^^ استشارة من أهل الخبرة ^^

السلام عليكم ...

انا حابب جدا انى اشترى كيا بيكانتو أوتوماتيك عشان عملية وموفرة وهيا اللى حتنفع فى البلد دى ..

المهم العربية ثمنها مبالغ فيه جدا - دا رأيى ورأى كتير من اللى راكبينها وواحد من المبيعات فى كيا كمان - فا انا ليا اخويا بيشتغل فى دبى وتوكيل كيا هناك رهيب ومنزل العربية ب أوبشنز كتير ..

انا فكرت ان اخويا يشتريها من هناك ويشحنها ..

هل حد يعرف أى تفاصيل عن الشحن ونظام الجمارك وهل ممكن العربية تتبعت بأسمى من هناك ولا لازم تكون باسمه وينزل مصر عشان يخرجها من الجمرك ..


يا ريت اللى عنده أى معلومة يفيدنى بيها ...


شكرا

مكن تحجز سوزوكى سيلاريوا 2010 مانيوال فول اوبشن ب60.000 افضل واوسع ويبانى وموفرة فى البنزين وسريعة واداء ممتاز من 0 الى 100 فى 9 ثوانى

هيعملك توكيل تعامل مع الجمارك والمرور و ينزلها

وتخلص جماركها باسمه والشحن هيتفق مع اي شركة شحن
هتجيبهالك لغاية البيت معلقة نمرة جمرك

اقتباس:

---

المشاركة الأصلية كتبت بواسطة ice_wolf

مكن تحجز سوزوكى سيلاريوا 2010 مانيوال فول اوبشن ب60.000 افضل واوسع ويبانى وموفرة فى البنزين وسريعة واداء ممتاز من 0 الى 100 فى 9 ثوانى

---

الراجل بيقول عاوز يشتري بيكانتو ؟!مالنا و مال السيلاريو
هو حضرتك بتشتغل في سوزوكي ولا ايه؟؟؟؟؟؟؟؟؟اصل انا كل لما افتح موضوع الاقيك بتقول نفس الكلمتين بتوع السيلاريو دول!

هتلاقيه معاه واحدة
وبيحبها وعايز الناس كلهم تركب زيها
تعصب لعربيته

اقتباس:

---

المشاركة الأصلية كتبت بواسطة fikri

الراجل بيقول عاوز يشتري بيكانتو ؟!مالنا و مال السيلاريو
هو حضرتك بتشتغل في سوزوكي ولا ايه؟؟؟؟؟؟؟؟؟اصل انا كل لما افتح موضوع الاقيك بتقول نفس الكلمتين بتوع السيلاريو دول!

---

انت ردك على اى اساس ثانيا انا بنصحة بالافضل ثالثا انا مش بشتغل فى سوزوكى ولا املك سوزوكى الفكرة انا ركبت الاتنين ولاقيت السوزوكى افضل من حيث الوسع والخامات ولالامان والسعر وانا بدى صاحب الموضوع نصيحة مش بجبرة انوا يشتريها ودة تانى مرة اكتب الكلام دة مش معناة ان انا شغال فى سوزوكى ومش اى موضوع بدخل اقول نفس الكلام مثلا لو مقارنة بين السيراتوا والتيوتا مش بدخل اقول السيلاريو احسن وياريت تحترم الكلام اكتر من كدة بلاش الكلمتين يعنى اية الكلمتين تقصد اية بكلامك

اقتباس:

---

المشاركة الأصلية كتبت بواسطة mosmafa

هتلاقيه معاه واحدة
وبيحبها وعايز الناس كلهم تركب زيها
تعصب لعربيته

---

واضح الهجوم فى كلامك اولا العربية لسة منزلتش واتباعت فى مصر علشان تكون معايا العربية انا ركبتها وموجودة فى معرض سوزوكى يبقى فين التعصب ياريت تخلى بالك من كلامك بدل اما تتهمنى بالباطل

يا ايس على فكرة
انا مش بهاجمك
انا معايا نوبيرا
واي حد بيقولي اشتري ايه من غير تفكير بقوله اشتري نوبيرا
واقعد احطيله مميزات موجودة في البورش
كل واحد بيحب عربيته اكتر حاجة وعموما متزعلش مني يا باشا
انا مش قصدي اتكلم سلبي عنك والله
كل سنة وانت طيب

اقتباس:

---

المشاركة الأصلية كتبت بواسطة mosmafa

يا ايس على فكرة
انا مش بهاجمك
انا معايا نوبيرا
واي حد بيقولي اشتري ايه من غير تفكير بقوله اشتري نوبيرا
واقعد احطيله مميزات موجودة في البورش
كل واحد بيحب عربيته اكتر حاجة وعموما متزعلش مني يا باشا
انا مش قصدي اتكلم سلبي عنك والله
كل سنة وانت طيب

---

وانت طيب ثانيا انا مش بعمل زيك خالص بمعنى مثلا لو راكب هيونداى فيرنا منصحش الناس بيها وبقولهم على اللوجان لانها افضل منها دى الفكرة لانى ركبت الاتنين اكتر من مرة حسيت بالفرق بينهم لاكن انا ولا معايا لوجان ولا امتلكها وعموما حصل خير ومفيش مشاكل وكل سنة وانت طيب

انتو سيبتو صاحب السؤال وخرجتو برة الموضوع
بص يا سيدي ممكن قريبك اللي برة يشتريها لك باسمك ويشحنها لك علي مصر وانت تدفع جماركها
بس خلية يشتريها هناك منطقة حرة هتقل في السعر 5%
وبعدين هي هتدخل مصر عربية زيرو زي الخليجي كدة ولو بعتلي المواصفات بالضبط
للعربية ممكن اعرف لك جمركها كام بالضبط

اقتباس:

---

المشاركة الأصلية كتبت بواسطة ice_wolf

مكن تحجز سوزوكى سيلاريوا 2010 مانيوال فول اوبشن ب60.000 افضل واوسع ويبانى وموفرة فى البنزين وسريعة واداء ممتاز من 0 الى 100 فى 9 ثوانى

---

العربية دي هندي والكلام ده من رجل مبيعات توكيل سوزوكي اللي مدينة نصر

استهدوا بالله يا جماعة وعيد سعيد عليكم ...

انا حابب البيكانتو أكتر من أى حاجة تانية .. بس زى ما قلت العربية دى فى مصر معدومة تماما من أى أوبشن فا عشان كده فكرت اخويا فى دبى يشتريها ويبعتها ..

عموما ان شاء الله أول ما يرجع دبى تانى " بعد شهر العسل " حخليه يسأل على أعلى فئة من البيكانتو الأوتوماتيك وأقولكم عليها وساعتها تقولولى ايه نظام الجمارك عليها


وروقوا كده ..