عرض للطباعة
زوجتي كانت بتركن و انا واقف بارشدها تركن ازاي
اما كانت بتلف الدركسيون و العربية ثابتة اسمع صوت تزييق و تكتكة من تحت العربية قدام
و الصوت بيظهر سواء عند اللف شمال او يمين
جدير بالذكر ان الصوت مش مسموع من داخل السيارة
السؤال
1- العيب ده في ايه؟ البيض و لا العلبة و لا البارات و لا المقصات؟
2- العيب ده متغطي في الضمان و لا لأ؟
علما بأن العربية لانسر بومة 2008 اوتوماتيك بضمان الوكيل و عاملة 47 الف كيلو و كل الصيانات في الوكيل معمولة في معادها
ده مش عيب حاجه... اي عربيه باور ستيرنج هيدروليك هتعمل كده لو لفيت الدريكسيون على الآخر
لا يا باشا من غير ما نلف عالآخراقتباس:
المشاركة الأصلية كتبت بواسطة ahmed hassan
و بعدين انا عارف صوت طلمبة الباور لما بتلف عالاخر
ده صوت مختلف
أولا هو عامل زي ما يكون تزييق و معافرة و تكتكة جامدة
ثانيا هو بيسكت لما تثبت الدركسيون ...... صوت طلمبة الباور بيستمر لما تجيب الدركسيون عالاخر و تثبته ....... الصوت عندي مع التحريك فقط
طيب جميل.. انا كدا فهمتك
جرب تلف الدريكسيون نفس اللفه اللي بتعمل الصوت بس من غير ما تدوس فرامل و شوف فيه صوت و لا لأ
هاجرب بكرة ان شاء الله و اقول لكاقتباس:
المشاركة الأصلية كتبت بواسطة ahmed hassan
بس فضول مني
لو أيوة يبقى إيه و لو لأ يبقى ايه؟
شوف يا سيدي... الصوت اللي انا قصدي عليه بيكون طقطقه بسبب ان العربيه مفرمله و لفه الدريكسيون بتحاول تحرك العربيه... فالصوت بيجي من الفرامل و العفشه.
لو الصوت موجود من غير فرامل يبقى ممكن العفشه فيها حاجه... بس لو كان فيها حاجه كنت هتسمعها و انت ماشي بردو
ربنا يسهل الصبح هاجرب
مفيش صوت من غير فرامل
ميرسي بالكوم يابو علي :)
العفو... الحمد لله انك اطمأنيت
احمد باشا لو عاوز تتطمن اكتر هاتها في اي وقت للتوكيل ومهندس الاستقبال يجربها معاك ولو فيه اي حاجه محتاجة تتغير في الضمان تتعمل علطول
شكرا يا باشااقتباس:
المشاركة الأصلية كتبت بواسطة مصراوي جدا
في صيانة الخمسين باذن الله هانت فاضل 3000 كيلو :E_braces[1]: