المنصورة بقت عامله كده ليه

**Abdo_Eldesokey** · 22-09-2009 04:00 PM

أنا امبارح خدت قرار جريء جداً ... إنى أنزل المشاية من غير عربية ، قلت أقضيها مواصلات

فضلت واقف ربع ساعة مستنى تاكسى مفيش حد راضى يروح الجامعة ، قابلت واحد صاحبى واتمشينا لحد نادى الجزيرة ، وطبعاً المشاية زحمة جداً والعربيات لازقة في بعضها ، والرصيف مردوم ناس

وقفت شوية عند النادى يمكن ألاقى تاكسى وفوجئت وأنا واقف بموتسيكل كان هيشيلنى ، ماشى مخالف والناس بتجرى من قدامه عشان بيهرب من عسكرى مرور ، وطبعاً العسكرى بيتمشى وراه ومش عارف يعمل حاجة بسبب الكرش بقى وكده

المهم ربنا سهلها ركبت مع واحد صاحبى ولما وصلنا عند الصياد لقينا حفلة تحرش جماعى وصويت وبنات بتعيط والبوكس راكن على جنب وعمال يلم في عيال

طبعاً في النهاية وصلت لاصحابى والواحد اتقفل من البلد وقرفها ، ربنا يتوب علينا بقى من الهم ده

**lancerevolution** · 22-09-2009 04:14 PM

المشاركة الأصلية كتبت بواسطة abdo_eldesokey

حفلة تحرش جماعى وصويت وبنات بتعيط والبوكس راكن على جنب وعمال يلم في عيال

بعد كل صلاة عيد يجى بتاع 500 600 واحد عمالين يتحرشوا ببنت واحدة فى المرة و بيعملوا كدا خمس ست مرات بس العيد دا كانوا 3 بنات مرة واحدة المشكلة إن البوكس و الأمن المركزى بيتفرجوا لدرجة إن واحدة ست كبيرة فى السن شافت التلت بنات و البوطس واقف و فيه ظابط و كام عسكرى زعقت لهم و بهدلتهم الى أنقذ البنات و اد دخل بمطوة طلعهم و ركبهم تاكسى جرى بيهم لأخر الشارع
مناظر قذرة و ناس أقذر انا بفضل القعدة فى القهاوى أو البيت

**kind** · 22-09-2009 04:25 PM

الاخوه اللى من المنصوره هنا عندهم حق فعلا لا الواحد يعرف يمشى على رجله ولا بعربيه واللى بيحصل ده تخلف عقلى فى كل حاجه
كفايه الواحد قال مش هيخرج بالعربيه نازل رايح مشوار على المشايه مش عارف امشى من التكسير وفى ماسورة ميه ضاربة فى نزلة شارع الفلل على اليمين قدام سيزر كده من بتاع سبعتلاف سنه مش عاوزين يصلحوها وغير ده كله الزحمه الرهيبه الواحد بيستنى دوره عشان يخطى الخطوه
وبعدين المشكله كمان غير فى الشباب اللى بيقفلو الشوارع ويزحموها اكتر ما هيا موضوع التاكسيات
مش ملاحظين يا جماعه ان التاكسيات كترت اوى عددها كتر جدا على البلد البلد صغيره مش كبيره والمرور قاعد يرخص فى تاكسيات وكل واحد عاوز يعمل مشروع يجيب تاكسى مفيش دراسه مثلا لطاقة الشوارع الاستيعابيه
ربنا يتوب علينا بقى والله الشوارع ما بقاش فيها 10 متر نافعين على بعض الا المنطقه الجديده بتاعت ستاد الجامعه هما 3 شوارع بس

كل سنه وانتو طيبين

**KSA2011** · 23-09-2009 05:04 PM

كود:

 
كل عام وانت بخير يا دكتور
اخبارك ايه 
ان شاء الله تكون بخير

وحضرتك طيب يا ابوعبدالله
ربنا يخليك انا تمام
ويارب حضرتك كمان تمام

كود:

 
 
المنصورة بقت مأساه بجد
في كل شئ
في الناس والشوارع والعربيات والاخلاق 
حاجه بجد صاعبه
 
والله هو المحافظ شغال في حجات تانيه برضه 
يعني ماشاء الله اسس اسطول عربيات نقل وجرارات وبلدوزارات وعربيات نظافة واخرى ماكينة تنظيف شوراع من التراب 
مع ان الشوارع كلها تراب

ولا شغال ولا حاجه انا فاكر قبل كده لما كانت حاجه بتتعمل تانى يوم بتتصلى و بتتظبط مع انه انا فاكر ايامها كان فيه عدم رضا من المحافظ القديم برضه بس بيتهيالى دلوقتى هو طبعا كان احسن

كود:

 
ولكن هنعمل ايه
المنصورة عاوزه تتفور بجد من اول وجديد
والمرور معدوم 
انا بقيت بحس ان معدتش فيه مرور اساسا خالص بجد المرور ده المفروض يتبعت شكوى فيه 
لأن فعلا ليس له اي دور في المنصورة غير امام مديرية الأمن بس
وساعات مبيبقاش موجود كمان
 
وحسبي الله ونعم الوكيل 
قلبت عليا المواجع اللي بحاول كل يوم اتغافلها

المشكله انه صعب تعمل او تلاقى حل جوه المنصوره لانها ضيقه يعنى منطقه الجامعه دى ممكن توسعها ازاى ولا المشايه ؟ مستحيل طبعا
المرور موجود بس بمزاجه للاسف
يلا ولا يهمك وكل سنه وانت طيب

**KSA2011** · 23-09-2009 05:07 PM

المشاركة الأصلية كتبت بواسطة blazer

كل سنه وحضرتك طيب
انا مش من النصوره
بس لما بروحها فى الشتائ غالبا بتبقى كويسه والطرق مش زحمه
انما فى الصيه بجد تخلف عقلى بحت
خصوصا من بتوع التاكسيات !!!!
بجد التاكسى هناك دا عاوز يضرب بقنبله
لازم يبقى فى حل مرورى لان اكتر من شارع فى المنصوره متصمم غلط
منهم مثلا عل ما اتذكر
شارع فرعى بيطلع على شارع رئيسى
الشارع الفرعى فاضى و الرئيسى زحمه
والشارع الفرعى دا مايل -اقل نقطه ارتفاع هى عند التقائه مع الشارع الرئيسى-
بتيجى العربيات ماشيه بسرعه فيه و مبتلحقش تفرمل ولو فرملت الفرامل بتبقى كفائتها ضعيفه عشان ميل الشارع و بوم تسمع الخبطه

وانت طيب يا باشا
كل سنه وانت طيب
انت تقصد المشايه و طالع على شارع الجمهوريه
العربيات فعلا بتقف فى اخر الطلعه وكنت هتخبط مرتين بسبب الحركه دى لانه العربيه لو الى قدامك مش مالك العربيه هترجع منه وهتحصل كارثه
بس انا الحمد لله باخد اللفه كلها ومش بدخل الشارع دى تانى

**KSA2011** · 23-09-2009 05:09 PM

المشاركة الأصلية كتبت بواسطة smartchoice

أنت عندك حق المنصورة بتبقى زبالة اوى فى العيد خصوصا الشباب النايتى اللى عمال يلف حوالين نفسه 24 ساعة على المشاية و معليين الكاسيت على الأخر و يفضلوا يأمركوا و يحرقوا فى مواتير العربيات بطريقة مستفزة
و لا كمان اللى بيبقوا جايبين حشيش و عمالين يعملوا دماغ عند الكتب و الحتة اللى قدام مترو
بجد المنصورة بتبقى مقرفة أوى فى العيد و الصيف بس فى الشتاء بتبقى حلوة و هادية بصراحة

عندك حق الموضوع ده زاد اوى عن حده وعلى فكره اغلب الشباب دول مش بيكونوا من المنصوره الى من ولا بلاش يعنى من حتت جمب المنصوره
كل سنه وانت طيب

**KSA2011** · 23-09-2009 05:11 PM

المشاركة الأصلية كتبت بواسطة iceheartedgirl

انا مش من المنصورة بس رحتها مرة كدا من حوالي 9 سنين وبصراحة من اكتر الاماكن اللي عجبتني فمصر سواء

في الهدوء والنظافة وسلوك الناس يعني هي شبه القاهرة الي حد كبير لكن مش في العيوب

يمكن اتغيرت بعد منا مشيت

او الناس كانت بتمثل علينا بقي

لا مش بتمثل طبعا

بس 9 سنين ده زمن انت عندك كم سنه دلوقتى ؟

**MoToRiZeR** · 23-09-2009 05:16 PM

كل مدن مصر المزدحمة بتبقي جحيم في العيد .. القاهرة (و ما أدراك ما القاهرة!) .. إسكندرية (يا نهار أسود علي أسكندرية في العيد!) .. و المنصورة .. مش هزود علي كلامكم .. اما بعد العيد و في الأيام العادية بتبقي جحيم برضه! بس في العيد زيادة شوية .

انا كنت مسافر العيد كله لأن مش مستعد أحرق دمي العيد بالكامل .. و انا راجع علي طريق وادي النطرون و معايا صديقي في العربية بقوله تخيل الواحد بيبقي راجع رايق و مزاجه تمام .. أول ما يعدي البوابات يلاقي الناس متجننة في وشه يقوم يتعكنن تاني .. و أول ما وصلنا و طلعنا الدائري .. شفنا شئ علي رأي شويكار ( لا يصدكه عكل !) .. موتوسيكل .. سايقه شاب من اللي هما بيلبسوا كوتشي جديد و كبير في العيد و يلزق شعره علي راسه بالجيل و يمشي في قطيع لا يقل عن 8 (أكيد عارفين المنظر ده كلهم شكل واحد) .. المهم البيه ماشي بموتوسيكل عكس في الحارة التالتة عالدائري !!! أيوة الله !!! انا اما شفته قدامي مكنتش مصدق نفسي .. يالا .. المهم وصلنا الحمد لله

**mostafa3000** · 23-09-2009 08:53 PM

يا جماعة مصر كلها بتعيش في حالة من اللامبالاة والفوضي
والواحد مش عارف هترسي علي اية في الاخر
ربنا يتولانا برحمتة

**icehearted girl** · 23-09-2009 08:57 PM

المشاركة الأصلية كتبت بواسطة KSA2011

لا مش بتمثل طبعا

بس 9 سنين ده زمن انت عندك كم سنه دلوقتى ؟

لا دا ساعتها كنت في تانية ثانوي لسه كننا في تبادل زيارات في اتحاد الطلبة

اىىىىى ايام

بس كلنا هناك سمك مشوي يجنن

وكنت اول مرة اعرف ان جمصة تبع المنصورة

الموضوع: المنصورة بقت عامله كده ليه

LinkBack

أدوات الموضوع

عرض

-

-

-

-

-

المواضيع المتشابهه

من المنصورة الى شارع المنصورة و دمشق

كيا ريو عامله ايه

المنصورة بقت عامله كده ليه ؟

إلى أهل المنصورة الكرام: إستفسار عن مدارس اللغات في المنصورة ؟؟

بشرى لأهالي المنصورة ... مركز خدمة معتمد في المنصورة

الكلمات الدلالية لهذا الموضوع

المفضلات

المفضلات

ضوابط المشاركة