السلام عليكم
انا مهندس اتصالات بس ماليش خبرة خالص فى موضوع كهرباء الشقة و مد خراطيم
و تقسيمها من انارة و تغذية و دش و انترنت و غيرة
حد عندة خبرة فى الموضوع ممكن يوضحلى شوية ارشادات امشى عليها
و شكرا
عرض للطباعة
السلام عليكم
انا مهندس اتصالات بس ماليش خبرة خالص فى موضوع كهرباء الشقة و مد خراطيم
و تقسيمها من انارة و تغذية و دش و انترنت و غيرة
حد عندة خبرة فى الموضوع ممكن يوضحلى شوية ارشادات امشى عليها
و شكرا
شوف حد كهربائى هو اللى يعمل ليك التقسيم بتاعتك وانت تتعلم منه برضه علشان متعملش حاجة تبوظ الدنيا واهو برده هتتعلم منه
والله انت ابن حلال انا كنت عايز اسأل بنفس الخصوص
عندي شقتين مفتوحين علي بعض بعداج واحد
لما بنفتح التكييف بيعمل قفلة فياريت لو حد يعرف حل الموضوع ده ايه؟
وكل سنة وانتم طيبين
من الحاجات المهمة فى التوزيع انك تراعي المستقبل فى أماكن تركيب الفيش والدش ومفاتيح النور والأماكن اللى ممكن تركب فيها تكييف حاليا او مستقبلا اعمل حسابها فى الكابلات تكون محملة وتجهيز مكان مفتاح الكهربا فى الحيطة
وبالنسبة للنت الموضوع مبقاش مستاهل وجع قلب ممكن تركب وايرلس هيغطي معاك الشقة كلها وتريح نفسك من الكابلات خالص
انا عندى خبرة بسيطة . بس مش فاهم ارشادات ايه اللى حضرتك عايزها
وهديك كام نقطة عامة كده فى التصميم
1- C.B بتوع الانارة كلهم 10 امبير وكل مفتاح يتحمل بحد اقصى ب 5 امبير لضمان الاحمال المستقبلية
2- مفاتيح السوكت والبرايز 16 امبير لو الشقة من 100 - 120 متر اعملهم على دايرتان و المطبخ حاول تعمله دايرة او 2 على قد الاحمال اللى عندك
3- التكييفات لو صغيرة حصان او 1.5 ومن النوع الموفر استعمل مفاتيح 25 امبير ولو اكبر من كده استعمل 32 امبير
4- دواير ال Waves لازم تكون فى خراطيم وبواطات منفصلة عن دوائر الباور
وحضرتك ممكن تسال فى اللى عايزه وانا اجوبك على قد معرفتى
لو ليك حد فى شركة الكهرباء ممكن يغيرة بواحد بولندى من القدام دول
و الشريحة مش هتتغير الا لو ركبت 3 فيز
انت روح شركة الكهرباء و اشتكى ممكن يعملة حاجة او ممكن يعملولك صاعد جديد
و ال circuit breaker دة قبل العداد فى حالة عشان يحمى من زيادة او نقصان الفولت
و فى اللى واصل بالتكييف بص كام امبير بردة
شكرا ياباشا بس عايزين من قبل كدة كمان يعنى من ساعة مد الخراطيم و التكسير فى الطوب
مهو عشان كدة مش عايز ابقى تحت رحمة كهربائي يفتى و يعك عندى
وعشان كدة اسمع ان فى مدرسة قديمة اللى بتستخدم بواط التجميع (العلب الكبيرة اللى فى كل اوضة)
و فى مدرسة احدث مبتستخدمش العلب دى و ليهم طريقة تانية
انهى احسن مش عارف
متابع بإهتمام...
و أطلب نصيحة...لو عندك شقة محارة بس...إيه أول حاجة تبدأ تعملها فيها كهرباء و لا سباكة ولا كرانيش و سقف ولا إيه بالظبط؟؟ الخطوات يعني
كهرباء بعدين سباكة بعدين نقاشة و كرانيش و سقف و تشطيب زى مانت عايز بقي .
