العربيه اتخبطت يا جماعه قبل ماتخرج من دارها

عرض للطباعة

22-09-2009, 03:19 AM
sindrela_az

العربيه اتخبطت يا جماعه قبل ماتخرج من دارها

[justify]
سلام عليكم
انا بكتب الموضوع الان وانا فى حالة حزن على ما فعلته بعريتى :120146b:120146b:120146b

طبعا انتو فاكرين موضوعى اللى من يومين ( باركولى على عربيتى )
http://www.nilemotors.net/Nile/94950-a.html

من ساعتة ما جبت العربيه وهى تقريبا امام البيت لانى لسه بتعلم
المهم خرجت بيها اجرب فى محيط المربع اللى انا ساكنه فيه
لما رجعت لقيت حد راكن مكانى وللاسف انا مش بعرف قوى فى الركن فقمت خبطها فى الاكصدام الامامى من الجهه الشمال
الحمد لله عربيه الراجل التانى مجرلهاش حاجه
لكن عربيتى الاكصدام خرج من مكانه لكن الراجل رجعهولى على طول فى ساعتها وقالى ما تخافيش بس انا كنت اعصابى تعبت قوى
المهم بعد ما مشى ببص على العربيه كويس لقيت حاجه مكسوره من الداخل بالعرض ( حوالى 20 سم او اكتر) هى فبر وبشوفها من خلال العجله الشمال فى جسم السياره
اعتقد انه الرفرف

وانا الان مش عارفه اعمل ايه ؟
هل اغيره كله ؟
وهو يجيله بكام ؟
مع العلم ان عربيتى مكملتش 150 كم
ولا احاول اللحمه ؟ ولو لحمته اللحمه بره عند سمكرى ولا اللحمه فى التوكيل
ولو لحمته بره عند سمكرى دا يأثر على الضمان

معلش طولت عليكم

بس انا فعلا قلقانه ومتضايقه :120146b
شكرا
[/justify]
22-09-2009, 03:29 AM
YaSSerwIN

ممكن صور للخبطة
هو شكله يوم الخبط العالمى
انا النهاردة بردك عربيتى أتخبطت بشيل الغطا لقيت مفاجأة مستنيانى
22-09-2009, 03:29 AM
loulou009

ممكن من كلامك تكون" الكرتيره" ودى بتتغير ورخيصه وربنا يبعد عنك العين:ask:
22-09-2009, 03:40 AM
Mshawky

هو انتى لحقتى وبعدين عامله موضوع باركولى كمان

ادى الناس كلها باركلتك بعنيها وعملت الواجب خدى بالك بس واتقنى السواقه شويه لان العربيات الجديده كلها عايز حنيه زياده عن اللزوم وبنا يعوض عليكى ويكفيكى شرها
22-09-2009, 03:47 AM
emadhamdy

اقتباس:

المشاركة الأصلية كتبت بواسطة sindrela_az

[justify]
سلام عليكم
انا بكتب الموضوع الان وانا فى حالة حزن على ما فعلته بعريتى :120146b:120146b:120146b

طبعا انتو فاكرين موضوعى اللى من يومين ( باركولى على عربيتى )
http://www.nilemotors.net/nile/94950-a.html

من ساعتة ما جبت العربيه وهى تقريبا امام البيت لانى لسه بتعلم
المهم خرجت بيها اجرب فى محيط المربع اللى انا ساكنه فيه
لما رجعت لقيت حد راكن مكانى وللاسف انا مش بعرف قوى فى الركن فقمت خبطها فى الاكصدام الامامى من الجهه الشمال
الحمد لله عربيه الراجل التانى مجرلهاش حاجه
لكن عربيتى الاكصدام خرج من مكانه لكن الراجل رجعهولى على طول فى ساعتها وقالى ما تخافيش بس انا كنت اعصابى تعبت قوى
المهم بعد ما مشى ببص على العربيه كويس لقيت حاجه مكسوره من الداخل بالعرض ( حوالى 20 سم او اكتر) هى فبر وبشوفها من خلال العجله الشمال فى جسم السياره
اعتقد انه الرفرف

