ايهما فضل فيكترا موديل1997 1600 مانيوال ولا دايو نوبيرا موديل 2001 مانيوال بردة ايهما افضل من حيث الثبات والمتنة والسحب وقطع الغيار وايهما اقوى ارجو سرعة الرد:ask:
عرض للطباعة
ايهما فضل فيكترا موديل1997 1600 مانيوال ولا دايو نوبيرا موديل 2001 مانيوال بردة ايهما افضل من حيث الثبات والمتنة والسحب وقطع الغيار وايهما اقوى ارجو سرعة الرد:ask:
الاوبل احسن في كل حاجة ما عدا قطع الغيار و الصيانة بس لو عندك استعداد تتابع في التوكيل يبقى مفيش مشكلة
من حيث الثبات والمتنة والسحب : اوبل فيكترا 97 تتفوق على نوبيرا بمراحل
قطع الغيار : اوبل اغلى عشان انظف .. نوبيرا ارخص بس اقل جوده
وايهما اقوى: اوبل
متشكر على اهتمامكم وسرعة الرد
اية يا جماعة 40 مشاهدة وردين بس السؤال مش صعب
مميزات الأوبل:
1- ألمانى
2- صاج جامد بكتير عن النوبيرا
2- عفشة جامدة
3- موتور ألمانى اللى دايو واخده منه فى الانوس والنوبيرا أصلا
4- عربية معمرة من أوائل التسعينات على حد علمى
مميزات النوبيرا:
1- اعادة البيع اسهل من الأوبل
2- قطع الغيار أرخص نسبيا من الأوبل
عيوب الأوبل:
1- العيب العملى الوحيد اللى انا شايفه فيها هو ان سوقها فى البيع تقيل شويه
عيوب النوبيرا:
1- صاج ضعيف جدا
2- ناس اشتكت من عفشتها وانها عاوزه صيانه مستمره
والله أعلم
يا جماعة انتو فين انا محتاج رايكو بسرعة
هات الاوبل لانها افضل ولكن بشرط...تكشف عليها فى التوكيل فقط ومش عند ميكانيكى ولا حد بره
التوكيل لانها لو فيها حاجه يبقى احسنلك ال 128
يا جماعة 87 مشاهدة و7 ردود بس هو الموضوع صعب اووى كدة
الاوبل طبعاااااااااااااااااااااا ااااااااااااا
انتو فين يا جماعة انا محتاج رايكو بجد بسرعة ومتشكر لكل واحد قال راية
هو حضرتك عايز تسمع ايه....
الردود واضحه وصريحه...اتكل على الله فى الاوبل بس اكشف فى التوكيل لانه بينفض العربيه كلها
متشكر يا احمد بس فية حاجة غريبة ان كل واحد معاة نوبيرا يقولى هات فيكترا والى معاة فيكترا يقولى هات نوبيرا وانا مش عارف اعمل اية
مهو دة بيتوقف على حسب قدرتك على صيانة السياره....لوقادر على الاوبل توكل على الله.....
النوبيرا عربيه كويسه وكبيره وثابته وقطع غيارها رخيصه وعربيه وكله تمام
الفكترا حلوة جدا وفخامه بس بكرر كلامى...العربيه دى عايزه مصاريف
الامر فى النهايه بيرجع ليك...استخير ربنا وتوكل على الله...
ولو انى برجحلك انك تحط اللى معاك مقدم فى حاجه كويسه
بص ياباشا انا من ملاك النوبيرا ..النوبيرا من فئه ..والفيكترا فئه تانيه (فئة الليجانزا )
علشان كده المقارنه بينهم تظلم النوبيرا
النوبيرا بعتبرها صفقه رابحه عربيه اعتماديه..ماتور شديد وعفي -ثبات هايل جدا -تكييف قوي .مع باقي الكماليات المعروفه ..كل ده مع ارخص قطع غيار عربيات في مصر وصيانه سهله
الاوبل ..عربيه الماني مفهاش كلام طبعا ..بس قديمه نسبيا ..قطع غيار اغلى من النوبيرا .صيانه اصعب منها ..تكييف اضعف منها ..بس طبعا كعربيه احسن من النوبيرا
يبقى قدامك خيارين ..عايز عربيه اعتماديه بها جميع الكماليات وسهله في البيع والصيانه وقطع الغيار ..هات النوبيرا
عايز عربيه الماني وركوبه ورفاهيه ..هات الاوبل
وعايز اقولك اني كنت في نفس موقفك ده من سنه بالضبط واخترت النوبيرا بتاعتي (2003 ) عن فيكترا 98 .. وده كان وجهة نظري الشخصيه
واوصيك بالاستخاره وبالتوفيق
ana m3aya vectra 97 special order w besara7a masha2 allah fe far2 shase3 benha w ben el nubira w belzat felsafar hat7es belfar2 w belnesba leketa3 el5eyar hia 5alia fe 7agat mo3yna zy el sensors laken ba2et el 7agat fa ana shayef enha mesh 5alia 5ales bel3aks de almany w fe nafs elrange w hat3eesh akter aked men elkory la2enak bet5yrha mara wa7da w mesh hatet5yr tany
متشكر اوى على الاجابات الحلوة دى والاهتمام
ابقي طمنا علي قرارك ويستحسن لو تركب دي وتركب دي وتشوف اللي هترتاحلها فيهم اكتر
متشكر اوى على اهتمامكم
انتو فين يا شباب
لما تقارن يبقى تقارن ألمانى بألمانى لانى اعتقد ان مفيش وجه مقارنه نهائى بين دايو و اوبل .. بس للاسف فى مصر مقارنه لان الدايو ماشيه عن الاوبل فى الاوساط المتوسطه و الشعبيه المريشه حبتين
أما انك تقارن فى الاداء او الثبات او العفشه او القوه او البدن او الصاج فلا يوجد اى مقارنه .. اما الصيانه فهى الاوبل 97 و لها الميكانيكى بتاعها و النوبيرا 2001 برضه عربيه محتاجه توكيل او ميكانيكى بيفهم يبقى الصيانه واحد فى الاتنين وتبقى حالة العربيه هى الفيصل الوحيد (يعنى ممكن تجيب اوبل صاحبها اخد خيرها و رماها تطلع عينيك و تلاقى نوبيرا صاحبها صاينها تكون احسن .
بص يا برنس انت لو مش فارقة معاك الفلوس يبقى هات اوبل بس خلى بالك الاوبل السليم عشان الاوبل لو فتحت معاك هتكرها وهتكرهك فى كلة واهم حاجة فى الاوبل التكيف لانة بيبوظ بسرعة وكمان المتور يكون رايق عشان تتمتع بيها هيا عربية 10 %10 وتجيبلها قطع الغيار الاصلية اما لو هتفرق معاك قطع الغيار وهتجيب حاجة اهو السلام يعنى راكب زى الناس عربية وشغالة يبقى النوبيرا ومبروك مقدم وربنا يكفيك شرها
العربية حاله انا هاختار الحالة
متشكر اوى على اهتمامكم