بس الكهرباء اول حاجة الاهم بعديها السباكة , الكهرباء بتتوزع على الشقة زى ما انت عايز و تعمل احتياطاتك فيها جامد و بالذات فى (البريزة) اللى هى الفيشة علشان , انا فى غرفتى عملت فيها فيشتين بس و دلوقتى بندم :)
هنفترض ان الشقه على الطوب الاحمر البدايه هتكون الحلوق بتاعت الابواب والشبابيك وبعدين خراطيم الكهرباء اللى بيتحفر لها فى وش الحيطان وكمان بواطات الكهربا و اماكن الفيش و البرايز وبعدين طرطشه الحيطان بخلطه
من الاسمنت و الماء بتكون سايله والمرحله التانيه بتكون المحاره لو حضرتك هتعملها فى الصيف
بيكون الفاصل الزمنى بين المحاره وبدء الدهان قليل من شهر ونص لاتنين لان حراره الجو
بتساعد على ان المحاره تعضم اسرع و لو شتاء ممكن المده توصل ل6 شهور على
حسب وبعد كده ممكن تشتغل فى السباكه وتركيب مواسير الصرف فى ارضيه
الحمام و التوصيل مع ماسوره الصرف الرئيسيه للبيت كله وممكن مواسير
الصرف تتعمل مع لزق السيراميك او البلاط للشقه كلها وده اللى انا بفضله (لان اللى بيعمل
السيراميك والصرف واحد ....... المبلط ) وممكن لو المحاره عضمت وتمام تركب الكرانيش وتشتغل
فى الدهان( المعجون ) بس ايا كان الوقت اللى هتبتدى تشتغل فى الدهانات لازم تكون جبت الابواب والشبابيك
لانها تقريبا بتمر بنفس المراحل اللى بتم مع الحيطان ( سنفره معجون اول وش تانى وش ) وبعدين المرحله الاخيره
اللى بتركب فيها وشوش الكهربا ( فيش ... بواطات الخ ) وتركيب الابواب والشبابيك وتركيب الازاز فيهم
تقريبا ده كل اللى قدرت افتكره وبالتوفيق ان شاء الله
يعنى انا عاوز اعرف منك كل مرة بتشغل التكييف النور بيطفى ولا اخر مرة عمل كده ؟؟؟
وهل انت زودت احمال فى الشقة فى الفترة الاخيرة ؟؟؟
والعمومى كام امبير ؟؟؟
وعموما لو انت لسه مركب التكييف جديد او مزود احمال كبيرة جديدة فى الشقة يبقى محتاج تغيير العمومى والوصلة من الريزر للعداد والعداد لو مش مكفى الاحمال
لا يا باشا , الحل انه هيركب مفتاح للتكييف لوحده .
احنا كان عندنا نفس المشلكة و ركبنا مفتاح للتكيف لوحده .
معلش هعترض مع حضرتك فى كام نقطة
1- العدادت القديمة زى البولندى والتشيكى متفرقش حاجة عن الجديد زى بتاع السويدى
2- من غير ما تشتكى انت بتقدم طلب بتغيير العداد لاكبر وبتدفع رسوم تغيير وبيجى واحد يركبلك عداد جديد بكرتونته ويرفع القديم
3- ال main circuit breaker اللى فى شققنا كلنا للحماية من سحب تيار اعلى سواء حمل زايد او قفلة و ليس له علاقة بالفولت
العمومي 10-40 امبير
كل مرة بيعمل قفلة
الاجهزة عندنا فعلا كتير
في المتوسط ممكن ناخد ب 100 جنيه كهربا شهريا
ما انا مركب مفتاح للتكييف لوحده
فعلا المفتاح اللي بره الشقة
التكييف ليه مفتاح لوحده بس مش ليه مفتاح في اللوحة مخصوص لوحده
كل مفتاح بيشغل اوضه
يعني مفتاح للصالة ومفتاح للحمام وواحد للمطبخ وهكذا
قصدك العداد هو 10 -40 امبير واكيد حططله مفتاع عمومى 40
قصدك كل ما تشغل التكييف المفتاح بيطفى . وانت قولت قبل كده ان التكييف قام واشتغل معاك لمده 5 دقائق ( بفرض ان الكباس والمروحة اشتغلوا من الاول )اقتباس:
كل مرة بيعمل قفلة
يعنى معنى كده انه حمل زائد وليس قفله كهربية . وللتاكد افصل احمال الشقة كلها وشغل التكييف بس لوحده
يبقى الحل
اقتباس:
بتقدم طلب بتغيير العداد لاكبر فى مصلحة الكهرباء اللى تبع الحى بتاعك وبتدفع رسوم تغيير وبيجى واحد يركبلك عداد جديد بكرتونته ويرفع القديم
و لو انت من العمرانية او الهرم المصلحة قدام الخزان فى شارع الهرم ورسوم التغيير هتبقى فى حدود 100
وتقريبا هيديك عداد 40-80 امبير وتجيب مفتاح عمومى 63 امبير فى حدود 100 و يكون نوعه سيمنز اتحاد اوربى او البتشينو مصرى .