وانا الان مش عارفه اعمل ايه ؟
هل اغيره كله ؟
وهو يجيله بكام ؟
مع العلم ان عربيتى مكملتش 150 كم
ولا احاول اللحمه ؟ ولو لحمته اللحمه بره عند سمكرى ولا اللحمه فى التوكيل
ولو لحمته بره عند سمكرى دا يأثر على الضمان

معلش طولت عليكم

بس انا فعلا قلقانه ومتضايقه :120146b
شكرا
[/justify]

الموضوع بسيط ان شاء الله
بس ياريت صوره نعرف بس اللي حصل عشان نقدر نفيدك
وباذن الله تتعمل وترجع زي ما كانت
22-09-2009, 03:51 AM
Ghost2

مبروك يا سيندريلا على الخبطه ... متستغربيش .. اي عربية زيرو لازم يحصل فيها كده .. وكلمة مبروك دي مش شماته والله .. بس الحمد لله انها جت في حاجه بيسطه شوية فبر بلاستيك .. اخدتي العين قبل ال 200 كيلو .. متزعليش ..وان شاء الله امرها سهل
22-09-2009, 04:24 AM
medoxmedox

سوري علي الخبطه
بس الحمد لله انها جت علي اد كدا
ان والله جبت العربيه زيرو و في ظرف اسبوحين كانت خدتلها حكتين في الرفرف الوراني و هيا راكنه في المرتين
المهم ,,,,, دي العين ,,, و الحمد لله انها جت في حاجه بسيطه
و بردو الف مبروك العربيه الجديده و يا ريت صوره للخبطه علشان نقدر نفيدك
22-09-2009, 06:18 AM
xShadow

معلش.. أنا عربيتي أول ماجبتهة تاني يوم علطول بعد مرخصتهة لقيت وحدة ست دخلت فالباب والجنط والباب دخل لجوا.. معلش لازم العين كدا..
22-09-2009, 06:42 AM
mahmoud_magdy

معلش متزعليش
وبخصوص الخبطه متصلحيهاش دلوقتي
بما انك بتتعلمي سواقه يعني
استني لحد ما تتعلمي سواقه كويس وبعد كدا ابدأي في تصليحها
22-09-2009, 10:38 AM
sindrela_az

شكرا

متشكره لكم يا جمتعه على مؤزرتكم لى
الحمد لله انها جت على قد كدا

بس دى ما اتشافتش الا من عدد قليل جدا من الناس
مش بقولوكو ما خرجتش من المربع اللى ساكنه فيه
دا انا فى نفس اليوم كان عندى فرح بس ناس نصحونى ما اروحش بيها الفرح لحسن العين
امال لو كنت رحت ؟؟؟

الحمد لله
بس يا ريت تعرفونى انا ممكن اعمل ايه
كمان انا ممكن اصورها بس احط الصور هنا ازاى :11:
22-09-2009, 10:50 AM
YaSSerwIN

علشان تحطى الصور هنا ارفعيها على اى مركز تحميل
وبعد كدة هاتجيبى لينك الصورة وتطغطى على الشكل دة http://www.nilemotors.net/Nile/image...nsertimage.gif وتحطى لينك الصورة
22-09-2009, 11:19 AM
Ahmed Samy

ولا تزعلى
ده كاس وداير
لازم العربية تيجي ......وتتخبط خبطة صغيرة بس رزله
نقوم نتنكد
بس كده العربية تبقى خدت ختم النسر واترخصت خلاص

احمدي ربنا انه حاجة بسيطة

ومن غير صور دي بسيطة ماتعمليهاش دلوقتي

سيبيها تاخد باقي العيووووووووون
22-09-2009, 04:41 PM
max_ziro

من تحت الرفرف دى الكارتيرة و عادى جدا ولا تحملى همها فى ناس عندها بتتكسر و بتمشى منغيرها اصلا
و ربنا معاكى
حاولى تطلعى فلوس عليها او تدبحى ..
22-09-2009, 04:57 PM
mostafa3000

