المصريين لم و لن يعرفوا معنى النظام .!

**Terrible_DaRsH** · 20-09-2009 09:08 AM

بعد ما قضينا يوم الوقفة و عدى الحمد لله .

روحنا نصلى الفجر فى جامع الرحمن الرحيم بصلاح سالم ( توشيبا ) .

صلينا الفجر و كان الجامع فاضي و هادى و فى منتهى الجمال و جامع من اجمل الجوامع اللى شفتها فى حياتى بصراحة .

تحفة فنية و راحة نفسية فظيعة داخل المسجد .

المهم كان ناقص ساعة و نصف على صلاة العيد و قررنا اننا نرتاح فى المسجد شوية عقبال ما الصلاة تبدا .

قبل الصلاة بربع ساعة كان المسجد امتليء على اخره , واحد وزع علينا تمر و اكلناه و بعدها رحنا نتمضمض و نييجى .

كعادة المصريين طبعا مفيش نطام , كله مش مركز و بيخبط فى بعضه و اللى بيجرى و اللى بيضرب التانى بهزار و اللى معرفش ايه و ايه و ايه و اطفال مش ممكن :(

دخلنا الحمام , مش ممكن الهرجلة اللى جوه وواحد خلص وضوء و تف فى وشي والله و لا كانه شايف حاجة

المهم صلينا العيد الحمد لله و خرجنا , و يا ريتنا ما خرجنا .

لعنة المصريين , مخرج السيدات مع مخرج الرجال و السيدات مفيش عندهم اى مشكلة خالص .

قلة ادب و قلة ذوق و اللى بتريح على اى حد و اللى يخبط و اللى يعمل معرفش ايه و اخر هرجلة و كانهم فى سباق :(

بنات عمالين يبوسوا بعض على الباب و اللى تسلم على التانية و اللى قاعدة فى الارض مع عيالها و اللى بتنم على معرفش مين و اللى بتتكلم فى الموبايل و اللى و اللى و اللى :(

بصراحة يا جماعة السيدات ملهاش صلاة فى المسجد , و معلش برده اعذرونى من اللى انا شفته .

فى مرة من فترة امام المسجد اللى امامنا قال للسيدات فى الميكروفون اللى مش هتسكت و تبطل كلام هقفل باب السيدات خالص , كل يوم فى رمضان يقعدوا يتكلموا و ينموا ولا كانهم فى مسجد .

بجد انا شايف ان صلاة المراة فى بيتها افضل من انها تزاحم فى المساجد و خلاص و اكيد ربنا هيتقبل منها فى بيتها زى المسجد .

و الله يا جماعة من كتر الهرجلة اللى كانت حاصلة انا غيرت الكوتشي فى الشارع و انا حافي :)

المصريين لم و لن يعرفوا معنى النظام الى الابد .

يا ريت تعذرونى بس علشان اللى شفته ده كاد ان يفسد يومى و الله .

و بكررها مرة تانية 80 مليون مواطن من المستحيل ان تعلمهم معنى النظام الا بعد عمر طووووووووووويل , و ربنا يدينا و يديكم طولة العمر ..

**Col. Eng. Khaled** · 20-09-2009 09:13 AM

كل سنة و حضرتك طيب

**youssefmustang** · 20-09-2009 09:21 AM

ههههههههههههههههههههههههه
والله انت زى العسل
الحتة اللى موتتنى من الضحك بتاع اللى تف فى وشك
يا عم انت مش عارف ايه النظام المصرى
اخوكم يوسف

**mahmoud_magdy** · 20-09-2009 09:57 AM

هههههههههههه
معلش يا درش
متزعلش نفسك
انا بقى بعد صلاة العيد وقفت جمب العربيه مع صحابي (كانو سهرانين ) وفجأه واثناء الخطبه لقيت شوية عيال تييييييييت واقفين جمب الجامع بشويه كدا ومشغلين اغاني شعبي من اللي قلبك يحبها (!!!) وشغالين تهريج وهزار ورقص والحياه حلوه خالص
والخطبه شغاله (فعلا عيال معندهاش دم خالص )

**elansary** · 20-09-2009 10:26 AM

عيد سعيد عليكو وخلينا نفرح شوية وننسي القرف ده

**ahmedbasto** · 20-09-2009 01:55 PM

عيد سعيد بقى يا مصطفى باشا وسيبك من كل دة ورتب هنعمل اية فى العيد ومتحرقش دمك أنا راجع من الصلاةمرضتش اروح بالعربية علشان مايحصلش حاجة أرجع الاقيها مخبوطة وعيال تيت قاعدة عليها وعمالين يرزعوا والمشكلة ان العربية عربية والدى فانا بخاف عليها اووى مش عارف هنعمل فى الشعب المصرى

**Mohammmed** · 20-09-2009 02:24 PM

ههههههههههههههه
اولا كل سنة وانتا طيب
عيد بقا انتا عارف المصريين بيزيطوا فى الزحمة
وموضوع التف فى الوش معروف فى كل مساجد مصر اثناء الوضوء فيبقى خد بالك متتوقعش ان كل واحد بيفهم وعنده ذوق