المنصورة بقت عامله كده ليه

**KSA2011** · 22-09-2009 02:48 AM

انا لسه راجع البيت من شويه ومتعكنن اخر عكننه
المنصوره بقت عامله كده ليه وايه الزحمه الرهيبه دى وايه كم الشباب الى قافل اهم الشوارع بوقفته و بالعربيات الى واقفه صف تانى وتالت
معلش انتم ممكن تستغربوا كلامى بس الناس اهل المنصوره فاهمين الى انا اقصده العربيات لازقه فى بعض بشكل رهيب
انا اتخبطت النهارده واقف فى امانه الله وجاى واحد من ورايا بارد دمرى الرفرف الورانى
العربيه كانت الانسر الحمد لله وهو كان لانسر برضه وطبعا ما حصلوش حاجه
ونزل يقولى اسف والى انت عايزه يا دكتور انا متحمل اى حاجه والغريبه انه لقيت اكتر من 10.000 واحد اتلم واقفين يتفرجوا على الى هيحصل بينى وبينه حسبى الله ونعم الوكيل فينا شعب وجه العسكرى وكان هياخد نمره ويعمل فيلم لانه ال غلطان و داخل يولعها نار العسكرى
الراجل كان محترم وانا عاتبته شوى وكنت زعلان اوى من غرابه الى حصللو قلتله حصل خير و سبته ومشيت وانا مدايق مش من الخبطه بس من الاستهتار
المنصوره بقت وحشه اوى
كمان المحافظ الجديد شكله مش كويس خالص
معقوله المشايه بقالها اكتر من 5 شهور بعد الاصلاحات ال حصلت فيها ما تتظبطش و تتساوى ويبقى فيها حفر ومطبات كده
انا بحب المنصوره اوى وبفخر انى منها بس للاسف البلد بقت من اسوأ الى أسوأ وبشوف فيها حاجات عمرها ما تحصل من بلد اولاد الناس واولاد الاصول
ربنا ييسرها علينا و الموضوع يتنظم شويه ووقفات الشباب دى تتلغى ويبقى ليها وقفه خصوصا عند منطقه النساجون و البارون
وكل سنه وانتم طيبين

**M.Osman** · 22-09-2009 04:26 AM

و حضرتك طيب
ايوا المنصورة بقت وحشة جداً
مش عارف امتى التصليحات اللي في المشاية تخلص بقى
انا زهقت بجد و مش عارف هما بيعملوا اية اصلا؟ دا من قبل ما انا ابدأ امتحانات في الكلية و هما كانوا بيشتغلوا .. ولسة لحد دلوقتي!!
لا عارف امشي على رجلي ولا عارف انزل بالعربية

استهتار
لا مبالاة
برود

هي دا سمات الشباب اللي مقضي المشاية طالع نازل بالعربيات
دول اللي نقول ان مامتهم جايبلهم العربيات فعلاً

صوت موسيقى عالي (حتى في اوقات الصلاة)
صف تاني و تالت و رابع... ماهو لازم يركن قدام البارون بالظبط .. عشان يعرف البني ادمين انه معاه عربية و ممكن يقعد ياكل الأيس كريم في العربية .. (اموت و اعرف العسكري اللي هناك دا بيتنيل يعمل اية؟؟)

الزحمة ... انا منزلتش اليومين دول لأني عارف انها هتكون مقفولة ..
بس هي في رمضان بالليل كانت زحمة اوي برضه و كل سائقي السيارات طبعاً لا يعرفوا معنى الحارات و لا الإشارات..

حسبي الله و النعم الوكيل
البلد بترجع لورا على 120 !!

و حمد لله على سلامتك و فداك ..

**KSA2011** · 22-09-2009 12:19 PM

المشاركة الأصلية كتبت بواسطة successcre8or

و حضرتك طيب
ايوا المنصورة بقت وحشة جداً
مش عارف امتى التصليحات اللي في المشاية تخلص بقى
انا زهقت بجد و مش عارف هما بيعملوا اية اصلا؟ دا من قبل ما انا ابدأ امتحانات في الكلية و هما كانوا بيشتغلوا .. ولسة لحد دلوقتي!!
لا عارف امشي على رجلي ولا عارف انزل بالعربية

استهتار
لا مبالاة
برود

هي دا سمات الشباب اللي مقضي المشاية طالع نازل بالعربيات
دول اللي نقول ان مامتهم جايبلهم العربيات فعلاً

صوت موسيقى عالي (حتى في اوقات الصلاة)
صف تاني و تالت و رابع... ماهو لازم يركن قدام البارون بالظبط .. عشان يعرف البني ادمين انه معاه عربية و ممكن يقعد ياكل الأيس كريم في العربية .. (اموت و اعرف العسكري اللي هناك دا بيتنيل يعمل اية؟؟)

الزحمة ... انا منزلتش اليومين دول لأني عارف انها هتكون مقفولة ..
بس هي في رمضان بالليل كانت زحمة اوي برضه و كل سائقي السيارات طبعاً لا يعرفوا معنى الحارات و لا الإشارات..

حسبي الله و النعم الوكيل
البلد بترجع لورا على 120 !!

و حمد لله على سلامتك و فداك ..