الف سلامة ليكي وللعربية
وعموما الحمد لله انها جت علي قد كدة
عموما حاولي تركني في مكان واسع واببعدي عن الزنقة وحاولي الخبطة دى ما تاثرش علي ثقتك بنفسك في السواقة علشان دي اهم حاجة
ومتصلحيش حاجة دلوقتي سيبي الخبطة تبعد عنك العين شوية
22-09-2009, 10:38 PM
sindrela_az

اقتباس:

المشاركة الأصلية كتبت بواسطة Ahmed Samy

ولا تزعلى
ده كاس وداير
لازم العربية تيجي ......وتتخبط خبطة صغيرة بس رزله
نقوم نتنكد
بس كده العربية تبقى خدت ختم النسر واترخصت خلاص

احمدي ربنا انه حاجة بسيطة

ومن غير صور دي بسيطة ماتعمليهاش دلوقتي

سيبيها تاخد باقي العيووووووووون

يعنى تفتكر هى كدا اخدت الختم ولا لسه فى حاجه تانيه ( ربنا يسترها ):ask:
23-09-2009, 12:33 AM
Abdo_Eldesokey

قدر الله وما شاء فعل ... الحمد لله جت بسيطة

بس يا ريت تغيرى الكارتيرة على طول لأنها بتحمى دواخل العربية من التراب والمياه .. وربنا يباركلك فيها
23-09-2009, 12:37 AM
Ahmed.TV

الحمد لله انها جت على قد كدا معلش اخدت العين
23-09-2009, 12:37 AM
Samah AbdAllah

معلش يا سندريلا ماتوعليش

بس سيبيها شوية عشان تاخد كل العيون وبعد كده صلحيها
وان شاء الله بسيطة
23-09-2009, 02:32 AM
Ahmed Samy

اقتباس:

المشاركة الأصلية كتبت بواسطة sindrela_az

يعنى تفتكر هى كدا اخدت الختم ولا لسه فى حاجه تانيه ( ربنا يسترها ):ask:

ربنا يستر
23-09-2009, 03:02 AM
emadspeed

حصل خير وقدر الله وما شاء فعل
النصيحة الوحيدة اللى حقولهالك زى ما باقى الاخوه قالولك اوعى تعمليها دلوقتى سبيها فترة تاخد العين بتعاتها وكمان انتى لسه بتتعلمى يعنى ممكن لا قدر الله تعمليها وتتخبط تانى فمش معقول كل ما اى حاجة تحصل فيها حتجرى تعمليها اكيد كده الموضوع حيكلف فنصيحة لوجه الله سبيها شوية لحد ما تتعلمى السواقة كويس وكمان تاخد العين بتاعتها والحمد لله انها جت بسيطة المرة دى
23-09-2009, 12:47 PM
sindrela_az

شكرا لكم يا جماعه على النصيحه وانا فعلا هعمل بيها

وشكرا يا بسكوته
23-09-2009, 01:42 PM
sherif_fawzy

كلنا فى الهواء سوا
كأنك بتحكى عنى بالضبط ده نفس اللى حصل معايا

انا بحلم بأمتلاك سيارة منذ ولادتى و تحقق الحلم بعد 34 سنه

اشتريت يوم الاربعاء 16/9 سياره احلامى اونو موديل 93 العربيه فعلا كانت فبريكه ووضعت فيها قرض يلتهم 80 % من مرتبى مع العلم انى اعول اسرة لكن زى ما قولت لكم فى البدايه ده كان حلم حياتى

انا لسه جديد فى السواقة يعنى بلغه السوق لسه غشيم . واحد صاحبى ساق لى العربيه و ركنها لى تحت البيت و فضلت يوم الخميس بالكامل اتفرج عليها من البلكونه و خايف انزل اركبها

يوم الجمعه الاسود 18/9 ضحك عليا شوشو و قال لى انزل و جمد قلبك و اعطانى حبوب الشجاعه و ياريتنى ما نزلت

