حدث في هـــــــــــذا المكان...

**icehearted girl** · 20-09-2009 08:46 PM

السلام عليكم اهالي المنتدي الكرام

في موقف حصللي كدا من يومين ومر عليه مرور الكرام وحسة اني اسأت التصرف فيه لاني فوجئت بصراحة

يوم 28 رمضان كان عندي درس وخلصنا قبل المغرب بوقت بسيط جدا

انا وصحابي قعدنا ندور علي اي رستوران نفطر فيه بس مش سندوتشات وخلاف

احنا بنبقي مستعدين ناكل بعض علفطار اصلا وحنا مع بعض

المهم كل منروح اي رستوران محترم منلاقيش مكان فاضي لان لازم بحجز قبلها

المهم لجأنا اخيرا بعد ملمغرب اذن كمان... لرستوران اول مةاجربه فجامعة الدول هواللي كان فيه مكان فاضي

المهم اول مجالنا الاكل انا كنت طالبة فراخ مشوية...اول ممسكت الطبق هبت ريحة غريبة كدا

انا قلت يمكن مناخيري بتهلوس ملجوع

المهم قطعت الفراخ لقتها من جوا حمرا زي الدم

قلت اللهم اغذيك ياشوشو

وجيت أكل

بعيد عنكم كأني باكل دراع واحد ميت

الفراخ معففففففففففففففففففففففف ففففففففففففففففففنة وكانها جيه ملزباله بدون مبالغه انا كنت عاوزة

اصرخ

في ويتر كان واقف اول ملقي ريأكشنات وشي دي جه جري بيقلي في حاجة يفندم؟؟

قلتله الفراخ معفنة

قالي لالالا هي بس عشان مشوية

قلتله علي اساس اني عمري مدقت فراخ مشوية قبل كدا؟

شيل الفراخ دي

قالي طب تحبي ابدلهالك ببيتزا مثلا؟

قلتله لا انا مش هاكل حاجة هنا تاني

وفضلت مستنية لحد مصحابي خلصوا أكلهم وفوجئت فالاخر انه عملي وجبة تانية غيرها اخدها معايا تيك اواي

انا سكتت ومشيت

وبعدين استغربت اوي انا ايه اللي انا عملته دا

اقصد ايه اللي انا معملتوش دا؟؟

ازاي سكتت علي موقف زي دا بسهولة كدا؟

ضميري مأنبني جدا اني مبلغتش عن المكان دا حماية المستهلك

اكيد باقي الفرخة دي هتتقدم لحد تاني

ازاي ملفتش الفراخ دي فوقتها وودتهم في ستين داهية

انا مش عارفة اازاي ضيعت الفرصة دي

يمكن بس الخضة

انا ممكن ابلغ تاني دلوقتي بس خلاص طالما الدليل بح اطنش انا كمان؟؟

**asbeats** · 20-09-2009 11:35 PM

بصي...لو انتي في بلد تانية غير مصر كنت هاقولك ان ده التصرف السليم...

بس انا اتعلمت الأدب من فترة ومبحاولش آفطر بره الا لو مزنوق في نبطشية في مستشفى...لأني بجيب الأكل وخاصة الفراخ المشوية لأني بحبها وبستنضفها عن اللحوم التانية وببقى متأكد انها اتعملت باستعجال و مستويتش كويس من جوه.

بس بصراحة بتوع المطعم دول رغم ان الخطأ غير مبرر على الإطلاق الا ان تصرفهم بيدل على انهم الى حد ما محترمين...غيرهم كان ممكن يتصرف بطريقة تانية خالص.

على فكرة الموقف ده حصل معايا في مطعم غالي جداااا في المهندسين والمدير غيرلي الطبق.

**icehearted girl** · 21-09-2009 12:15 AM

الخطأ مبرر في اي مكان

لو كان ني شوية او ماشابه

انما دا اكل معفن

فعلا معفن

انا شايفه اني مقصرة جدا يفندم

دي محصلتليش قبل كدا ولا حتي فكشري

انا من ساعتها مش طايقهخ اشوف فراخ تاني خلاص

وطبعا اللي ادهولي دا اترمي وبرده دفعت حسابه

مش عارفة هم كدا تصرفهم محترم ولا لأ

**كابوس الليل** · 21-09-2009 12:44 AM

وطبعا اللي ادهولي دا اترمي وبرده دفعت حسابه

لا ده تصرف غلط "معلش"
كنتى تروحى لمدير المطعم وتقلبى المطعم

**icehearted girl** · 21-09-2009 12:48 AM

ماهوا داللي مضايقني

اهئ اهئ

والله الواحد بيشوف كل يوم حاجات بيخليه ياكل طبق فول فلبيت عن اي حاجة برا

بس للاسف مبفضاش اكل فبيتنا اي يوم بنزله

**artyboy** · 21-09-2009 02:27 AM

لا مش غلطانه ولا حاجه هو بس علشان الخضه وفى وسط أصحابك و الناس قاعده حواليكى و كده وعموما أنا لو مكانك لما جالك الوايتر هقوله عايز الfloor manager ولما يجيى البيه بسلامته هطلع كل إللى جوايا بس برضوا من غير ما أغلط ولا أعلى صوتى
و كنت خدت أصحابى وقمنا من المكان ده (وده بصراحه إللى أنا مستغربله أزاى أنتى ما خدتيش أصحابك وقومتى ولا هما مش أصحابك أوى فأنتى خفتى يحصل موقف إحراج فى وسطهم ) وعموما حكاية حقوق المستهلك وغيره ما أعتقدش أنها كانت هتنفع لأن علشان تعمليها كان لازم تسكتى ساعتها وتطلبى من الوايتر أنه يلف الأكل لأنك مش قادره تأكلى دلوقتى و بعدين تطلبى separate check وبكده تقدرى تطلعى على حماية المستهلك وبعد ده كله ممكن يقول و الله الفراخ دى مش بتاعتى هو الأوردر طالع من عندى اه بس ده مش الأكل إللى أنا حاطه وتدخلى فى حدوته فا كده أحسن و أنتى عملتى الصح

العضو الفاضل برجاء تحري الدقة في كتابة لفظ الجلالة

مشرف الاجتماعي

**dr-mohamed** · 21-09-2009 05:22 AM

والله انا شايف الافضل اننا نعمل بلاك لست
بلاك لست لكل حاجة في حياتنا زي ما عملنا لمحطات البنزين نقول ايه السئ فيها وايه الجيد المحترم
يعني ممكن نعمل موضوع عن المطاعم ونقول كل منطقة ايه المطاعم اللى جربناها وكويسة واللى مش كويسة
وايه الوزارة اللى اتعاملنا معاها وكانت كويس او سئ
ومين المدرس اللى اتعاملنا معاه وكان كويس او سيء
وكفاية عليهم البهدلة على النت والسمعة السيئة اللى هايجيبوها لنفسهم

-

-

الموضوع: حدث في هـــــــــــذا المكان...

LinkBack

أدوات الموضوع

عرض

حدث في هـــــــــــذا المكان... - انشر الموضوع فى :

-

-

-

-

المواضيع المتشابهه

المكان المضمون لشراء kyb

خد يدلنى على المكان

مسابقه ما هو المكان او البلد

مش ممكن المكان ده فى مصر ؟

ما هو المكان المناسب للزرار

الكلمات الدلالية لهذا الموضوع

المفضلات

المفضلات

ضوابط المشاركة