| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 28

الموضوع: المتحرش الدكر!

  1. #1

    الصورة الرمزية هيثم

    رقم العضوية : 39205

    تاريخ التسجيل : 30Apr2009

    المشاركات : 1,241

    النوع : ذكر

    الاقامة : SAN ANTONIO TX

    السيارة: نوبيرا 2005

    السيارة[2]: جولييت 2 1500 سى سى

    دراجة بخارية: bjkhkhg

    الحالة : هيثم غير متواجد حالياً

    افتراضي المتحرش الدكر! - Facebook Twitter whatsapp انشر الموضوع فى :

    hasad">

    أنا مقتنع تمامًا أنه كلما نقصت الرجولة وقل عدد الدُكرة (مشتقة من الدكر) زادت نسبة التحرش الجنسي بالمرأة، أول ما الرجالة في مصر شحوا والقوة الجنسية ضعفت وتآكلت بفعل فيروس «سي» والسكر والمخدرات والسرطان والتلوث في الجو لجأ الرجال إلي ادعاء قوة الذكورة التي تبحث عن فائض تنفيثي بالتحرش الجنسي بالمرأة في الشغل والشارع بل البيت كذلك، والجيل الجديد كمان ضارب البانجو وضارب بوزه وضارب بجذوره في البطالة والعطالة بيتحرش بعدوانية وفظاظة وفجاجة، وبينما تحتل مصر المركز الـ «134» اللي هوه - بالصلاة علي النبي - المركز الأخير في قائمة دول العالم من حيث كفاءة سوق العمل فإن مصر تحتل المركز الأول في التحرش الجنسي بالمرأة تليها للمفاجأة أفغانستان.
    وقد وصفت جريدة «واشنطن بوست» ذات مرة مصر بأنها واحدة من أسوأ دول العالم في نسبة التحرش بالنساء في الشوارع والأماكن العامة.
    وتخيلوا أن الولايات المتحدة وبريطانيا تصدر نشرات رسمية من وزارة الخارجية في عاصمتي البلدين تحذر النساء المسافرات إلي مصر من إمكانية تعرضهن لتحرشات جنسية ونظرات غير مرغوب فيها. حيث إن 83.% من السائحات يتعرضن للتحرش الجنسي، يعني لا كرم ضيافة ولا أصول سياحة ولا أخلاق فرسان ويتعامل الدكر المصري مع السائحات علي طريقة «Im Egyptian».
    وممكن طبعًا تقول إن المصري اللي يفضل مصري النيل رواه والخير جواه بيتحرش بالسائحات انتقامًا من الاحتلال الإنجليزي والعدوان الثلاثي ولأن البعض في مصر يفضلونها شقراوات وباعتبار الخواجات سبايا وجواري!! فماذا تقول في المفاجأة أن المحجبات يمثلن 72% من المتعرضات للتحرش حسب الدراسة التي أعدها المركز المصري لحقوق المرأة، (في تقدير دراسات إن 70% من المصريات محجبات،!) وكشفت الدراسة عن أن 64.1% من المصريات، يتعرضن للتحرش بصفة يومية، في حين أشارت 33.9% إلي أنهن تعرضن للتحرش أكثر من مرة وليس بصفة دائمة، بينما أكدت 10.9% أنهن يتعرضن للتحرش بصفة أسبوعية، وفي المقابل تتعرض 3.9% للتحرش بصفة شهرية.