كانت النتيجه المتوقعه طبعا حادثه فى سيارة نصف نقل ( دبابه ) لكن من اللى بتستخدم فى غرض نقل المواطنين الغلابة من امثالى عباره عن قطعه حديد مسننه و مدببه من جميع الجوانب و لا يوجد بها لا ابواب و لا شبابيك لا يوجد سوى مقعد السائق و بالخلف لوحى خشب غير مشذبين لجلوس الركاب

و الحمد لله كانت خبطه بسيطة و النتائج كالتالى :
- كسر فى الفانوس و الاشاره الامامى
- انبعاج و اعوجاج فى الرفرف الامامى ( ادى الى عدم اماكنيه فتح باب السائق )
- انبعاج الجنط و تلف فرده التيوبلس
و الحمد و الشكر ليك يارب

لكن التلفيات الحقيقيه كانت فى نفسيتى انا من يومها و انا راكنها تحت البيت و مش جاى لى قلب اركبها تانى

ملحوظه كوميديه :

صاحب المصفحه اللى خبطها قال لى روح يا عم و ربنا يعوض عليا طبعا كنت هموت من الضحك لان عربيته مش كان فيها اى جزء يستاهل عليه العوض

هم يضحك و هم يبكى هههههههههههههههه :pointi~2[2]:

اسف على الاطاله لكن هم يبكى و هم يضحك
23-09-2009, 01:59 PM
sindrela_az

جبت لكم الصور بتاعة الخبطه
http://http//up.mn66.com/download.php?img=21630

http://http//up.mn66.com/download.php?img=21639

http://http://up.mn66.com/download.php?img=21661

http://http://up.mn66.com/download.php?img=21664

دى الاكصدام من الامام من الجهه الشمال

والكارتيره اللى مكسوره
23-09-2009, 02:04 PM
sindrela_az

معلش يا استاذ شريف ربنا يعوض عليك
بجد فعلا العربيات القديمه ما شاء الله عليها حديد على حديد لكن الجديد دا زى ما بيقولو ورق

انا برضو شوشو ضحك على من كتر ركنتها قدامى
هههههههههههههههه

ويدوب لسه فى الشارع ودب
يلا خلينا نتعلم ههههههه
23-09-2009, 02:10 PM
THEMAYOR

الاخت الفاضله / سندريلا

قدر الله و ما شاء فعل و انصحك بضرورة التامين على السياره مادامت جديدة و انتى لسه فى البدايه فى موضوع السواقة

و ربنا يصبرنا على بيحصل فى عربياتنا
24-09-2009, 01:55 AM
moutaz1983

ربنا ستر معاكى وقضا احسن من قضا, نفس الموضوع ده اكيد حصل مع اى حد اول ما ساق ويمكن مع اى عربية جديدة يسوقها, خدى بالك وماتجازفيش, طبعا افراح ايه اللى تروحيها

ربنا يسترها معاكى
24-09-2009, 03:57 AM
wsiory

على فكرة انا بافضل خايف على اي عربية جديدة لحد ماييجى واحد يخبطها ويريحنى, بعد كدة سبحان الله ماحدش بيخبطها تاني ولو كانت الخبطة مش عاملة تشوه جامد باسيبها لحد معاد الفحص بتاع العربية مثلا.طبعا لو عندك تامين روحى التوكيل. لو مافيش تامين وسعر التوكيل مبالغ فيه, روحي لسمكري كويس.
24-09-2009, 04:00 AM
Eng_Mostafa_89

الصور مش شغالة عندى
يلا معلش ربنا يديكى خيرها ويكفيكى شرها
وياريت فعلا تسيبها احسن ومتعملهاش
24-09-2009, 04:34 PM
bmya

