العربيه لسه جديده ومعلومات الناس عنها لسه بسيطه واعتقد ان كل ملاكها حاليا في الضمان يعني ببساطه ممكن حد بيعمل صيانه يسأل في التوكيل ويقولنا الصح
عرض للطباعة
بالظبط كدا
مؤشر الحرارة في العربية بيبقي علي 4 شرط دايما لو زاد عن كدا يبقي فيه مشكلة
انا العربية الحمدلله عمرها ما زادت و لا قلت عن ال 4 شرط سواء ماشي طوالي او سلانسيه او في زحام او مع التكييف
و خلوا بالكم انا من محافظة قنا يعني الصيف و الحر اللي علي اصوله :36_1_8[1]:و عمر ما العربية ما سخنت و انا بمشي بيها في عز الحر و بكون مشغل التكييف و كله تمام
يا ريت لو حد ظهرت عنده اي ارتفاع في مئشر الحرارة يروح التوكيل فورا و يتأكد من مستوي مياه التبريد في القربة جايز تكون قلت و لاحاجة
يا جماعة العربية ما شاء الله ما فيهاش اي مشاكل
كلها ملاحظات بسيطة جدا و غير مؤثرة بالمرة
ياجماعه متشكرة على ردكم
بس معنى كلامك4 شرط يبقى اناعندى غير طبيعى بالمرة عشان بيكون فاضب شرطتين وتبقى كاملة
مع العلم العربية لسه جديده مستلماها عملع بيها 150 كيلو بس ياجماعه موضوع الحرارة مهم جدابالنسبة ليا
فانا اسفه ياريت نتاكد من نقطة 4 شرط ديه عشان كده انا قلقت
و الله كويس انك من قنا يعنى دليل على عدم سخونة العربيه انت شجعتنى على شراء تلك السياره دى لانى جيرانك من محافظة اسوان بس كنت عاوز اعرف السياره دى بالنسبه لصيانتها هل الصنايعيه بتوعنا فى قبلى بيعرفو فيها لان زى ما انت عارف انه احنا بعيد عن التوكيل و بعدين ايه رايك فى العربيه لانى بصراحه كانت معايا عربيه فرنساوى اللى هيه 504 و كانت مستحملانى فى الحراره و الطرق السيئه بتاعتنا و كل عام وانتم بخير
الأخت الكريمة كل سنة و حضرتك طيبة
انا معايا العربية من شهر فبراير 2009 و عامله 18000 كم لغاية دلوقتي و مؤشر الحرارة عمره ما زاد عن 4 شرط في اي حال من الأحوال
معني انه يزيد يبقي فيه مشكلة
بس حضرتك هو بيزيد ازاي عندك
يعني مثلا حضرتك بتبقي ماشية عادي و فجاة الحرارة تزيد و دي كدا مشكلة
و لا لما بتبطلي العربية و هي سخنة و ترجعي تدوريها بعد فتره قصيرة تلاقي الحرارة زادت عن 4 شرط و بتنزل بعد ما الموتور يشتغل بثواني لو بيحصل عندك كدا يبقي ما فيش مشكلة ودا عادي جدا طالما ان العربية و هيا شغالة الحرارة علي 4 شرط
عموما حضرتك راجعي سائل التبريد اللي في القربة و شوفي ان كان في مستواه الطبيعي و لا اقل
ولو لقتيه طبيعي ما بين ال Min و ال Max يبقي عليكي و علي التوكيل فورا و يفضل انك تكليمهم الأول قبل ما تروحيلهم و تديهم خلفية عن المشكلة عشان يوجهوكي صح و يبقوا هما المسؤولين
و ان شاء الله خير
يا مرحبا بأهل اسوان معانا هنا في المنتدي و في قسم الرينو بالتحديد
علي فكره انا عشت في اسوان 5 سنين الدراسة و كانت من احلي الأيام في حياتي اهل اسوان من احسن الناس و اطيبهم و ناس عشريه بجد و ليا اصدقاء كتير فيها
شوف يا سيدي بالنسبة للعربية فبسم الله ما شاء الله و انا كان معايا بيجو 504 موديل 81 قبلها و بعتها و اشتريت الللوجان ال mcv و بصراحة مبسوط جدا منها و الحمدلله
العربية ما بتسخنش و لا حاجة ومريحة جدا و عاليه عن الأرض يعني كانك راكب بيجو بالظبط عاليه عن المطبقات و اتزان جيد جدا و عربية ناعمة و سلسه و تكييف قوي و موتور شديد