    وفي دراسة مهمة عن التحرش الجنسي في مصر للباحثة هبة عبدالعزيز، جاءت النتائج صادمة إلي حد كبير، حيث اتضح أن نسبة من يتعرضن لأشكال التحرش بلغت 89% في أوساط المرأة العاملة، بينما تنخفض النسبة إلي 72% لدي طالبات الجامعة والمرحلة الثانوية، وأوضحت الدراسة أن هناك اتفاقاً بين عينات الدراسة (نساء مصريات وأجنبيات وذكور) علي سبعة أشكال من التحرش والتي تتمثل في عدة أشكال منها:
    أولاً: لمس جسد الأنثي، (لم إيدك جاك قطع إيدك).
    ثانيًا: التصفير (فاكر نفسك عمرو دياب يا خفيف).
    ثالثًا: النظرة الفاحصة لجسد المرأة، (عينك يندب فيها رصاصة من الرصاص الحارق الممنوع استخدامه دوليًا).
    رابعًا: التلفظ بألفاظ ذات معني جنسي، (الحدق يفهم، لكن الحدق حمار).
    خامسًا: الملاحقة والتتبع، (قربنا علي الحارة يا ندل وديني لتندم).
    سادسًا: المعاكسات التليفونية (اقفل يا كلب عمي بيشتغل في مباحث التليفونات وحنقبض عليك).
    سابعًا: المعاكسات الكلامية، (يا سم).
    الغريب أن التحرش الجنسي ينتشر في الأيام المفترجة بالذات ونحن خارجون من شهر رمضان علي عيد الفطر، وفي عيد الأضحي طبعًا، يعني رغم حالة التدين ومظاهرها المنتشرة تلاقي انحرافات جنسية متسعة والمصيبة أن منتخب مصر حين يفوز بكأس الأمم الأفريقية فإن العيال تخرج تتحرش بالبنات في الشوارع، هذا ليس تصرفًا يدل علي إحباط بل العيال ساعة ما بتفرح تتحرش، ساعة ما تحتفل بالعيد تتحرش وكأن التحرش جائزة ومكافأة واحتفال، ثم التحرش أيضًا جماعي وعلني، مائة شاب يجرون خلف بنتين، وكأنه تعاون وتكاتف بين عشرات ومئات علي ارتكاب خطأ بلا ندم ولا تردد، ثم التحرش يتم بعنف وليس معاكسة وغزلاً زي زمان، ولا تقول لي بقي الكلام الحمضان بتاع الشهامة والجدعنة.
    أول حاجة يستغفل بها المصريون أنفسهم ويضحكون علي ضمائرهم عندما يرون أو يسمعون عن جرائم التحرش إن البنت أو البنات يستاهلوا عشان لبسهم خليع أو عريانة أو إيه اللي خلاها تمشي مع خطيبها، الحل العبقري في اللامبالاة وشراء الدماغ وقلة الأصل أن نلوم الضحية ونقول إنها تستاهل، أصل طريقة لبسها.. أصل طريقة كلامها، وكل هذه مبررات بغيضة للتحرش، بينما لا يوجد أي مبرر للتحرش ولا ذنب يقع علي المتعرضات للتحرش، فالتحرش قد يطول الناس في بيت واحد، وقد يطول المحجبة والمحتشمة كما يطول غير المحجبة، الصغيرة مثل الكبيرة، بل هناك نسبة من المنقبات يتعرضن للتحرش كذلك، لكن مجتمعنا يحاول تبرئة الدكر بينما يلقي كل اتهاماته علي البنات وهو انحياز آخر يؤكد أن بيننا وبين التفكير العاقل مسافة طويلة قد لا نستطيع أن نقطعها بسرعة!


