البمب والصواريخ والعربية.. كل سنة وانتو طيبين

**EslaM_NagY** · 21-09-2009 04:49 PM

المشاركة الأصلية كتبت بواسطة كابوس الليل

اضحك اضحك مانتا اخت عليا خلاص

روح اتشطر على الى بيفرقعولك العربية

**lancerevolution** · 23-09-2009 03:54 PM

المشاركة الأصلية كتبت بواسطة mostafa3000

لازم نغير عادتنا الغريبة دي يا جماعة
وتعالو نبداء بتعليم اطفالنا المحافظة علي ما يمتلكة الغير
يعني نوجههم ما يسندوس ولا يقعدوا ولا يجرحوا العربيات اللى واقفة في الشارع
تعرفو ان في روسيا لو وجدو شخص ما جالس او راكن علي سيارة لا تخصة القانون هناك بيفرض علية غرامة فورية
انما هنا في مصر تلاقي العيال كاتبين علي عربيتك اسمهم

كلام مظبوط لازم نبدا من الأطفال الصغيرين الى ما يعرفوش يعنى إه ممتلكات الغير و ننسى مبدا هى يعنى كانت بتاعتى
انا فاكر إنى كنت قولت كدا مرة لبابا رزعنى كلمتين فى جنابى و زعق و كان عايز يطردنى بره الشقة و قالى حاجة غيرك تحافظ عليها أكتر من حاجتك

**lancerevolution** · 23-09-2009 04:00 PM

المشاركة الأصلية كتبت بواسطة dr.nemo

امبارح شوية عيال واقفين في شارع رئيسي
ويرموا على العربيات صواريخ

بس شوفوا قلة الادب وصلت لدرجة ايه
كان بعضهم بيرموا صواريخ جوة التاكسيات خصوصا لو راكب فيه بنات
وكان معاهم الاسبراي التلج ويرشوا على الناس المعدية والعربيات واللي فيها
والغريبة ان مفيش حد بيزعق لهم حتى

هههههه
الكلاب عملوها فيا و غرقونى الإسبراى دا حوالى عشر علب جنب النافورة الى فى شارع الإستاد و طبعا البنات مسلموش خالص و على فكرة أنا فى بنات كانوا بيحدفوا عليا صواريخ و خويا الصغير إسبراى

**dr.nemo** · 23-09-2009 06:26 PM

المشاركة الأصلية كتبت بواسطة lancerevolution

هههههه
الكلاب عملوها فيا و غرقونى الإسبراى دا حوالى عشر علب جنب النافورة الى فى شارع الإستاد و طبعا البنات مسلموش خالص و على فكرة أنا فى بنات كانوا بيحدفوا عليا صواريخ و خويا الصغير إسبراى

هههههههه
تعيش وتاخد غيرها

انا من زمان كنت بشوف الحكاية دي وخصوصا بعد صلاة العيد عند النافورة
فبقيت بقفل كل الشبابيك والمسوجر وامشي وانا مطمن
انا كان نفسي حد يتخانق معاهم او يديهم علقة محترمة علشان يحرموا
بس كله بيقول دي ضريبة النزول في العيد وما ابوخها من ضريبة

**lancerevolution** · 24-09-2009 03:48 AM

المشاركة الأصلية كتبت بواسطة dr.nemo

هههههههه
تعيش وتاخد غيرها

انا من زمان كنت بشوف الحكاية دي وخصوصا بعد صلاة العيد عند النافورة
فبقيت بقفل كل الشبابيك والمسوجر وامشي وانا مطمن
انا كان نفسي حد يتخانق معاهم او يديهم علقة محترمة علشان يحرموا
بس كله بيقول دي ضريبة النزول في العيد وما ابوخها من ضريبة

كان فى واحد مرة بيرش على عربية ما كان من الى سايق غير إنه خده على الكبوت

**TaoTao** · 24-09-2009 12:15 PM

فكرتوني بالحاج "حنفي" الله يرحمه كان تاجر كبير وصاحب عمارات، كان ييجي أول يوم العيد بعد أذان العصر يكنس الشارع قدام عمارته بنفسه من آثار البمب (ماكانوش اخترعوا الصواريخ لسة) والناس حواليه تقوله "عنك يا حاج" و"مايصحش" وهو يرفض ويكوم فوارغ البمب كلها في هرم صغير كدة ويقولهم "آدي فلوسكم اللي إديتوها للعيال ووجعتوا دماغنا بيها طول النهار" ويدخل يصلي العصر. الله يرحمه