك هتستلم في الدفعة الجاية ؟؟؟؟ اللي وصلت دي يعني ولا اللي بعدها
و مبرووك مقدما

السلام عليكم ورحمة الله وبركاته

لا طبعا يا باشا الدفعه اللى جايه محجوزه من زمان ان شاء الله بعدها وشكرا يا باشا

سلامى للجميع

المشاركة الأصلية كتبت بواسطة ayman_52

مبروك يا كبيــــر .... وعقبال ماتستلم على خير ان شاء الله

بس ماتنسى يوم الاستلام ... عاوز :-

1 كانز كولا + 2 شيكولاته جالاكسى ساده

-----

مبـــــــــــــــــروك ....

تحيــــــــــــــــــاتــ ـــــــــى

السلام عليكم ورحمة الله وبركاته

يا باشا كارتونه كامله انت جيت فى جمل والشيكولاته كمان ده غير ورق العنب انت نسيته ولا ايه يا عم ايمن انت جمايلك مغرقانا كفايه مجيتك معايا وتعبك معايا الله يكرمك يا ايمن انت بجد اخ مش صديق وربنا يديم المعروف بينا يا رب

كل سنه وانت طيب

المشاركة الأصلية كتبت بواسطة jisso82

1000 مبروك يا أحمد لو إن العربية دى لما تيجى هتبقى السبب فى إنى ما استمتعش بالحديث بتاعنا اللى بعد كل خروجة بس برده هى أريحلك. 1000 مبروووووووووووووووووووك يا باشا و نصيحة ليك و للمدام الجين أسود أو ميتال جراى و طبعا دى مساعةد على الماشى و لولا اختلاف النظر .....................

السلام عليكم ورحمة الله وبركاته

والله انا اللى فعلا بستمتع بالكلام معاك يا باشا صحيح مش هنتكلم واحنا مروحين بس بص للجانب المليان لما تبقى فيه عربيه اكيد هنقدر نتقابل اكتر ونتكلم اكتر ومش هبقى حامل هم حاجه و مش هبقى محدود بالزمان والمكان اوى زى دلوقت انت عارف انا عشان اجى فى اى مقابله ببذل مجهود فظيع فى المرواح و المجى للشغل تانى يوم ببقى ميت بس لجل الورد باه ولولا انى متاكد انى بكون سعيد جدا وانا بقابل ناس زى حضراتكم عمرى ما كنت تعبت كده.

اللوم بقه يا باشا احنا فى مباحثات لغاية دلوقتى والوان 2010 لو فيها جديد ممكن تحسم المساله وعلى فكره انا من انصار الاسود جدا بس ايمن عمال يقنعنى من زمان بلاش الاسود عشان التراب والبهدله بتاعة الشوارع وادينى بفكر وهنشوف ان شاء الله

سلامى للجميع

المشاركة الأصلية كتبت بواسطة kareem_aljamal

+++++++++++++++

شكرا يا باشا

المشاركة الأصلية كتبت بواسطة مصطفى_صديق

الف مبروووووووك ....وتستلمها على خير ان شاء الله وربنا يديك خيرها ويكفيك شرها

الله يكرمك يا باشا والصراحه حضرتك بجد شخصية محترمه جدا جدا وبجد كان نفسنا تعد معانا اكتر يوم المقابله ونتكلم معاك اكتر بس اكيد الصلاه اهم طبعا و اكيد لازم نشوف حضرتك فى اقرب مقابله بروتونيه ان شاء الله

سلامى للجميع

المشاركة الأصلية كتبت بواسطة theegyption

ايمن هيقعد يلعب في دماغك زي ملعب في دماغي خلاني احجز نفس لون عربيته

امبارح كنت عند ناس في فيصب لاقيت جين تو نفس لون عربيه ايمن واقفه تحت العماره العزومه كلها قضتها في البلكونه بتفرج عليها

والله موضوع اللون ده مش حاجه سهله زى ما الناس ممكن تظن لانه اولا حاجه انت بتختارها مش هتتغير هتفضل ادامك قترة طويله جدا فلازم تكون عاجباك ومقتنع بيها تماما ده غير ان فيه عوامل كتير ممكن تاثر على اختيارك زى التراب والقرف اللى فى الجو وهواة الخربشه ( لسه شايف عربيه ياريس سوده من خمس دقايق واحد راسم علي الكبوت بتاعها لوحه سريالية بمسمار وبصراحه صاحبها بجد صعب عليا جدا حاجه قلة ادب لانها باينه جدا جدا ) ده غير عامل الحر والجو اللى بقه زى جو الخليج والالوان اللى خلاص بقت بتاع تاكسى العاصمه والتاكسى الجديد والالوان المنتشره جدا فى كل انواع العربيات بدون تمييز الصراحه انا شايف ان الموضوع بجد لازم يكون بتفكير

ربنا يكرمك وتستلم على خير الدفعة الل جاية ان شاء الله

سلامى للجميع