سؤال عن اسكندريه للاخوه الاسكندرانيه

**Hany A Fattah** · 22-09-2009 03:48 AM

السلام عليكم ورحمة الله
كل سنه وانتم طيبين وعيد سعيد عليكم ان شاء الله
انا كنت عايز استغل الاجازه واقضى يومين استجمام فى اسكندريه الاربعاء و الخميس فكنت عايز اعرف احوال الجو اليومين دول ايه يعنى لسه صيف ولا بداء يشتى وكمان لو فيه حد يعرف سمسار كويس ياريت يساعدنى ولو برقم تليفونه علشان احجز الشقه قبل ما اسافر

ولكم جزيل الشكر

**dodlyboy** · 22-09-2009 09:19 AM

تيجي اليكس بالسلامة ان شاء الله يا برنس و هتنورنا والله :) بالنسبة للجو زي ما قال الاخ الزميل اللي رد عليك ان الجو بدأ يبقى فيه لسعة كدة و بالنسبة للسمسار اتن مش محدد هتنزل فين في اليكس بس عموما انا عندي سمسار حبيبي في 6 اكتوبر اللي هي شاطىء النخيل في عجمي يعني عنده شقق و شاليهات و كل حاجة و اسعاره ان شاء الله تعجبك عموما دي نمرته 0173857959 لما يرد عليك قوله انا جايلك من طرف المهندس اسلام.....يلا اجازة سعيدة ان شاء الله و كل سنة و انت طيب

**Hany A Fattah** · 22-09-2009 10:13 PM

المشاركة الأصلية كتبت بواسطة a7mode

وعليكم السلام ورحمه الله وبركاته .

اولا انت حتنورلنا اسكندريه يا باشا واهلا وسهلا بيك ويارب تستمتع بوجودك فى اليكس ..

ثانيآ بقى بصراحه الجو بدء يبقى ساقع وخصوصآ فى الاماكن المفتوحه زى المنتزه او المعموره مثلا الافضل انك تلبس ملابس اللى هيا بيتقال عليها خريفى اللى هيا خفيفه وبكم ..

بخصوص اسعار الشقق مقدرش افيدك بصراحه ..

الف شكر ليك ياباشا

المشاركة الأصلية كتبت بواسطة dodlyboy

تيجي اليكس بالسلامة انشاءالله يا برنس و هتنورنا والله :) بالنسبة للجو زي ما قال الاخ الزميل اللي رد عليك ان الجو بدأ يبقى فيه لسعة كدة و بالنسبة للسمسار اتن مش محدد هتنزل فين في اليكس بس عموما انا عندي سمسار حبيبي في 6 اكتوبر اللي هي شاطىء النخيل في عجمي يعني عنده شقق و شاليهات و كل حاجة و اسعاره انشاءالله تعجبك عموما دي نمرته 0173857959 لما يرد عليك قوله انا جايلك من طرف المهندس اسلام.....يلا اجازة سعيدة انة شاءالله و كل سنة و انت طيب

شكرا يا اسلام باشا
بس انا عايز انزل فى اسكندريه يعنى وسط البلد مش اكتوبر
عموما انا هانزل واشوف اى سمسار على الكورنيش

وكل سنه وانتو طيبين