والكهربائى اللى هيركبلك المفتاح يبص على السلك الواصل من الرايزر للعداد يستحمل ولا لا
يعنى التكلفة هتكون فى حدود 250 - 300
ده مين الكهربائى الفاذ اللى عمل التصميم الرائع ده . ده رايح دماغه على الاخر :brn:اقتباس:
التكييف ليه مفتاح لوحده بس مش ليه مفتاح في اللوحة مخصوص لوحده
كل مفتاح بيشغل اوضه
يعني مفتاح للصالة ومفتاح للحمام وواحد للمطبخ وهكذا
معلش يا باشا اتخرت عليك فى الرد رغم انك صاحب الموضوع
اولا احمال التكييف و ممكن الغسالة الاوتوماتك والسخان لو تحب
هتجييب خرطوم علاء الدين وده بيبقى ناشف وهتمد من العداد للحمل على طول على الارض ( لو لسه مركبتش سيراميك )
وطبعا علشان يبقى الشغل نظيف كل تكييف هتحطله مفتاح منفرد فى لوحة وكذلك الغسالة والسخان لو عندك
ولو الارض اتشطبت خلص . هتمشى بخرطوم سوستة فى الحيطة بنفس الخطوات
ثانيا الانارة والبرايز
اما تعمل الانارة بمفاتيح لوحدها و البرايز لوحدها وكده انظف
اما تعملهم على بعض ودى الطريقة السهلة
الطرق
1- الطريقة القديمة بتاعت البواط و دى ليها ميزة وعيب
الميزة : ممكن التعديل او الالغاء لبعض المفاتيح والبرايز فى المستقبل
العيب : منظر مش لذيذ على الحيطة
والطريقة دى تقريبا محدش دلوقتى بيشتغل بيها
وهديك مثال : لو عندل مثلا اوضين نوم و عاوز تمد ليهم . هتمد من العداد للبواط الاول بخرطوم سوستة ثم نزولا للعلب ثم من البواط الاول للتانى نزولا للعلب
طاب لو الاوضة التانية بعيده عن الاولى هتمد لها من العداد على طول
2- الطريقة التانية والاسهل هتمد لعلبة المفاتيح والبرايز مباشرة عبر الحائط او الارض
يعنى من العداد للعلبة الاولى ثم للعلبة التانية وهكذا
لو هتمد على الارض لزم تمد بخرطوم ناشف ( علاء الدين ) وتطلع وتنزل منه للحيطان بخرطوم سوستة
وطبعا هتمد خرطوم او2 من الرايزر لعلبة العداد
اما بالنسبة لل ( دش - تليفون والنت ) اعملهم فى خط واحد يلف الشقة كلهم بالطريقة التانية واعمل فى كل اوضة علبة او علبتين حسب احتياجك
وبالتوفيق يا باشا ولو فيه اى استفسرتانى انا فى الخدمة
For A/C in our house we have them on 40 Amp each
and we changed our 3adad to 3 faz
and we also changed the circuit board (3elbet el mafateeh) and we got them all 40 AMP and we got a 3 faz main switch off for the circuit board
and the 3 faz black fayash that are outside in the box...we have changed them to 3x60AMP each
دي شوية معلومات ممتازة لكهرباء الشقق..ممكن تفيد:
باقي مراحل تشطيب الشقة هتلاقوها في الموضوع ده:اقتباس:
اذا كان قد مر على آخر تغيير للأسلاك اكثر من 10 سنوات لابد من تغييرها بالكامل حيث تصبج جافة و تتقصف و لا تستطيع احتمال الأحمال و بالتالى تصبح مصدرا للحرائق و لابد من سحبها من داخل الخراطيم الموجوده داخل الحوائط و اعادة تدكيكها بالأقطار التاليه :
سلك السخان الكهربائى أو تكييف او غساله بها سخان او غسالة اطباق 4 مم
سلك البرايز الكهربائيه 3 مم
سلك الأناره و النجف 2 مم
السلك الصاعد للشقه من العداد لا يقل عن 10 مم.
- يتم تغيير التابلوه الرئيسى للشقه اذا كان من نوع المنصهرات القديمة و استبداله بأخر ذو مفاتيح اتوماتيك 16 و 20 و 24 امبير حسب الحمل بحيث يتم تجميع الأنارة مثلا على مفتاحين و البرايز على مقتاحين و كل جهاز كبير على مفتاح أو تقسم على الغرف كل غرفه مفتاح.
- يتم عمل مفتاحين كبيرين بعد عداد الأناره قوى 32 او 40 امبير.
فاذا كنتى تريد استخدام 3 تكييفات يجب تغيير العداد الى 3 فاز و هذا بسيط بالرجوع لشركة الكهرباء و سيكلفك حوالى 900 جنيه و السلوك الصاعدة للشقه تزيد سلك قطر 10 مم بحيث يكون عددهم 3 بدل 2.
