كان فيه موضوع قريب حد كان بيسأل عن مكان كويس يقضي فيه وقت شاعري مع زوجته ،، وكان فيه اقتراحات جميله بس مش لاقيه
يا ريت لو ممكن مساعدة بلينك الموضوع
سؤال تاني هو ليه البحث بأي كلمة عربي مش بيطلع output مظبوط؟؟
عرض للطباعة
كان فيه موضوع قريب حد كان بيسأل عن مكان كويس يقضي فيه وقت شاعري مع زوجته ،، وكان فيه اقتراحات جميله بس مش لاقيه
يا ريت لو ممكن مساعدة بلينك الموضوع
سؤال تاني هو ليه البحث بأي كلمة عربي مش بيطلع output مظبوط؟؟
مش فاهم ازاى شاعرى و مع زوجته!!!
الاتنين مايجوش مع بعض
انت لسه متجوز جديد ولا ايه
أظن أن هو الراجل كان طالب كده في الموضوع :11:
لكن أنا لسه في مرحلة ما قبل الزواج فاعذروني :F_eyeb1[1]:
ياااااااااه .. هو لسه فى حد بيسأل عن مكان شاعرى يقضى فيه وقت لطيف مع زوجته؟؟؟؟؟
ده أنت قديم أوووووووى
ههههههههههههههه
لأ .. بجد والله .. أول ما تتجوز .. الحق عيش أيامك .. وأعمل كل اللى انت عايزه
علشان أول ما تجيب عيال .. زى حلاتى كده
هتبدأ تسأل .. حد يعرف فين بيتباع بامبرز بسعر رخيص ؟
تحياتى لحضرتك و كل عام وأنت بخير
ونعمه الاحباط اللى خلتونى انا كبنت لسه مفكرتش فى الموضوع ده ابقى محبطة مبالك الراجل بقى الله يسامحكم :D
فى كذا مكان على فكرة:
بلو نايل على النيل وجامد وشيك جدا
نيل مكسيم لمدة ساعتين بس ده فى دى جى وكده
برج القاهرة بعد متخصخص وغلو تذكرة الدخول بقى فى مطاعم نضيفه جدااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ا وناس انضف ابسطها مطعم Revolving Restaurant المطعم الدوار والله جامد
واخيرا فى مدينة الرحاب فى مطعم تابع لجراند كافيه بس للاسف اسمه طاير من دماغى حلو اوووووى وبرده
ولو حابب اى استفسار عن اسعار انا فى الخدمه بحكم شغلى يافندم فى مجال السياحة ومستعده احجزلك كمان واقلك الاسعار
والله العظيم انتم ناس عثل عثل عثل
ايه خفة الدم دي
خضيتوا الراجل
بس بصراحة هو السبب كان لازم يوضح من الاول انه لسة مدخلش متجوزش يعني علشان الناس تقدر مشاعره
بص انت دلوقتي في مرحلة مكان هادي ومفيهوش حد والتسبيل
بعد الجواز على طول في مرحلة مكان ظريف ومحترم نسهر فيه بس يكون فيه ناس
بعد سنتين من الجواز هتدخل على المواضيع بتاعة البامبرز واحسن دكاترة الاطفال واحسن المدارس
يعني من الاخر الحق افرح بنفسك ومتديش ودنك للناس الحقودين المتجوزين وعندهم 3عيال زي حالاتى
الحمد لله رب العالمين كده ايقنت بالعشرة انى افضل مضربه عن الجواز والله بيت اهلى اولى بيا
ياجماعه والله مش كل الناس زى بعضها ايه رايكم انا معقدة خلااااااااااااااااااااااا ااااااااااااااص
دنا هموووووووووووووووت واخطب
على فكرة الادارة لازم تربط بين الموضوع ده وموضوع الاخ اللى بيسال على ارتفاع المهور فى توبك تانى ههههههه لو الردود دى بجد كل ردود المتجوزين فى مصر مين الهبلة دى اللى تتجوز وتنزل فى المهر ليه ما النتيجة ؟؟؟؟؟؟؟؟؟؟؟؟؟؟؟؟ واضحة اكرملها بيت ابوها ههههههههههههههههههههه
بس بجد بجد يا جماعة انتو شايفين الجواز زفت كده ؟ طيب عايزين تتجوزوا ليه ومتضايقين ان المهور غالية والطلبات كتير ما تسيبو البنات تولع طالما العزوبية احسن
ده سؤال بجد يا ريت حد يجاوبنى بصراحة موش ردود شر لا بد منه والكلام ده الفاضى ده هههههههه رد شجاع يعنى
ده مجرد كلام الناس اتعودت تردده بدون وعى
عن نفسى اتجوزت وانا عندى 29 سنه.
