العقد المسجل للسيارة

**moudy2002** · 05-11-2007 05:09 PM

الاخوة الكرام
منذ فترة روحت سجلت العربية فى الشهر العقارى وبيعت لنفسى بموجب التوكيل الى معايا على اساس انى عايز انقل ملكية بأسمى
ولكنى فوجئت عندما روحت مرور السلام وما ادراك مرور السلام قالوا مفيش نمر وحورات فشلة كدة
المهم اتصلت بصاحب العربية الاصلى وخلته يرخصلى سنة على اسمة وقلت اهه العقد المسجل معايا ابقى انقل ملكية لما افضى ..
المشكلة انى سمعت من احد الاخوة انه لو العقد المسجل لو فات علية شهر من غير ما انتقل ملكية يبقى اشرب العقد دة وسجل من اول وجديد وادفع 700 جنية تانى خاصة اننى ماضى فى العقد انى مشترى
برجاء الرد لاهمية حيث ان العقد مسجل بتاريخ 18 /10 يعنى معدش كتير على انتهاء مهلة الشهر دة
خاصة انه مرور السلام جحيم ما بعدة جحيم

فهل موضوع الشهر السماح دة حقيقي ولا اية ؟؟

**أبو ياسين** · 05-11-2007 05:43 PM

معتقدش مش لازم شهر و لا حاجه
و استنى بردو ردود الزملاء لان الحكومه عندنا بميت راى على حسب الموظف و هتدفعلو كام و تعدى

**dreslam** · 05-11-2007 05:51 PM

لا حقيقي طالما ماضي في الشهر العقاري انك مشتري وعشان الغلاسه اصبحت سمه هذا العصر

**moudy2002** · 05-11-2007 06:37 PM

يعنى افهم من كدة انه فترة السماح شهر فعلاا ؟؟
ياباشا انا بدفع وبرضه بيبقى فية غلاسة

**Abdallah** · 05-11-2007 07:21 PM

فعلا الكلام دة صحيح, طالما مضيت يبقى لازم تنقل ملكية فى خلال شهر من تاريخه

**hazem_khidr** · 05-11-2007 07:43 PM

تروح مرور السلام و تفهمهم الوضع و هما حيعملولك تصريح مؤقت تلات شهور او اكتر لحد ما النمر توصل المرور ترو ح تغير النمر

**eng_mkhalaf** · 06-11-2007 09:38 AM

ربنا يستر
أنا بردة هخش الدوامة دية الأسبوع القادم بس فى مرور شبرا
طب حد يعرف مرور شبرا فية لوح ولا لا

**moudy2002** · 06-11-2007 03:28 PM

شكرا للاخوة الكرام وهروح احاول تانى
معلموة لا يوجد لوحات فى كل المرور بس زى الاضوة ما قالة ممكن تاخد تصريح موقت

**eng_mkhalaf** · 06-11-2007 03:44 PM

المشاركة الأصلية كتبت بواسطة moudy2002

شكرا للاخوة الكرام وهروح احاول تانى
معلموة لا يوجد لوحات فى كل المرور بس زى الاضوة ما قالة ممكن تاخد تصريح موقت

طب التصريح دة فية واسطة ولا لا يعنة من الأخر 1500 بتوع التسجيل هيروحوا عليا ولا أية أنا قلبى وقع فى رجلى

**حسام كرم** · 07-11-2007 10:06 AM

مع احترامى لجميع من شارك فى الموضوع
مفيش حاجة اسمها تروح عليك رسوم التسجيل وتسجل تانى دة كلام مش مضبوط
انت بعد تسجيل العقد يكون امامك خيارين
1- فى حالة توقيعك مشترى فى عقد التسجيل يكون امامك مهلة شهر لنقل الملكية دون دفع غرامة فى المرور ( اى دفع رسوم الترخيص والنمر والفحص فقط ) وفى حالة عدم ذهابك خلال الشهر وانتظرت ولو حتى لفترة 3 سنين لو كان الرخصة القديمة مثلا فاضل فيها 3 سنين كل الى فى الموضوع انك هتدفع ضريبة وثلث ( كانها رخصة منتهية )
2- فى حالة عدم توقيعك مشترى تستطيع الذهاب لنقل الملكية فى اى وقت حتى مدة انتهاء الرخصة القديمة بدون دفع غرامة وعند نقل الملكية يتم الاحتفاظ بالمدة المتبقية من الرخصة القديمة وتضاف لك على الرخصة الجديدة

الموضوع: العقد المسجل للسيارة

LinkBack

أدوات الموضوع

عرض

-

-

-

-

-

-

-

المواضيع المتشابهه

مدت العقد المسجل

سعر العقد المسجل لدايو جوليت 99

العقد المسجل فات عليه اكتر من شهر من غير ما انقل ملكيه

العقد المسجل

مصاريف نقل الملكيه (العقد المسجل بالشهر العقارى)

الكلمات الدلالية لهذا الموضوع

المفضلات

المفضلات

ضوابط المشاركة