    لابراهيم عيسى نقلا عن الدستور

    سبحانك اللهم و بحمدك استغفرك و اتوب اليك


  2. #2

    الصورة الرمزية Hany.ElBaathy

    رقم العضوية : 19790

    تاريخ التسجيل : 22Sep2008

    المشاركات : 410

    النوع : ذكر

    الاقامة : Tagamo3 Khames

    السيارة: non

    السيارة[2]: BMW 320I 2009

    الحالة : Hany.ElBaathy غير متواجد حالياً

    افتراضي -

    اقتباس المشاركة الأصلية كتبت بواسطة freeefair مشاهدة المشاركة
    أنا مقتنع تمامًا أنه كلما نقصت الرجولة وقل عدد الدُكرة (مشتقة من الدكر) زادت نسبة التحرش الجنسي بالمرأة، أول ما الرجالة في مصر شحوا والقوة الجنسية ضعفت وتآكلت بفعل فيروس «سي» والسكر والمخدرات والسرطان والتلوث في الجو لجأ الرجال إلي ادعاء قوة الذكورة التي تبحث عن فائض تنفيثي بالتحرش الجنسي بالمرأة في الشغل والشارع بل البيت كذلك، والجيل الجديد كمان ضارب البانجو وضارب بوزه وضارب بجذوره في البطالة والعطالة بيتحرش بعدوانية وفظاظة وفجاجة، وبينما تحتل مصر المركز الـ «134» اللي هوه - بالصلاة علي النبي - المركز الأخير في قائمة دول العالم من حيث كفاءة سوق العمل فإن مصر تحتل المركز الأول في التحرش الجنسي بالمرأة تليها للمفاجأة أفغانستان.
    وقد وصفت جريدة «واشنطن بوست» ذات مرة مصر بأنها واحدة من أسوأ دول العالم في نسبة التحرش بالنساء في الشوارع والأماكن العامة.
    وتخيلوا أن الولايات المتحدة وبريطانيا تصدر نشرات رسمية من وزارة الخارجية في عاصمتي البلدين تحذر النساء المسافرات إلي مصر من إمكانية تعرضهن لتحرشات جنسية ونظرات غير مرغوب فيها. حيث إن 83.% من السائحات يتعرضن للتحرش الجنسي، يعني لا كرم ضيافة ولا أصول سياحة ولا أخلاق فرسان ويتعامل الدكر المصري مع السائحات علي طريقة «im egyptian».
    وممكن طبعًا تقول إن المصري اللي يفضل مصري النيل رواه والخير جواه بيتحرش بالسائحات انتقامًا من الاحتلال الإنجليزي والعدوان الثلاثي ولأن البعض في مصر يفضلونها شقراوات وباعتبار الخواجات سبايا وجواري!! فماذا تقول في المفاجأة أن المحجبات يمثلن 72% من المتعرضات للتحرش حسب الدراسة التي أعدها المركز المصري لحقوق المرأة، (في تقدير دراسات إن 70% من المصريات محجبات،!) وكشفت الدراسة عن أن 64.1% من المصريات، يتعرضن للتحرش بصفة يومية، في حين أشارت 33.9% إلي أنهن تعرضن للتحرش أكثر من مرة وليس بصفة دائمة، بينما أكدت 10.9% أنهن يتعرضن للتحرش بصفة أسبوعية، وفي المقابل تتعرض 3.9% للتحرش بصفة شهرية.