الفتره اللى سبقت الارتباط كانت فتره دمها تقيل جدا
لان الواحد بيوصل لمرحله لازم يستقل ويكون له بيته وحياته
وطبعا فى حاجات جميله زى الاولاد والحب اللى ربنا بيخلقه
فى قلوبنا ناحيتهم بدون مقدمات
و لحظات السعاده لما تحققى
حاجه هما بيحبوها
او نفسهم فيها
ما تخافوش من الجواز ياجماعه ....مش ضلمه قوي المهم تختارو الوقت المناسب اللي تسالو فيه المتجوزين ايه رايكم
ماتجوش تسالوهم لا علي العيد ولا دخول المدارس ولا تغيير الفصول ( موسم العيا عند كل العيال ....والاسهال عند الصغيرين )
( مش عارفه ليه البامبرز عامل ازمه عند كل الرجاله)
اسالوهم يوم 10 في الشهر يكون قبض وسدد ديونه وخلص المرتب وهو ومراته يتكلمو بقه في اي حاجه مفيهاش سيره الفلوس( ماهي مش موجوده اصلا).....هو ده الوقت الرومانسي الوحيد بين الزوجين وممكن يحوشو حاجه يعملو بيها خروجه حلوه ...غالبا بيكون مكان ينفع يروحو بيه بالعيال وغالبا العيال اللي بتحدده يعني مش رومانسي( الا لو عندك حد ممكن تزحلق عنده العيال ساعتين وتخرج ساعتها ممكن يبقي رومانسي).....بعد 20 في الشهر ابعد عنهم تاني المصاريف حتبتدي تخنق الي ميعاد القبض التاني
والي اللي عوازين يتجوزو ....ما تخافوش احنا بنهزر معاكم الجواز حلو
والي كل المتجوزين اسكتو شويه الحفره لسه واسعه وفيها اماكن لناس تانيه ...انتم عايزن تتزقو لوحدكم ولا ايه
ولا يفرق تسأل اى متجوز عن الجواز فى وقت فى السنه ولا اول شهر ولا نص شهر ولما يكون معاه مرتب ولا معاهوش الجواز هو الجواز فى وقت وفى اى زمان شر لا بد منه ممكن تقدر تاجله الى اكتر وقت ممكن حسب الامكانيات الماديه بس لازم فى الاخر تتجوز فنصيحه لو عندك مقدره ماليه وتقدر تتجوز ماتتجوزش بدرى اوى علشان هتجيلك امراض الدنيا والاخره وممكن تتشل وانت عندك 35 انا شايف ان انسب وقت للزواج لو فى مقدره ماليه للرجاله هو 30 سنه تكون عشت حياتك شويه وكمان تكون لسه بصحتك علشان تستحمل الهبل بتاع الجواز وتقدر تقاوم بتاع 4 او 5 سنين لغايه لما تنهار المهم هتكون جبتلك قردين ولا تلاته يقرفوك فى عيشتك بالاضافه للمدام او حظك السيء قادك نظرا للظروف الماديه الصعبه انك تتجوز بعد 35 سنه يبقى لازم تتحلى باهم حاجه علشان تقدر تصمد اكبر فتره ممكن الا وهو البرود لازم تكون بارد لاقصى درجه وماتستفزش بسهوله انت خلاص سنك مايسمحش بكده لو مسيطرتش على اعصابك كويس هتتنقط ويحصلك حاجه بعد فتره قريبه من الجواز لكن لو استخدمت اسلوب البرود ممكن تستحملك سنتين تلاته من غير ماتتشل ولا يجيلك سكر وضغط وكام ذبحه وفى الاخر يجيلك جلطه وتموووووووووووووت :stink[1]: والله كنت راجل كويييييييس , واخيرا نصيحه لكل اللى مش متجوزين وعاوزبن تتجوزوا اتجوزو ماتخافوش يعنى احنا هنفضل متعذبين لوحدنا لازم تعانو زينا بدل ما ننق عليكو برده ( يعنى فى الحالتين خسرانين a loose loose situation ) حاجه كده زى موقف مصر فى تصفيات كاس العام وكل سنه وانتو طيبين
بجد بقة وبدون تهريج
طالما فيه قناعة وفيه رضا وفيه اقتناع بالطرف الاخر يبقي كل حاجة بتهون
يعني لو واحدة بنت حلال وتمشي بيتها على اد ظروف جوزها وتحبه وتخاف عليه يبقي الراجل عايز اكتر من كدة ايه ؟؟؟؟؟؟
انا عن نفسي بموت في مراتي وولادي وحياة بعد الجواز احلى مليون مرة من قبل الجواز
ربنا يوفق الجميع
ايه يا جماعة انتو قلبنها ضلمة لية ياعم في اماكن كتير جميلة زي الرحاب مثلا وعيش ايامك علي فكرة انا احسن ايام حياتي بعد الجواز بصراحة انا مقدرش اقول غير كده لان مراتي بتدخل المنتدي وتشوف انا بكتب ايه
ايه يا جماعة ده تقريبا 90 % من المتجوزين مش مبسوطين
على كده الواحد يعيش حياته لجد 37-40 سنة وبعد كده هيحلها الف حلال
يمكن لسن 50كمان هههههههههههههههههه
ياجماعه فى مكان جامد اكتشفته النهاردة نادى جزيرة المعادى قصاد مستشفى المعادى العسكرى حاجه كده فى وسط النيل
بس واااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااو
يا جماعة اللي حصل ده خروج عن اصل الموضوع
هاي جاكنج
رجاء من المشرف تقسيم الموضوع
الراجل بيسال عن موضوع معين مكان شاعري وانتم حولتوة لجواز وعيال وبامبرز
يمكن هو لسه مبسوط سيبوة في حالة
وبكرة يعرف لوحدة
انا بهزر بس بجد بوظتو الموضوع
نفسي اعرف ليه كل واحد متجوز حتي لو بقاله شهر بس يقوووووول يااااااااااه دنتم في نعمه بالعزوبيه مش عارف ليه بحس ان الناس دي حافظين مش فاهمين يعني ده بقه عرف انك اتجوزت يبي كل حاجه سوده في حياتك يا سبحان الله مس اللي انت اتجوزتا هي دي اللي كنت هتموت نفسك عشان تقعد معاها 10 دقايق بجد حاجه تنرفززززززززز
ربنا يوعدنا يارب ونتجوز عشان نفهم ايه السبب
ايه تفاصيل المكان ده يا جوجي
الوصف بالظبط والاسعار وطبيعة المكان يعني الناس اللى بتبقي موجودة فيه مينفعش الواحد يروح يلاقي جنبه العيال بتاعة الثانوي
عندك حق يا كريم بس الناس حبت توعيه بس
بس بجد الجواز نعمة وكفاية القرود اللى احد الاخوة قال عليهم هنا