رقم العضوية : 10397
تاريخ التسجيل : 10May2008
المشاركات : 1,359
النوع : ذكر
الاقامة : Cairo
السيارة: Chevy Aveo 2008
السيارة[2]: Emgrand EC7 2015
دراجة بخارية: Suzuki Boulevard
الحالة :
السلام عليكم ورحمة الله
انا معايا عربية اسبيرانزا 113
حصل حادث بسيط في السيارة في الاكصدام الأمامي
الحمد لله مفيش أي تلفيات في الصاج لأني مبحبش اسمكر وارش وكده
لكن التلفيات كالآتي:
الاكصدام اتكسر بقى 3 قطع
الفوج اللي قدام السواق هو الزجاج الخارجي بتاعه سليم لكن قواعد التثبيت اللي فيه من ورة اتسكرت ووقع من مكانه وبقى مستحيل يتثبت بصورة طبيعية... لازم يتلزق بقى وكده
فانا اللي محتاج اعمله هو كالآتي:
شراء اكصدام جديد + رش بلون العربية زي القديم ومتهيألي ده أمر مفروغ منه
شراء فوج جديد (تفتكروا ممكن يوافقوا ولا هايقولولي الزقه وخلاص ؟؟)
غير ان العربية فيها بعض التلفيات التانية البسيطة اللي كنت بكسل اروح اعمل مطالبة مخصوص بيها، فعاوز ادخلها دلوقتي مع المطالبة دي بالمرة ينفع ولا ماينفعش؟؟
الزجاج الأمامي فيه شرخ نتيجة زلطة صغيرة على طريق سفر
الفانوس الخلفي فيه شرخ وليس كسر لكن بيدخل مية جوة الفانوس
المساحة الخلفية انكسرت بسبب أطفال الشوارع
الغلاف الخارجي بتاع المرايات فيه حكات وخدوش كتيرة وعاوز ارشهم بالمرة مع الاكصدام
أول سؤال:
هل ينفع ادخل الحجات دي كمان مع نفس المطالبة ؟؟
تاني سؤال:
دلوقتي أنا لو عملت الحجات دي في التوكيل، فيه شرط في الوثيقة اني اتحمل 10%
ولو عملت الحجات دي بره دايما شركات التأمين مش بتعتمد تكلفة الاصلاح بالكامل ويقوللك انا مش ذنبي انك عملتها عن واحد أسعاره ومصنعياته غالية.. يعني في الحالتين هاحط فلوس من جيبي
فيه واحد قاللي فكرة وهي اني اديهم العربية وهما يصلحوها بمعرفتهم... ينفع ؟؟؟؟؟؟؟؟
انا شايف ان كده أحسنلي عشان مادفعش فلوس من معايا واستنى الشيك وكده
هما يصلحوها ويدفعوا وانا ماليش دعوة...
لكن مش عارف الشركة دي عنها ورش يصلحوا هما فيها ولا لأ ؟؟
أرجو الإفادة
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
مفيش شركة عنده ورش
هما عندهم ورش معتمدة بيودك ليها تصلح
الحالة دى ممكن انهم يحاسبوا الورشة مباشرة
تانى حاجة
المفروض انك بتعمل معاينة وتجيب عرض اسعار والشركة توافق عليه
يعنى لو رحت لورشة برة المفروض ما تدفعش حاجة ما دام وافقوا على المقايسة
لكن لو ما وفقوش
هتتحمل الفرق
A.Saad
المفضلات