موضوع مراكز الخدمة فهي متوفره و انا سمعت ان فيه مركز خدمة كويس في اسوان
و العربية بسيطة و مش معقدة يعني زيها اي عربية تانية
الفكرة اللي وخداها الناس علي عربيات رينو انها معقدة و ما حدش بيفهم فيها غير مظبوطة بالمرة علي الأقل في اللوجان لأنها في الأصل عربية رينو عملاها ببساطة و بسعر منافس مع الإحتفاظ بمعايير الجودة و الأمان الضرورية طبقا للمواصفات الأوروبية
يعني من الآخر لو انت ناوي و بتفكر يبقي توكل علي الله و ان شاء الله مش هتندم ابدا
وحضرتك طيب ومتشكرة جداعلى اهتمامكاقتباس:
الأخت الكريمة كل سنة و حضرتك طيبة
انا معايا العربية من شهر فبراير 2009 و عامله 18000 كم لغاية دلوقتي و مؤشر الحرارة عمره ما زاد عن 4 شرط في اي حال من الأحوال
معني انه يزيد يبقي فيه مشكلة
بس حضرتك هو بيزيد ازاي عندك
يعني مثلا حضرتك بتبقي ماشية عادي و فجاة الحرارة تزيد و دي كدا مشكلة
و لا لما بتبطلي العربية و هي سخنة و ترجعي تدوريها بعد فتره قصيرة تلاقي الحرارة زادت عن 4 شرط و بتنزل بعد ما الموتور يشتغل بثواني لو بيحصل عندك كدا يبقي ما فيش مشكلة ودا عادي جدا طالما ان العربية و هيا شغالة الحرارة علي 4 شرط
عموما حضرتك راجعي سائل التبريد اللي في القربة و شوفي ان كان في مستواه الطبيعي و لا اقل
ولو لقتيه طبيعي ما بين ال min و ال max يبقي عليكي و علي التوكيل فورا و يفضل انك تكليمهم الأول قبل ما تروحيلهم و تديهم خلفية عن المشكلة عشان يوجهوكي صح و يبقوا هما المسؤولين
و ان شاء الله خير
هو فعلالما ابطل العربية وهى سخنه بتحصل كده بس بحس بتاخد وقت كبيييييييييييييييير على مترجع ل 4 شرط ممكن عشان الجو مش عارفه
مياه الريدياتير مظبوطة والحمد لله واناهتابع برده تانى المؤشرلو حصلحاجه هكلم التوكيل فعلا وبجد متشكرة على اهتمامك
وفى حاجه بره الموضوع عايزة اتفق معاك عليها ان فعلا اسوان محافظه جميييييييييييييييلة جدا واهلها محترمين وكويسين ويعرفوا يعنى ايه اكرام الضيف انا بحكم شغلى اتعاملت معاهم ومع ناس تانيين بس فعلا ارتحت مع اهل اسوان
لا شكر علي واجب احنا في المنتدي كلنا اخوه و الهدف من المنتي العظيم دا هو تبادل الخبرات و المعلومات بين الجميع
اهم حاجة ان مستوي سائل التبريد كويس
اما حكاية ان السخونة بتاخد وقت كبير علي ما تنزل لمعدلها الطبيعي فدي لازم تتراجع في التوكيل يمكن تكون مروحة التبريد ما بتشتغلش او فيها مشكلة ما بتدور بسرعة قليلة يمكن تكون متحاشة او محشورة في حاجة و ما بتدورش بسرعتها الطبيعية فكمية الهواء اللي طالع منها قلقلة و ما بتبردش الموتور بسرعة
يعني حضرتك لازم تروحي مركز الخدمة و تقولي لهم علي النقطة المهمة دي و يا ريت ما تتاخريش عليها لأنها موضوع خطير و بيأثر عالموتور
و بإذن الله هتكون حاجة بسيطة جدا
و ابقي طمنينا
ياريت تطمنا بالجديد علشان انا ناوى اجيبها ان شاء الله وبجمع اكبر قدر من المعلمومات وانا عقد نفسيه من العربيه الفاتت بسبب موضوع السخونه ده فيارين يارب ان شاء الله متكونس بتسخن بسرعه مهما مشيت بيها مسافات طويله او حتى ونا فاتح التكيف والله الموفق ان شاء الله