بسيطه جدااااااا وانصحك ما تزعليش ابدا والله احمدي ربنا كتيييييييير اوي كل متشوفيها هقولك انا حكايتي بقه
اول ما جبت السيريون وزيرو طبعا خايف عليها موووووووووت المهم نزلت في يوم خميس اخبر والكلام ده من سنه ونص تقريبا والعربيه كانت لسه مكملتش 1000 كيلو وكنت نازل مشوار وسط ابلد قلت زجمه وقرف روحت راكنها في جراج الزراعه اللي جمب المترو وخدت المتروو روحت مشواري ورجعت لقيت فيه خربوش بسيط جدا في الكابوت من قدام بس عميق المهم اتنرفزت جدااااااااا وزعلت ومكونتش طايق نفسي خربوش والعربيه لسه مكملتش 1000 كيلو دي حاجه تقرف المهم طلعت وانا راجع المنصوره وكان يوم خميس وماادراكي بيوم الخميس علي الطريق الزراعي بيبقي عامل ازاي المهم ماشي في امان الله بتاع 100 كده وفجأه الاقي واحد بميكروباص السوزوكي الذبله ده راح طالع من يوتيرن من غير مقدمات كده وجه قدامي روحت واخد شمالي ومهدي جامد وكانت الصدمه ميكروباص تويوتا دخل فيه زي الصاروخ من وره تخيلي بقه ميكروباص تويوتا اقل حاجه بيمشو عليها في لزحمه 100 وراح داخل في السيريون المسكينه طبعا انا اطنطرت من اقصي الشمال لاقصي اليمين واديت انتظار بسرعه وربنا ستر ان مفيش حد كان جاي من اليمين كان دخل فيه كمان
قعدت شويه في العربيه وانا حاسس اني بحلم وان ده مش حقيقه وهصحي اكيد لكن مفيش فايده طلع حقيقه مفجعه ونزلت ابص لقيت طبع الاكصدام اتهرس من الناحيه الشمال بالفانوس وشه اتكسر والزجاج الخلفي طبعا اتفشفش والشنطه الجزء الشمال اتكرمش وحوض الشنطه دخل لجوه والخبطه سمعت في الرفرف الشمال في عوجه بسيطه يعني الخبطه كلها من ناحيه الشمال بس الحمد لله
المهم اني طلعت من الموضوع ده اني كنت زعلااااااااااان جدا علي خربوش في الكابوت اهو في نفس اليوم خسرت زجاج واكصدام وشنطه وفنوس والعربيه بقه منظرها يصعب علي الواحد وروحت وفضلت راكنها اسوبع في جراج ومليش نفس اطلعها ولحد الان معملتهاش ههههههههههه
غيرت الزجاج ولحمت الكصدام ورديت اخبطه كده عل البارد اي كلام وسيبتها ومش ناوي اعملها دلوقتي خالص
عشان كده احمدي ربنا واوعي تزعلي اسمعي كلام واحد مجرب الحاجات دي ممكن تكون شاليت حاجات اكبر منها وربنا يسترها معانا
24-09-2009, 09:46 PM
ma7oo

متزعليش هى لازم تاخد العين كده وتعدى ان شاء الله ياما خبطنا حاجة واقفه فى الشارع معرضه لاى حاجة قدر الله وماشاء فعل
26-09-2009, 10:34 AM
TeMoON

الحمد لله انها جات بسيطة وربنا يعوض عليكى
انا استلمت عربيتى الجديدة من اسبوعين وماكنتش لسة كملت 700 كيلو وانا ماشى على طريق شرم الشيخ اخدت نئرة محترمة فا الكاوتش فرئع وفضلت ماشى اكتر من 250 كيلو على سرعة 90 عشان الاستبن اخر سرعة فية 80 والحمد لله احمدى ربنا انها جات على اد كدا لان فى عربيات بتكون خارجة جديدة من المعرض وربنا ما يجرب علينا ولا على حد
27-09-2009, 02:09 AM
sindrela_az

متشكره جدا يا جماعه مش عارفه اقول لكم ايه بجد على وقوفكم جنبى

انا بحمد ربنا
الحمد لله انها جت على قد كدا

وهسيبها كدا شويه لحد حتى ما اعمل صيانة 1000ك
وبعدها اشوف ايه الاخبار