    وفي دراسة مهمة عن التحرش الجنسي في مصر للباحثة هبة عبدالعزيز، جاءت النتائج صادمة إلي حد كبير، حيث اتضح أن نسبة من يتعرضن لأشكال التحرش بلغت 89% في أوساط المرأة العاملة، بينما تنخفض النسبة إلي 72% لدي طالبات الجامعة والمرحلة الثانوية، وأوضحت الدراسة أن هناك اتفاقاً بين عينات الدراسة (نساء مصريات وأجنبيات وذكور) علي سبعة أشكال من التحرش والتي تتمثل في عدة أشكال منها:
    أولاً: لمس جسد الأنثي، (لم إيدك جاك قطع إيدك).
    ثانيًا: التصفير (فاكر نفسك عمرو دياب يا خفيف).
    ثالثًا: النظرة الفاحصة لجسد المرأة، (عينك يندب فيها رصاصة من الرصاص الحارق الممنوع استخدامه دوليًا).
    رابعًا: التلفظ بألفاظ ذات معني جنسي، (الحدق يفهم، لكن الحدق حمار).
    خامسًا: الملاحقة والتتبع، (قربنا علي الحارة يا ندل وديني لتندم).
    سادسًا: المعاكسات التليفونية (اقفل يا كلب عمي بيشتغل في مباحث التليفونات وحنقبض عليك).
    سابعًا: المعاكسات الكلامية، (يا سم).
    الغريب أن التحرش الجنسي ينتشر في الأيام المفترجة بالذات ونحن خارجون من شهر رمضان علي عيد الفطر، وفي عيد الأضحي طبعًا، يعني رغم حالة التدين ومظاهرها المنتشرة تلاقي انحرافات جنسية متسعة والمصيبة أن منتخب مصر حين يفوز بكأس الأمم الأفريقية فإن العيال تخرج تتحرش بالبنات في الشوارع، هذا ليس تصرفًا يدل علي إحباط بل العيال ساعة ما بتفرح تتحرش، ساعة ما تحتفل بالعيد تتحرش وكأن التحرش جائزة ومكافأة واحتفال، ثم التحرش أيضًا جماعي وعلني، مائة شاب يجرون خلف بنتين، وكأنه تعاون وتكاتف بين عشرات ومئات علي ارتكاب خطأ بلا ندم ولا تردد، ثم التحرش يتم بعنف وليس معاكسة وغزلاً زي زمان، ولا تقول لي بقي الكلام الحمضان بتاع الشهامة والجدعنة.
    أول حاجة يستغفل بها المصريون أنفسهم ويضحكون علي ضمائرهم عندما يرون أو يسمعون عن جرائم التحرش إن البنت أو البنات يستاهلوا عشان لبسهم خليع أو عريانة أو إيه اللي خلاها تمشي مع خطيبها، الحل العبقري في اللامبالاة وشراء الدماغ وقلة الأصل أن نلوم الضحية ونقول إنها تستاهل، أصل طريقة لبسها.. أصل طريقة كلامها، وكل هذه مبررات بغيضة للتحرش، بينما لا يوجد أي مبرر للتحرش ولا ذنب يقع علي المتعرضات للتحرش، فالتحرش قد يطول الناس في بيت واحد، وقد يطول المحجبة والمحتشمة كما يطول غير المحجبة، الصغيرة مثل الكبيرة، بل هناك نسبة من المنقبات يتعرضن للتحرش كذلك، لكن مجتمعنا يحاول تبرئة الدكر بينما يلقي كل اتهاماته علي البنات وهو انحياز آخر يؤكد أن بيننا وبين التفكير العاقل مسافة طويلة قد لا نستطيع أن نقطعها بسرعة!


