استفسار عن كيفية ازالة صوت حك تيل الفرامل ؟

**د.محمود صلاح** · 21-09-2009 11:53 AM

اعانى فى سيارتى من صوت صفير تيل الفرامل المستمر بالذات على السرعات البطيئة علما بأن التيل جديد ولا أعتقد انه متآكل ( ركبته منذ سنة تقريبا ) والفرامل قوية, هل خامة التيل هى السبب ؟ أم أنه محتاج يتنظف ويتجلخ ؟

**samirayad** · 21-09-2009 01:02 PM

المفروض صوت الصفير يبقى مع الفرمله
مش مع الحركه بالسياره
لو صوت الصفير مع أستعمال الفرامل (يبقى عيب تيل ) أو طنابير عاوزه تتصنفر
لو صوت صفير مع حركة السياره (يبقى صاجة الوقايه ملمسه للطنبوره )

**kliken** · 21-09-2009 01:26 PM

انا كان عندى نفس المشكله و روحت علشان اغير التيل بعد ما فك التيل لقيته سليم فى اكتر من نصفه بس الميكانيكى قالى ان معظم الانواع اللى موجوده فى السوق بقيت مضروبه بتقعد شويه و تنشف و بعدين تصفر فراح مصنفر التيل و الطنابير و ركب التيل القديم تانى شويه و راح مصفر تانى و قعدت ادور على تيل يكون نضيف علشان يقعد معايا شويه لغايه ما جبت واحد كويس و ركبته و الحمد لله تمام

**piezo** · 21-09-2009 01:50 PM

معلش حضرتك بتقول مركبه من سنه اعتقد انه عايز يتغير وده اكيد
اكشف عليه الاول وشوف

**د.محمود صلاح** · 22-09-2009 05:24 AM

شكرا لكل الردود , هو كما قال المهندس سمير عياد صوت مع استخدام الفرامل ويختفى تدريجيا , ان شاء الله أكشف عليه عند الميكانيكى

**meshmeshahanem** · 24-09-2009 01:27 PM

انا كمان عندي نفس المشكله وانا بفرمل بس بتبقي علي مسفات مع العلم اني عامله 4000 كيلو بس؟؟؟؟؟؟؟؟؟؟

**EslaM_NagY** · 24-09-2009 01:36 PM

انا غيرت التيل على 30 الف الصوت اختفى تمام على 34 الف.

**ahmadmidop** · 24-09-2009 03:05 PM

انا ياجماعة عندي صوت غريب بسمعه لما اكون فاتح الزجاج وفي حتة هادية لما اكون ماشي على ااقل من عشرين بسمع زي صوت حكة من قداام ياترى ده مصدره ايه؟؟؟ العربية فيات باليو 2006