المصريين لم و لن يعرفوا معنى النظام .!

**Karim_Monir** · 20-09-2009 03:47 PM

في ليلة 27 واثناء صلاتي في مسجد الصديق بمساكن شيراتون
ومعروف انه من ازحم المساجد في التراويح لما يتعاقب علية من ائمة
مالحقتش مكان جوة قلت اصلي برة وخلاص في الساحة
والسيدات بتصلي في الجنينة اللي ورا وبيفصل بنا شارع
كنا سامعين صوتهم وهما جوة الجنينة

اما الرجال حدث ولا حرج
بين كل اربع ركعات الامام بيقول كلمتين صغيرين لان ليلة 27 بيطول الركعات جدا بيوصل ل 60 ركعة او حاجة
الامام بيصلي
والرجالة قاعدين في الارض بيرغو
والله بيتكلموا والامام بيصلي
خرجوني من صلاتي
قمت دخلت جوة وصليت على السلم لحد ما ربنا رزقني بمكان كويس
وماسلمتش من العيال في الاول
بجد الستات والاطفال مالهم صلاة في مسجد
الا النساء اللي عارفة يعني ايه صلاة وخشوع
والاطفال اللي بتلزق جنب ذوييهم
مش الشياطين المدعوة سهوا اطفال

**icehearted girl** · 20-09-2009 04:07 PM

ممممممممممممممممممممممممم مممممممممم

انا استخبيت فلمسجد لحد ملناس مشيت

الاطفال بيبقوا زي القرود بيزقوا الناس

ولا الستات اللي فعلا بتزاحم مع الرجال مش عالاقل تستني شوية تخف حدة الزحام

حاجة غير محتملة

يلا ربنا يهدي ويزود عدد المصلين سنة ورا سنة

**M.Osman** · 20-09-2009 05:45 PM

و بكررها مرة تانية 80 مليون مواطن من المستحيل ان تعلمهم معنى النظام الا بعد عمر طووووووووووويل , و ربنا يدينا و يديكم طولة العمر ..

ما هو دا اللي انا دايما بقوله

مستحيل اغير ال80 مليون ابداً
يبقى اخلع من هنا اسهل

النهاردة (اول يوم العيد) بصلي الظهر و كنت بصلي جنازة على احد اقاربي (رحمه الله..)
احنا بنصلي في الجامع
و اللي معدي مشغل أغاني تهز المسجد حسبي الله و نعم الوكيل فيهم .. سواء توك توك و لا عربيات و لا موتسيكلات زفت صيني

مفيش اخلاق و لا دين و لا ريحة الدم اصلاً
الناس بقت بتمووووت في الفوضة
امشي عكس الطريق و اخطف دي و الحق دي .. يبقة انت كدا برنسسسس
لو وقفت للغلط و قلتله لأ يبقى انت مبتفهمش و اكيد جاي من المريخ

انا تعبت ..
حاسس اني عايش و سط متخلفين

**artyboy** · 20-09-2009 06:42 PM

كل سنة وأنتم طيبين و أن شاء الله العيد القادم تكون المشاكل دى كلها أتحلت (أزاى معرفش بس أهو دعاء و ربنا قادر على كل شئ)

**Terrible_DaRsH** · 20-09-2009 10:53 PM

كــل عام و انتم بخير جميعا .

هو الواحد بس بيتدايق لما يكون فى بيت ربنا و لسه مصلى و حاجة تعكر نفسيته او يخرج يشتم .

يعنى فى كل مكان الواحد بيلاقى العجب و الهماجية , انما فى المساجد كمان و بالمنظر ده , فاحنا محتاجين درس عن النظام و الادب :)

يلا مش مهم , ربنا يديم الخير بينا .

**pro_samir** · 21-09-2009 06:01 AM

بجد لعنة

لكن أسلم حاجة ان الواحد يروح بدري ويلحق مكان فى الصفوف الأولي بتكون بعيدة نسبيا عن مكان الستات (مع وصول صوتهم برضو) وبعيد عن الأطفال اللي مش أطفال

المسجد اللى كنت بصلي فية فى رمضان من أكبر المساجد عندنا وربعة الأخير كان مقفول للسيدات والله كان في أيام بيجيلي صداع فعلا من الدوشة اللى بيعملوها فى جلسات الأستراحة