    لابراهيم عيسى نقلا عن الدستور
    يا عم احنا شعب عندنا شيزوفرينيا شعب مريض نفسي كل اللى بيتقال ان البنات السبب يشوف على يو تيوب التحرش بالمحجبات فى قاعة المحاضرات فى جامعة القاهرة و سلملى على التدين و المظاهر الكدابة


  3. #3

    الصورة الرمزية samirayad

    رقم العضوية : 19543

    تاريخ التسجيل : 19Sep2008

    المشاركات : 18,152

    النوع : ذكر

    الاقامة : ismailia/Egypt

    السيارة: لايوجد حاليا

    السيارة[2]: نوبيرا 2007

    الحالة : samirayad غير متواجد حالياً

    افتراضي -

    وبينما تحتل مصر المركز الـ «134» اللي هوه - بالصلاة علي النبي - المركز الأخير في قائمة دول العالم من حيث كفاءة سوق العمل
    ماهو (بالصلاة على النبى )
    أذا عرف السبب بطل العجب




    أنما الأمم الأخلاق ما بقيت
    ................. فان هم ذهبت أخلاقهم ذهبوا

    وسلملى على الترماى !!!!!!!!!!!!


  4. #4

    الصورة الرمزية elwad_crazy

    رقم العضوية : 31624

    تاريخ التسجيل : 31Jan2009

    المشاركات : 520

    النوع : ذكر

    الاقامة : S U E Z

    السيارة: L a N o S 1

    السيارة[2]: L a N O S 2

    الحالة : elwad_crazy غير متواجد حالياً

    افتراضي -

    بلد ماشيه لورا مفيش حاجه صح ابدا

    امبارح كنت رايح فرح وااحد معرفه

    االمهم قعدت لقيت الشباب شغاله تشرب فى مخدرات وكله تمام
    المهم ببص بالصدفه على مبنى كان قصادى
    لقيت مكتوب عليه الاداره العامه لمكافحه المخدرات

    نا بقيت ابص للكلام وابص للناس
    رحت قوم ومشيت قولت بلد تنرفز وتحرق الدم


    [sor2]http://www.nilemotors.net/Nile/signaturepics/sigpic31624_3.gif[/sor2]


  5. #5

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي -

    يمكن من أكثر اشكال التحرش النقطه دي

    ثالثًا: النظرة الفاحصة لجسد المرأة، (عينك يندب فيها رصاصة من الرصاص الحارق الممنوع استخدامه دوليًا).

    منتشره انتشار رهيب في شوارعنا وأي (دكر ) الا من هداه ربي
    دايما تلاقيه كل واحده تعدي يمين شمال فوق تحت يبص عليها

    ايه السبب ؟!!!
    في أسباب كتير
    بس السبب الرئيسي عاده سيئه توارثها العديد من الاجيال
    وبيتعلموها من بعض
    حتى تلاقي الاطفال (اللي مبقوش أطفال ) بردو بيبصو على الجنس الاخر
    مع انهم مبيبقوش عارفين بيبصو على ايه (مش كلهم طبعا )
    عاااااااااااااااااااااااا ده بذيئه

    شكرا على نقلك للموضوع قبل اي كلام
    تحياتي

    إلى القمه

    musiccairo سابقا


  6. #6

    الصورة الرمزية MoMohsen

    رقم العضوية : 2440

    تاريخ التسجيل : 03Oct2007

    المشاركات : 1,373

    النوع : ذكر

    الاقامة : Nasr City

    السيارة: Lancer 2001

    السيارة[2]: Daewoo Nubira AT

    دراجة بخارية: no

    الحالة : MoMohsen غير متواجد حالياً

    افتراضي -

    التحرش بقى ظاهرة عامة فى مصر و مرتبطه بالاعياد و المناسبات و الغريب ان اللى المفروض يوقف الناس دول عند حدهم (شرطة مصر الحبيبه) هما اول ناس بيتحرشوا و ابسط دليل على كدة شوف حرس الجامعه فى اى كليه او حتى حراسات الفنادق تلاقيه مش راحم اللى داخله و اللى خارجه.
    و الكوميدى ان لو اتعمل نكته زى بتاعت برنامج اشتغالات لما سألو الناس تعرف القريه الذكيه و كانت النتيجة مبهرة اللى يقول دية قريه سياحيه فى شرم الشيخ و اللى يقول دية مكان كل حاجة فيه شغاله بالكامبيوتر ...اسأل اى واحد فى الشارع يعنى ايه تحرش جنسى هيقولك هى حاجه عيب بس ميعرفش هى ايه و اللى يقولك انك تعاكس واحدة و تمد ايديك على رأى ابراهيم عيسى
    (لم إيدك جاك قطع إيدك) مع ان الشعب المصرى طول عمرة مبتكر و بيخترع انواع جديدة من التحرش. اللى بيستخدم الكلاكس و التانى اللى شايف نفسه شوماخر و يكسر على اللى سايقه و التالت اللى مقضيها على الفيس توك و حاطط صورة اكنه جون ترفولتا وعلى فكرة ملهاش علاقه بالمستوى الاجتماعى زى ما معظم الناس فاكرة و الدليل روح اى نادى محترم اللى المفروض يكون اللى مشتركين فيه ولاد ناس زى ما بنقول تلاقى ان ولاد الناس هما اكتر ناس متحرشين و طبعا كل الكلام دة مش تعميم لان المحترم مش مستنى حد يقوله انت محترم و تصرفاته هى اول دليل.

