مشكلة في اسبراتير 128

**wsda** · 20-09-2009 06:40 PM

انا عندي 128 كانت بتقطع فحليت الاسبراتير بنفسي عشان اغير ابلاتين و كوندنسر و ركبته تاني و السلوك مظبوطة بس مش عايزة تدور و في ناس قالتلي اني لخبط التقسيمة ايه الحل و ايه هي التقسيمة ارجو الرد سريعا ارجوكم العربية مركونة بقالها كتير

**SAMEH_FOUAD** · 20-09-2009 07:40 PM

التقسيمة دية حوار مش هاتعرف تعملة لوحدك ,وبعدين انت اكيد لما ركبت الاسبراتير قفلت الكهرباء على الاخر بس اكيد انت مركب حاجة غلط وياريت متعملش الحاجات دية لوحدك عشان ممكن تبهدل العربية

**wsda** · 22-09-2009 05:52 AM

على فكرة انا ظبط التقسيمة و اي حد عايز يعرف ازاي كل اللي عاليه انو يقولي بس

**islambana** · 22-09-2009 07:41 AM

أزاي

**ofaashash** · 24-09-2009 11:33 PM

ازاى ؟؟ ممكن تكون جربت الاربع اوضاع!!

**sab3aawy** · 26-09-2009 07:39 AM

هى العربية بتاعتك الابلاتين بتاعها قطعة واحدة وللا قطعتين، لو هو قطعتين حاول تضيق وتوسع المسافة بينهم لو انت متأكد انك ظبطت التقسيمة مظبوط

بالنسبة لظبط التقسيمة فكل عربية بيكون الاسيراتير بتاعها له علامة مفروض انك تخلى ملامس البوجيه رقم ا فى الاسبراتير مواجه لها (الملامسات مرقمة على غطاء الاسبراتير) لما البستم رقم 1 يكون فى اعلى وضط( بتتعرف اما بفك بوجيه ووضع مفك مكانه ولف المحرك يدويا ومتابعة وضع البستم بسن المفك او بفك غطاء سير الكاتينة وملاحظة وضعه)

**newhansol** · 26-09-2009 07:38 PM

احب اضيف بس حاجة يا استاذ سبعاوى
البستم بيبقى فوق فى حالتين فى حالة شوط اللانضغاط وشوط الطرد للعادم
فعلشان نعرف انهى وضع علية البستم دلوقتى واحنا بناخد التقسيمة
تشيل البوجية وتحط صابعك الكبير مكانة وتسد بية مكان البوجية وبعدين تلف الموتور براحة لحد ماتحس بضغط على صابعك من داخل السلندر ولو شيلت صابعك هايخرج الهواء المضغوط يعنى هاتعمل كدة فسسسسسسسسسسس
ساعتها بقى حاول تعرف البستم فين دلوقتى بالظبط لانة بيفضل فى مكانة دة شوية ومش لازم يكون البستم فى اعلى نقطة لانة فى حاجة اسمها النقطة العمياء الى عندها البستم بيكون على خط واحد على المحور الى بيلف علية ولو حصل انك ظبطة على كدة ممكن الشرارة وهية طالعة من البوجية تفجر البنزين فى الوضع الى علية البستم كدة وبالتالى هايكسر (البى ال ) فلازم يكون البستم بادء فى النزول او عند اول النزول فى تلك الحالة يكون شاكوش الاسبراتير عند نقطة التلامس بتاعة رقم السلندر الى هايشتعل
الحركة دى عملتها قبل كدة فى موتور النيفا وكسرت البستم وبعدين عرفت طريقة التقسيمة الصح بعد كدة
يارب اكون قدرت اوصل المعلومة صح
وتحياتى للاستاذ سبعاوى