المشاركة الأصلية كتبت بواسطة flavio_egypt
شكرا وتحية خاصة ليك يا أستاذ ايمن وانا عارف طبعا ان حضرتك اشهر من نار على علم فى منتدى البروتون والجين 2 وكمان عارف ان حضرتك بجيب تخفيض وبتساعد الاعضاء فى الشراء للسيارة
لكن انا فعلا خايف من حاجة واحدة بس فى المقارنة بين النيو اكسنت والجين2 وهى ان سعر اعادة بيع النيو اكسنت أفضل لانها هيونداى وفى نفس الوقت بسمع ان قطع غيارها برضه ارحم شوية من الجين2 وده اللى فعلا مخلينى متردد شوية . جزاك الله خيرا
وربنا يهدينى برحمته للافضل
ياباشا ربنا يكرمك ... وانا تحت امرك فى اى استفســـــــار
--------
شوف ياباشا ..
بخصوص قطع الغيار ... فعلا هيوانداى منتشره وفيها انواع واشكال واتمان مختلفه
بس دا لايمنع ان قطع غيار بروتون فى انتشار .. وبقي ميكانيكيه بتفتحوا ليها .. وناس كتيره بتفكر فى فتح مراكز معتمده ليها ..
دا غير اللى بيتحضر دلوقتى فى المطبخ (حاجه هتخلى اسعار قطع غيار بروتون زى اسعار الــ 128)
-----
وبخصوص بقى اعادة البيع ... اكيد طبعا هيونداى اعادة بيعها افضل
بس دا مايقولش ان كل موديلات هيونداى اعاده بيعها كويس ... طب ماعندك الاتوس و السوناتا ... مثلا
- انا اقصد ... ان ممكن موديلات تنزل فى نفس فئه النيو اكسنت (سواء من هيونداى او غيرها) يخلي -النيو اكسنت- مش مطلوبه .. وهيكون وقتها اعادة بيعها زى اى عربيه .
وساعتها يكون السبب الرئيسى فى شراءك للعربيه اختفى ... وانك تخليت بسببه عن عربيه تانيه فيها امكانيات اعلى ومميزات اكتر ....
- وحاجه كمان ... بروتون سعر اعادة البيع بتعاها مش سىء جدا ... بس مش بياعه زى بعض انواع عربيات تانيه
وحاليا ومع الوقت سعر اعادة البيع بيتحسن ... لزيادة الطلب عليها خلال الفتره الاخيره .
----
فانا شايف ان موضوع سعر اعادة البيع حاليا بقي مش سبب قوى بيرجح كافه اى عربيه (وجهة نظرى) ... لانه مش مضمون فى الاحوال الحاليه .
----
انا والله مش بدافع عن عربيه معينه ... انا بس بحط نفسى مكانك وافكر بصوتى عالى .
تحيــــــــــــــــــاتــ ـــــى
المفضلات