ازيك يا باشا
ربنا يخليك على كلامك الجميل
انت عندك حق فى عدم النزول وانا اتعلمت وان شاء الله لن تتكرر
وربنا يصلح الحال زى الاول
كل سنه وانت طيب

**أبو عبدالله** · 22-09-2009 01:49 PM

كل عام وانت بخير يا دكتور
اخبارك ايه
ان شاء الله تكون بخير

المنصورة بقت مأساه بجد
في كل شئ
في الناس والشوارع والعربيات والاخلاق
حاجه بجد صاعبه

والله هو المحافظ شغال في حجات تانيه برضه
يعني ماشاء الله اسس اسطول عربيات نقل وجرارات وبلدوزارات وعربيات نظافة واخرى ماكينة تنظيف شوراع من التراب
مع ان الشوارع كلها تراب

ولكن هنعمل ايه
المنصورة عاوزه تتفور بجد من اول وجديد
والمرور معدوم
انا بقيت بحس ان معدتش فيه مرور اساسا خالص بجد المرور ده المفروض يتبعت شكوى فيه
لأن فعلا ليس له اي دور في المنصورة غير امام مديرية الأمن بس
وساعات مبيبقاش موجود كمان

وحسبي الله ونعم الوكيل
قلبت عليا المواجع اللي بحاول كل يوم اتغافلها

**blazer** · 22-09-2009 02:08 PM

كل سنه وحضرتك طيب
انا مش من النصوره
بس لما بروحها فى الشتائ غالبا بتبقى كويسه والطرق مش زحمه
انما فى الصيه بجد تخلف عقلى بحت
خصوصا من بتوع التاكسيات !!!!
بجد التاكسى هناك دا عاوز يضرب بقنبله
لازم يبقى فى حل مرورى لان اكتر من شارع فى المنصوره متصمم غلط
منهم مثلا عل ما اتذكر
شارع فرعى بيطلع على شارع رئيسى
الشارع الفرعى فاضى و الرئيسى زحمه
والشارع الفرعى دا مايل -اقل نقطه ارتفاع هى عند التقائه مع الشارع الرئيسى-
بتيجى العربيات ماشيه بسرعه فيه و مبتلحقش تفرمل ولو فرملت الفرامل بتبقى كفائتها ضعيفه عشان ميل الشارع و بوم تسمع الخبطه

**elassar2010** · 22-09-2009 02:23 PM

المشاركة الأصلية كتبت بواسطة successcre8or

و حضرتك طيب
ايوا المنصورة بقت وحشة جداً
مش عارف امتى التصليحات اللي في المشاية تخلص بقى
انا زهقت بجد و مش عارف هما بيعملوا اية اصلا؟ دا من قبل ما انا ابدأ امتحانات في الكلية و هما كانوا بيشتغلوا .. ولسة لحد دلوقتي!!
لا عارف امشي على رجلي ولا عارف انزل بالعربية

استهتار
لا مبالاة
برود

هي دا سمات الشباب اللي مقضي المشاية طالع نازل بالعربيات
دول اللي نقول ان مامتهم جايبلهم العربيات فعلاً

صوت موسيقى عالي (حتى في اوقات الصلاة)
صف تاني و تالت و رابع... ماهو لازم يركن قدام البارون بالظبط .. عشان يعرف البني ادمين انه معاه عربية و ممكن يقعد ياكل الأيس كريم في العربية .. (اموت و اعرف العسكري اللي هناك دا بيتنيل يعمل اية؟؟)

الزحمة ... انا منزلتش اليومين دول لأني عارف انها هتكون مقفولة ..
بس هي في رمضان بالليل كانت زحمة اوي برضه و كل سائقي السيارات طبعاً لا يعرفوا معنى الحارات و لا الإشارات..

حسبي الله و النعم الوكيل
البلد بترجع لورا على 120 !!

و حمد لله على سلامتك و فداك ..

كل الى حضرتك بتقول علية موجود فى اغلب مدن المهلبية المصرية
احنا عندنا فى دمنهور كمية بشر وعربيات رهيبة العربيات ماشية تحك فى بعض وتتخانق والناس بتزق فى بعض علشان تمشى

**هيثم** · 22-09-2009 02:30 PM

المشاركة الأصلية كتبت بواسطة elassar2010

كل الى حضرتك بتقول علية موجود فى اغلب مدن المهلبية المصرية
احنا عندنا فى دمنهور كمية بشر وعربيات رهيبة العربيات ماشية تحك فى بعض وتتخانق والناس بتزق فى بعض علشان تمشى

الله يفتح عليك ... هو ده الحال فعلا........ مش المنصوره لوحدها

**smartchoice** · 22-09-2009 03:38 PM

أنت عندك حق المنصورة بتبقى زبالة اوى فى العيد خصوصا الشباب النايتى اللى عمال يلف حوالين نفسه 24 ساعة على المشاية و معليين الكاسيت على الأخر و يفضلوا يأمركوا و يحرقوا فى مواتير العربيات بطريقة مستفزة
و لا كمان اللى بيبقوا جايبين حشيش و عمالين يعملوا دماغ عند الكتب و الحتة اللى قدام مترو
بجد المنصورة بتبقى مقرفة أوى فى العيد و الصيف بس فى الشتاء بتبقى حلوة و هادية بصراحة

**icehearted girl** · 22-09-2009 03:42 PM

انا مش من المنصورة بس رحتها مرة كدا من حوالي 9 سنين وبصراحة من اكتر الاماكن اللي عجبتني فمصر سواء

في الهدوء والنظافة وسلوك الناس يعني هي شبه القاهرة الي حد كبير لكن مش في العيوب

يمكن اتغيرت بعد منا مشيت

او الناس كانت بتمثل علينا بقي

-

الموضوع: المنصورة بقت عامله كده ليه

LinkBack

أدوات الموضوع

عرض

-

-

-

-

-

المواضيع المتشابهه

من المنصورة الى شارع المنصورة و دمشق

كيا ريو عامله ايه

المنصورة بقت عامله كده ليه ؟

إلى أهل المنصورة الكرام: إستفسار عن مدارس اللغات في المنصورة ؟؟

بشرى لأهالي المنصورة ... مركز خدمة معتمد في المنصورة

الكلمات الدلالية لهذا الموضوع

المفضلات

المفضلات

ضوابط المشاركة