- يتم زيادة عدد البرايز و مفاتيح الأناره و اماكن اباليك و مفاتيح التكييف و السخان ( اذا لم يستخدم الغاز ) و ذلك حسب الرغبه.
- يمكن شراء جميع المستلزمات من العتبه بعد تحديدها من قبل الكهربائى و يفضل اسلاك السويدى و مفاتيح بتشينو.
- مراحل العمل : الأولى عمل السابق و الأخيرة بعد الدهانات تركيب لقم المفاتيح و البرايز و اوجة المفاتيح.
- التكلفة الأجماليه تكون لشقه مساحة من 150 - 200 متر حوالى 3000 جنيه و يمكن ان تزيد حسب انواع المفاتيح التى ستختارها .
http://www.nilemotors.net/Nile/96550-a.html
شكرا يا باشا على الرد
بالنسبة لخراطيم علاء الدين اجيب الاصلى و لا التقليد بيبقى سماكتة تقريبا واحدة و بيبقى فى حدود 40 متر اقل 5 م من الاصلى بس بيبقى بنصف التمن
وفعلا فكرة الانارة و البرايز كل حاجة لوحدها ممتازة
و بالنسبة للطريقة التانية دى شبة الستار فى الشبكات بس دى هتاخد خراطيم اكتر بكتير --صح؟
امسك التقليد وقارنه بالاصلى وهل
1- التخانة متسوية على مستوى طول الخرطوم
2-جرب اعصره شوف هيرد تانى ولا هيتكسر
الطريقة التانية هتبقى عملة زى الستار لو هتمد كل خط بخرطوم لوحده لكن مثلا لو عندك اوضين جمب بعض وكل
اوضة مثلا ليها خط لوحديها هتمد الخطين فى خرطوم واحد ( طالما يشيل ) الى العلبة الاولى ( الاوضة الاولى ) و الخط
التانى هيعدى من جوه العلبة الاولى ويطلع بخرطوم جديد الى الاوضة التانية
والسلك نوعان سلك شعر ومصمت ( نادرا ما هتلاقيه ) , الشعر افضل علشان مش بيقطم بسرعة
والاضاء استخدم 3 مم والباور 4 مم
ومعضم الصنايعية ومكاتب التصميمات بتريح دماغها وتستخدم الاتنين 4 مم
وعندى جدول لتخانة الكابلات مع الامبير بتاعها لو حضرتك عاوزه ارفعهولك
وتحت امرك فى اى استفسار
شكرا يا باشا
هو الاصلى و التقليد شبة بعض الى حد كبير جدا جدا
و فعلا الطريقة التانية انظف و اامن
احسن مكان الواحد يشترى منين بالضبط
المفاتيح
ميرلن جرين
جيلا
I have the Merlin Green mafateeh and Jela is the sole dealer in Egypt
do not buy them from any other place.....
Watch out for fake Merlin Green products...here are some fake pictures of it....
http://www.made-in-china.com/image/2...DZ30-DZ60-.jpg
http://www.made-in-china.com/image/4...Gerin-C45N.jpg
http://www.made-in-china.com/image/2...-Advanced-.jpg
you are better off getting them from Jela to be on the safe side...
from Jela they are around 16 LE for the 40 amp one
many thanks
بص خليك تمشي مع الموضوع واحد بواحده
اولا وزع اللي انت عاوزه في الغرف
يعني تقول انا عاوز تكييف هنا وبرايز هنا ومفاتيح هنا وفيشه تلويفون هنا
وسخان هنا وميكروويف هنا ونجف هنا
بالنسبة للاماكن زى ما قال استاذ احمد سعد . ولو حضرتك ساكن قريب من ميدان الجيزة فيه محل ادوات كهربائية ممتاز بتعامل معه وبيبقى اغلى من جملة حاجة بسيطة
وبسمع ( بس مش متاكد ) ان فى شارع عماد الدين فى محلات بيع جملة
و بالنسبة للمفاتيح متخرجش بره الانواع دى ( سيمنس اتحاد اوربى ابو سن طويل - باتشينو - ميرلن جرين )
اما سيمنس الصينى فى فيه 2 اكدولى ان المضروب منه فى السوق اكتر من الاصلى
وبالنسبة لمفاتيح الانارة و البرايز والتكيفات البانشينو افضل نوع
وحضرتك حتجيب مفاتيح التكييف غاطسة ( داخل الحيطة ) و كذلك للسخان ولموتور المياه -ولو تحب للغسالة
ياريت حضرتك تجهز كل الاوضة بتكييفات حتى لو مش ناوى تركب على طول . لانها بتفرق مستقبلا
وانا تحت امرك فى اى استفسار
ولو افتكرت حاجة هزودها باذن الله