    محمد محسن
    [sor2]http://www.nilemotors.net/Nile/members/2440-albums376-picture1702.jpg[/sor2]


  7. #7

    الصورة الرمزية Abo_Lina

    رقم العضوية : 624

    تاريخ التسجيل : 12May2007

    المشاركات : 2,860

    النوع : ذكر

    الاقامة : cairo

    السيارة: corolla 07 - wife's

    السيارة[2]: megane 05

    دراجة بخارية: none

    الحالة : Abo_Lina غير متواجد حالياً

    افتراضي -

    غريب فعلا إن التحرش دايما موجود في المجتمعات التي تدعي التدين أو المجتمعات المنغلقة ..

    السعودية مثلا تجد المطوعين (لقب يطلق على الشيوخ) منتشرون في الاسواق و لولاهم كانت بقت أسواق السعودية سداح مداح ..

    مصر الموضوع فيها مستشري لأن مافيش حد بيقول لأ ..و منظمات حقوق المرأة في سكة تانية و هيا نصرة المتزوجات على أزواجهم ..

    أفغانستان بقى دي جديدة ..بس يمكن وجهة نظرهم إنهم قاتلوا كتير و ضيعوا حياتهم في مقاومة الروس و بعدهم الامريكان و آن لهم أن يستريحوا و يتحرشوا و يستمتعوا بحياتهم بقى ..ساعة لربك و ساعة لقلبك زي ما بيقولوا ..

    ربنا يهديهم
    أو ربنا ياخدهم

    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب


  8. #8

    الصورة الرمزية Abo_Lina

    رقم العضوية : 624

    تاريخ التسجيل : 12May2007

    المشاركات : 2,860

    النوع : ذكر

    الاقامة : cairo

    السيارة: corolla 07 - wife's

    السيارة[2]: megane 05

    دراجة بخارية: none

    الحالة : Abo_Lina غير متواجد حالياً

    افتراضي -

    على فكرة فيلم أحمد حلمي القادم إسمه المتحرشون

    Tyler_durden سابقا
    المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب


  9. #9

    الصورة الرمزية هيثم

    رقم العضوية : 39205

    تاريخ التسجيل : 30Apr2009

    المشاركات : 1,241

    النوع : ذكر

    الاقامة : SAN ANTONIO TX

    السيارة: نوبيرا 2005

    السيارة[2]: جولييت 2 1500 سى سى

    دراجة بخارية: bjkhkhg

    الحالة : هيثم غير متواجد حالياً

    افتراضي -

    اقتباس المشاركة الأصلية كتبت بواسطة samirayad مشاهدة المشاركة
    ماهو (بالصلاة على النبى )
    أذا عرف السبب بطل العجب

    :i_angr1[1]:


    أنما الأمم الأخلاق ما بقيت
    ................. فان هم ذهبت أخلاقهم ذهبوا

    وسلملى على الترماى !!!!!!!!!!!! :b4_556:
    منور الاجتماعى يا باشمهندس سمير

    سبحانك اللهم و بحمدك استغفرك و اتوب اليك


  10. #10

    الصورة الرمزية هيثم

    رقم العضوية : 39205

    تاريخ التسجيل : 30Apr2009

    المشاركات : 1,241

    النوع : ذكر

    الاقامة : SAN ANTONIO TX

    السيارة: نوبيرا 2005

    السيارة[2]: جولييت 2 1500 سى سى

    دراجة بخارية: bjkhkhg

    الحالة : هيثم غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Tyler_Durden مشاهدة المشاركة

    و آن لهم أن يستريحوا و يتحرشوا و يستمتعوا بحياتهم بقى ..ساعة لربك و ساعة لقلبك زي ما بيقولوا ..

    ربنا يهديهم
    أو ربنا ياخدهم

    جامده جدا

    سبحانك اللهم و بحمدك استغفرك و اتوب اليك



 
صفحة 1 من 3 1 2 3 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2