اقتباس المشاركة الأصلية كتبت بواسطة MoToRiZeR مشاهدة المشاركة
في نقاط بسيطة :

1- مفيش شاب غني ! اللي بيغالوا في طلباتهم يعرفوا إن اللي دافع الفلوس هم أهل العريس مش العريس .. يعني من الأخر مش حاجة تضمن إنه يخاف عالبنت ولا حاجة و ياما حالات كدة و إتطلقوا .. بل علي العكس .. موضوع الفلوس ده يشجع الشاب علي عدم الإهتمام بيها و خيانتها إن لزم الأمر أكتر ! .. لأن هيبقي عنده إحساس إنه ممكن يرمي دي في الزبالة في أي وقت .. و يشتري واحدة تانية ! يعني حتي لو مضايقتوش .. لو شاف واحدة تانية عجبته .. يدفع و يشيل !

2- الناس في مصر فاهمة الجواز غلط .. عشان كدة حياتهم بتبقي مملة بعد الجواز و بيجيلهم إكتئاب .. كل إتنين عايزين يتجوزوا بيجهزوا نفسهم تجهيز يخليهم مش محتاجين تغيير 20 سنة قدام ! لازم كل حاجة تبقي جاهزة و موجودة و أكن جوازهم ده النهاية ! و لازم يعملوا فرح يشغلوا فيه أغاني سعد الصغير و يعزموا ناس تيجي تتريق عليهم و عالفرح مهما عملوا فيه .

3- كل الشقلابظات دي في الأخر لا شئ .. مفيش حاجة إسمها "و انا إيش ضمني" لو مش ضامن الشخص اللي قدامك يبقي معرفتوش كويس يبقي هتتجوزه ليه !؟ و لو مش ضامنه مفيش فلوس هتضمنوا .. تاني حاجة مفيش حاجة مضمونة في الدنيا أساساَ .

4- اللي بتتطلب المساواة أو عدم التفرقة بين الرجل و المرأة .. متخليش نفسها سلعة و بعد كدة تيجي تزعل اما تلاقي الرجل بيعاملها علي هذا الأساس .
الله عليك
بس عجبتني اوي موضوع ان الناس بتجهز لمدة 20 سنة دي .. عندك حق اوي فيها .. لو جهزوا في الاول على قدهم ، هيلاقوا حاجة تشغلهم بعد سنتين تلاتة .. و غيرها و غيرها
متشكر اوي على الافكار اللي اضفتها .. فعلا كنز كل انسان يكمن في عقله