السلام عليكم يا شباب -- ممكن تساعدونى بمعلوماتكم عن عفشه النيو أكسنت اذا كانت ناعمه و لا ايه -- و جزاكم الله كل خير
عرض للطباعة
السلام عليكم يا شباب -- ممكن تساعدونى بمعلوماتكم عن عفشه النيو أكسنت اذا كانت ناعمه و لا ايه -- و جزاكم الله كل خير
النيو اكسنت ما شاء الله عليها عفشتها حلوه و ناعمه و ماشية معايا زي الفل بسبب نظام التعليق الرياضي الجديد:vctry:
شكرا يا جميل على تعاونك معايا -- ممكن تقولى لو ظهر فى النيو أكسنت معاك أى عيوب أو مشاكل؟ عشان انا ناوى أجيب واحده
هي الحمد لله لحد دلوقتي 25000كيلو ماشية معايا زي الفل و العربية ممتازة بالنسبة لتمنها
العفشة مش ناعمة .. و مينفعش تكون ناعمة فى الفئة دى . لية ؟ نظام التعليق ( العفشة ) رياضى - خدمة شاقة - مساعدين غاز ميزتة انة بيدى ثبات للعربية و بيطول مقاومتها و عمرها الافتراضى بس فى المقابل بيخلى العفشة ناشفة شوية مش ناعمة . لو العفشة ناعمة هيقلل الثبات فى العربية - و فى الموديلات العالية بيتم الجمع بين الثبات و النعومية عن طريق تصميم العفشة بنظام الازرع المتعددة لكن فى الفئة السعرية اللى بنتكلم فيها - الكلام دة مش موجود - فبيبقى المفاضلة بين ثبات و لا نعومية و طبعا الثبات افضل مع المحافظة على حد كافى من الراحة للركاب . يعنى الخلاصة انها مش ناعمة بس مش مزعجة .
ممكن اسأل سؤال بريء ؟
هي ايه العفشة اصلا ؟!!! :C_laugh[1]:
انا عارفة هتضحكوا عليا وممكن حد يفتكرني بهزر هزار بايخ ...
بس انا بتكلم جد والله انا اصلي بصراحة جديدة في السواقة وتقريبا كده معرفش حاجة عن العربيات :shyy:
واليومين دول بقارن بين الاكسنت والجين ومستنية الـ i20 كمان وبسمع كلام كتير عن العفشة ناشفة ولا ناعمة ولا رياضية وتستحمل ولا لأ !!
وانا ولا فاهمة بصراحة :C_laugh[1]: يعني واحدة زي حالاتي تحكم علي موضوع العفشة ده ازاي ؟؟؟
يعني مثلا ايه اللي احس بيه في العربية وانا سايقاها بيعبر عن العفشة ؟؟؟ والفروق بينهم احس بيها ازاي ؟؟؟
بصي يا ستي بدون الدخول في تفاصيل و با ختصار كدة العفشة دي هي تعتبر الحاجات الي شايلة العربية مثل المساعدين و الكبالن و و الفرق بين العفشة الناشفة و العفشة الناعمة :
العفشة الناشفة : بتحسي بالمطبات و الشوارع المكسرة و انتي جوة العربية بس في المقابل العربية بتكون متزنة اكتر على السرعات العالية
العفشة الناعمة : بتكون مريحة في المناطق المكسرة و المطبات و ما تحسيش بيها بس في المقابل الاتزان بيقل على السرعات العالية بس كدة
اتمني اني اكون افادتك بخبرتي المحدودة
كابتن m_zizo
أولا ميرسي أوي أوي علي ردك وطبعا أفدتني أوي ... والله نورت المحكمة :verygood:
دلوقتي بأه - بمنتهي التناكة - أقدر أرد وأقول : النيو أكسنت عفشتها ناشفة أوي علي فكرة :ma:
(عشان في المطبات والنقر الحياة بتبقي مراجيح خصوصا اني سواقتي مش هادية)
عموما النيو أكسنت هي أول عربية (يعني نقدر نقول العربية الوحيدة) اللي سوقتها في حياتي
هو في موديلات ايه بأه اللي بتبقي عفشتها ناعمة ؟؟؟ :11:
يبي لي شوي على المصطلحات المصريه
اخوكم يزيد من السعوديه
وبالنسبه للاكسنت عفشتها قاسيه عشان الثبات
يعنى اى عربيه اكثر ثبات و نعومه أكسنت و لا دايو لانوس