عرض للطباعة
بسم الله الرحمن الرحيم
انهارده اول يوم العيد
كل سنة وانتم طيبين
بقلب فى اليوتيوب
لاقيت اغنية اسمها
............
قولت لما اشوفها كده
لاقيتهم الكلاب بيقرأو سورة الفاتحة فى الاغنية
شوفو اللى وصلو ليه الامريكان
اخوكم يوسف
-----------------------------------
تم حذف الأغنية مراعاة لشعور الأعضاء و منعاً لانتشارها
مشرف الاجتماعي
السخرية فى الأغنية من العرب عامة
مش فاضل غير دول كمان يطلع لهم صوت!
عموما كأنى سمعت كلب بينبح مش أكتر
قبل ما نغضب و نثور.
الراجل ده بيقول انه مسلم. الاغنية اغلبها فعلاً تريقة على العرب. وفعلاً الاغنية مثيرة للجدل خصوصاً مع وجود أجزاء من آيات في القرآن وسط حديث مش مفهوم ورقص.
ممكن تكون دي طريقته المغلوطة في الاعتزاز بالدين. للأسف كتير من الأمريكان المسلمين السود عندهم فهم خاطئ للاسلام. تاريخ جماعة Nation of Islam مثلاً معروف بانحرافات عقائدية.
اللي عايز أقولة اننا نعذره وندعيله بالهداية. في النهاية هو مسلم حتى ولو لبس حلق و رقص على آيات القرآن.
http://www.mujahideenryder.net/2007/...mes-is-muslim/
بعد اذن حضرتك يا استاذ يوسف
تبعت تقرير في اليوتيوب بسوء الفيديو ده
وبعد اذنك مره تانيه تطلب من الاداره تمسح الموضوع
لان الحل السليم (من وجهة نظري ) اننا منديش اهتمام للفيديو ده
وهيعدي زي أي فيديو اتعمل قبل كدا بيغنو فيه وبيجيبو ايه او سوره قرانيه كريمه
اللهم انك انت منزل القران وحافظه فاحفظ ما انزلته علينا من نعمه يا ارحم الرحمين
انا عايز اعرف حاجة بس؟اقتباس:
المشاركة الأصلية كتبت بواسطة musiccairo
انت لو حد شتمك او شتم لامؤاخذة مراتك او عيالك بلاش دول شتم ابوك وامك يا ترى هيبقى ردك فعلك ايه؟
مابالك واحد بيشتم ويستهزء بدينك !!! عارف يعنى ايه دين؟
ازاى تجى اعديها وازاى اطلب من الادارة مسحه هو موضوع تافه عشان امسحه ؟ ولو الادارة ليها رأى تانى هى حرة انا مش هتدخل فى شؤنهم!
المسلم القوى خير من المسلم الضعيف
انا مش هقولك ان انا متدين وعامل فيها شيخ وملتزم
فى حديث او ايه مش متذكر بالظبط بتقول
اذا رأيت منكر حاول انت تتدخل بيدك معرفتش فالسانك معرفتش فابقلبك وذلك اضعف الايمان ؟
دى عقيدة يا سيدى الفاضل ؟
يعنى ما ينفعش نسكت على اى شئ يمسها بسوء او اى اذى من الاشكال؟
اخوكم يوسف
يا جماعة انتوا مسكتوا فى الادارة وفى مسح الموضوع وراى الموقع فى الموضوع
طيب ما نيجى نفكر هما ليه فكروا فى كده وفكروا يعملوا كده
لاكتر من سبب لان هما شايفين ان المسلمين دول ناس مالهاش كرامة ولا شخصية ناس عايشه تحت
واكيد لان هما حاسين ان الاسلام دين حق وشاغل بالهم ان هما حاسين ان الاسلام بدا يرتفع
يارب عز الاسلام والمسلمين وربنا يكرمنا ويوفقنا اننا نقدر نحافظ على دينا
اللى خلى المسلمين مايخفوش على دينهم واحده زى الجريئة / ايناس الدغيدى اللى بيقولها المذيع امتى تتحجبى
قالت يارب ما تكتبها عليا
لما الغرب يسمعوا كده متزعلش ان هما يعملو كده فينا لا بالعكس ليهم حق وحق كبير ان الغرب يعمل فينا كده واكتر
يا جماعه لو حد فهم هما بيقولو ايه يا ريت يقولنا انا شخصيا مفهمتش كلمات الاغنيه . بمعنى ان الاغنيه ديه ممكن ميكونش فيها سخريه من الدين او العقيده
يعنى ممكن تكون ديه هيا طريقتهم فى التعبير عن الانتماء للاسلام ( على فرض انهم مسلمين )
ياجماعه بالظبط كده المغنى ده مسلم ومايقصدش اى اهانه ولا بيشتم ولا حاجهاقتباس:
المشاركة الأصلية كتبت بواسطة freeefair
بس هو فاهم غلط وهى دى طريقه تعبيره عن الدين هو فاهم غلط وماحدش وجهه صح واللى علمه الدين علمهوله غلط دى مايقلش حاجه عن ناس كتير تقولها السلام عليكم يقولولك وعليكم السلام وراح مطبله ( استغفر الله العظيم ) وغيرها طبعا بعضنا بيسمعها دى مش محتاج هجوم لأنه جاهل وعايز اللى يوجهه
ربنا يرحم الاسلام والمسلمين
يا جدعان فهمونى بس !!!! الراجل ده بيستهزء ولا بيكلم كويس :O_stupid[1]:اقتباس:
المشاركة الأصلية كتبت بواسطة evoo90
انا دماغى هتنفجر والله من ساعة ما شوفت الفيديو ده وانا مخنوق
وكمان ما تنسوش الفيديو اسمه ......
انا خلاص دماغى اتشلت من التفكير !
ياريت ترسو على رأى واحد بيشتم ولا لا
:8954[1]:
اخوكم يوسف
------------------------------
تم حذف اسم الإغنية لوقف انتشارها
برجاء عدم نشر اسم الأغنية مرة أخرى للأخوة الأعضاء
مشرف الاجتماعي
لا حول ولا قوة الا بالله العلى العظيم
استاذ يوسف
الفكره من عدم الاهتمام بالفيديو هي عدم انتشاره
لمجرد انو جاب ايه قرانيه وغناها زي فيديو قبل كدا بردو
اظن ان تجاهل الفيديو ده هو سلاح قوي في محاربته
لان بعد عدم الاهتمام بيه مش هينتشر وبالتالي هينجثر زي اللي قبله
انا حزين والله زيك وعندي غيره على ديني
ومن واجبي اني ادافع عن ديني
ودي الطريقه الامثل اللي انا شايفها
دا غير انت قولت بعد اذن حضرتك تعمل تقرير بسوء الفيديو في اليوتيوب عشان الفيديو يتمسح نهائي
اتمنى تكون وجهة نظري وصلتلك
وبلاش هجوم عنيف عليا !!!
انا بتكلم صح
---------------------------------------------------------------------------------------------------------------------------------------------------
السادة و السيدات أعضاء و عضوات المنتدى
سيتم غلق الموضوع منعا للمشادات و المشاحنات بين الأعضاء و منعا لانتشار الفيديو و هو ما لا يرغب فيه أي مسلم
مشرف الاجتماعي