الموضوع: الى الاستاذ محمد و الاستاذ سميرنزول المياة الخضراء اسفل الموتور

المشاركة الأصلية كتبت بواسطة samirayad

نعم ودى عباره عن ماده شبيهه بالبودره لما بتتحط مع مية التبريد
بتعمل سدد الى حد ما لأخرام المواسير الصغيره أو الشروخ الضعيفه بالمواسير الى حد ما

المهم فى تساؤلك هذا تحديد سبب التسريب هل هو
1- خرطوم تالف من نهايته
2- الزور الألومنيوم بتاع الطلمبه (على سحبها ) تالف ودايب
3- القفيز عاوز يتربط أو يتغير
تحديد السبب هو الأهم حاليا
وأعتقد الصح أنك تكشف على سبب ال leakage أولا
قبل محاولة أستخدام البودره المسماه بال radiater sealig
لأنها ببساطه شديده لن تفيدك فى حالتك طالما العيب بعيدا عن الردياتير
وده باين من أسم الماده

أنا موش عارف أشكر سيادتك على إيه ولا إيه ..
علي سرعة إستجابتك ولا على ذوقك ونبل أخلاقك ولا على خبرتك الواسعة التي لا تبخل علينا بها ولا .. ولا ..
أما عن موضوعنا :
1- الخرطوم ليس تالف من نهايته
3- القفيز مربوط كويس جداً وجديد
2- الزور الألومنيوم بتاع الطلمبه (على سحبها ) تالف ودايب
هو دة فعلاً المشكلة
وظهرت بعد ما فتحت الموتور وجمعته تاني وكأن الزور كان بيتلكك ..
المهم فكيت الخرطوم وإستخدمت ما تسمى العجينة السحرية في ملء الجزء الناقص من الزور ( ولمن يهمه الأمر العجينة السحرية هذه إسم على مسمى وهي إماراتية الصنع ومنها عبوة ب 6جنيه والثانية ب 9 جنيه وتستخدم لعلاج التسريبات واللحامات وملء الفراغات وهي عبارة عن عجينة إسطوانية الشكل في سمك إصبع اليد سوداء اللون بداخلها _ محشية _ عجينة بيضاء وتقوم سيادتك بقطع جزء منه ب cuter ثم تعجنها بيدك وتستخدمها )
بعد ما ملأت الفراغ الناقص على ما يبدو يجب أن أفكها ( الزور ) وأتعامل معها حيث قد يكون سطحها بها عالي وواطي
بأفكر أملاها كويس وهي في الخارج ثم أسنفرها أو أبردها على مقاس الخرطوم

معلهش يا هندسة سؤال خارج الملعب كدة ...
سيادتك بتعمل إقتباس لجملة جملة إزاي .
وشكرا ً على كل حال