المشاركة الأصلية كتبت بواسطة flavio_egypt
شكرا على ردك يا أستاذ أيمن
وبالمناسبة انا النهاردة اتصلت بعز العرب فرع العجوزة - بصراحة اسلوب ردهم على المكالمة والاستفسار معجبنيش خالص ولا يدل على اهتمام بالعميل اول ما قولت للشخص اللى رد عليا عايز اسئل على الجين 2 رد عليا باقتضاب
وبطريقة مباشرة تحجز وتستلم كمان شهر
باسلوب جاف
وبعد كده بقوله طيب عايز اتفرج على العربية من الداخل يعنى الموتور وخلافه ؟
رد باقتضاب العربية مش موجودة .
قولتله طيب ممكن القيها واتفرج عليها فى اى فرع تانى
رد وقال لا العربية مش متوفرة فى اى فرع
يعنى اسلوب مبيعات غير مناسب اطلاقا ولا يدل على اى اهتمام ده حتى مقاليش انى اروح للمعرض واتناقش معاهم فى اى تفاصيل ومعلومات عايز اعرفها
وفى الاخر قولتله يعنى مفيش اى حل علشان اشوف العربية غير لما توصل مجموعة عربيات من ماليزيا ويا الحق اشوفها يا ملحقش .
رد اخيرا وقال عموما فيه بيرسونا لو تحب تشوفها هيا من جوه زى الجين 2
وبالمناسبة قالى السعر 90900 جنيه .
بصراحة انا اتضايقت اوى بعد المكالمة
وحسيت انى بتكلم علشان اشحت منهم مش اشترى عربية ب 90000 الف جنيه امال لو حصل مشاكل بعد كده فى الاستلام وخلافه والصيانة هيتعملوا ازاى
بصراحة انا قولت يمكن لو بسأل على جيب شيروكى كانوا اهتموا اكتر شوية
وبصراحة انا لما كلمت غبور كان اسلوب رجال المبيعات عندهم افضل كتير كتير فى الرد وبيهتموا يخدوا بياناتى وموبيلى وده شغل المبيعات السليم مع العميل و بيدل على الاهتمام الفعلى والرغبة فى خدمة العميل
وشكرا ليك يا استاذ ايمن وارجو منك انك لو على اتصال بالناس بتوع المبيعات بالشركة تقولهم انهم كده بيخسروا الزبون من قبل ما يدخل المعرض وكمان بيرفعوا سعر العربية 900 جنيه حاجة بصراحة عملتلى احباط من ناحية الجين 2 .
جزاك الله خيرا يا استاذ ايمن وانا والله حاسس انى زهقتك منى ومن كتر اسئلتى .
المفضلات