الموضوع: && حاساها جواااااااااااااك &&

السلام عليكم ورحمة الله وبركاته
ـــــــ

أنا حاساها لسة فى دمك
ساري هواها فيك ولا همك

حتى ملامح صوتها.. سكوتها

غرورها ..عنادها.. بيقولوا انك

آآآآآآآه ما نسيتها

كل بنات حوا إتلاشوا إلا عيونها

حتى قلوبهم ليه إتشابهت قدام منها ؟

قايم نايم تحلم بيها وتنده ليها

وهنا عيون بتضحك ليك ليه تبكيها؟

حتى الهمسة وسحر اللمسة لسة فاكرها

لهفة شوقك.. دقة قلبك لما تشوفها

كل ده جواك بينادي عليها وأنا سامعاه

وأقول يكفينى أحس بلحظة حب معاه

لكن هفضل بس لإمتى ظل لحب مش عايشاه
وأحس برعشة قلبك يبكي وأنا ضماه

خايفة أصحى في يوم ألاقيك لسة عايش الحلم معاها

ومحتاج مني أداوي جروح نزفت منك أوي فى هواها

بس القلب الطيب ممكن يئسا لما الجرح يزيد جواه

والحب اللى وصلك منى فى لحظة ممكن إنى أنساه

أى أسية ممكن قلبي يغفرهالك إلا خداعه

أويكون جوايا حب قلبك رفضه فى مرة وباعه

هرحل وانت عيش وياها ومش وياها

عايش الدنيا من غير روح حتى الروح سايبها معاها

وانت يا قلبي لاتموت مني ولا تتعذب تانى بهواه

في يوم هتلاقي اللي ياخدك مني ويخلص ليك وتتمناه

خالص التحايا وأرقها لعيونكم

بقلمي..توتا