الحمد لله ربنا ستر
عرض للطباعة
الحمد لله ربنا ستر
حسبى الله ونعم الوكيل.....
حط نفسك مكانهم.....
انا مش عارف اقول لحضرتك ايه يعني تعبيراتك تنرفز جداااااااااااااااااا انا حاسس ان بتحكي مثلا عن مشهد شوفته في فيلم
يعني ايه كنت مشغل التراك الجامد و عايش معاه و العربيه صاجها جامد و خربوش بسيط انا اسف بصراحه بس الحديد يغور طبعا قدام حياة الناس انت حضرتك مش عارف كنت هتعمل ايه يعني ام كانت هتفقد بنتها بسببك تخيل قلبها كان هيبقي عامل ازاي تخيل حياتها كلها كانت هتبقي عامله ازاي و كمان ردود بعض الاخوة عليك اللي يقول ناس بتعدي الشارع مش شايفه و مش عارف ايه حضرتك السرعه و الجري مش شطارة و لو حد مش ادها ميجريش و طبعا لا ABs هيسعفك ساعتها لانك ماشي 120 و دي ناس ماشية علي رجلها
ياجماعه في التاني السلامه و مش قصدي نمشي سلحفاه لا لو طريق 60 مثلا امشي 80 كويس و رجلك علي الفرامل علشان لو حصل حاجة مفجاة زي دي
بس الحاجة اللي بشكرك عليها انك وقفت و نقلتها المستشفي لان حد غيرك كان ممكن يجري في دي انت جدع
و اعذرني علي كلامي بس فعلا انا بتحيل ان دة ابني و لا بنتي
لا حول ولا قوة الا بالله ... قدر ولطف .. قول الحمد لله .. وخلي بالك يا مان ... وربنا يديك خيرها ويكفيك شرها .. قول امين
لا حول ولا قوة الا بالله ... قدر ولطف .. قول الحمد لله . وربنا يديك خيرها ويكفيك شرها
يا استاذ محمد قبل اي حاجة تغور العربيه وتغور اي حاجة مقابل حياة انسان, انا مابنفيش اني انا غلطان بسرعتي بس انا ببين تصرف غلط ناس كتير اوي بتعمله وهو تعدية الشارع بطريقة عشوائيةو مفاجئه.
وبالنسبة لخربوش العربية ده مش اكتر من اني اضايقت اني عملت حادثة بيها وبقالها شهرين بس, بس في الاول و في الاخر تغور العربية في مقابل حياة البنت. ودة كان درس ليها مش هتنساه و هتفكر الف مرة اقبل ماتعدي الشارع و درس ليا بردو اني اركز اكتر و اتوقع اي مفاجئة في الطريق.
عالية اوي السرعة دي عالكورنيش وجوة البلد كلها !!! والدليل حصل لك اهوه
والمفاجأة ومالحقتش تتصرف ومش عايز افول عليك واقول لك تخيل لو كانت البنت ماتت انت اكيد معندكشي اي احساس ناحية البنت واحساسك لحبيبتك السيراتو- لأ تخيل لو البنت دي كانت عربية بتقطع الطريق !!! آسف بس حاسس اني عايز ارعبك عشان السرعة!! لأنك بتقول اتعملت دروس بس مش ضمنها انك تمشي بسرعة معقولة والحمد لله على سلامة البنت وسلامتك انت وعربيتك ربنا يكفيك ويكفينا شر الطرق وبرضة شر الناس اللي بترمي نفسها قدام العربيات ولازم نعمل حسابهم هما في الآخر بني آدمين وممكن يكونوا ماركبوش عربية وكل فكرتهم عن العربية انها فيها فرامل مايقف وايه يعني ؟!؟!؟
انت اكيد معندكشي اي احساس ناحية البنت واحساسك لحبيبتك السيراتو
فعلا انا مخدتش بالى من النقطة دى عندك حق
واسف
ال abs مالوش اي علاقة خالص بسرعة التوقف
ال abs بيمنع الزحلقة او اللف لو على سطح مزحلق (تراب او رمل او مية او زيت)
بس ما يفرقش بشلن في السطوح الناشفة المستوية
و احمد ربنا انها جت على قد كده
البنت لو ماتت ساعتها اخر حاجة كنت هتفكر فيها السيراتو جرالها ايه
كنت هتفكر تحمي نفسك من الذئاب البشرية في الحجز ازاي
و تفكر في عقاب ربنا في الاخرة
انا لو مكانك اروح لأهل البنت ابوس جزمهم و اقول لهم ايه يرضيكم عشان تسامحوني و هي تسامحني عاللي حصل لها و لو عايزين العربية و الله اديهالهم بس تأمن عقاب ربنا في الاخرة