ربنا يباركلك فيها يا باشا و الف شكر
انا معايا 2007 عامله 71000 كم
الحمد لله العربية زى الفل
و اول تغيير لفلتر الهواء و البنزين و البوجيهات و التيل و السيور عملته عند 60,000 كم عند الميكانيكى
و الحمد لله ميكانيكة العربية سليمه حتى الان
بس كان لى استفسار من حضرتك.. العربية عفشتها مفيهاش كلام ممتازه تجمع بين الراحة و المتانة و تحمل الاهانة و انا مبهدلها غرز و عمرها ما خذلتنى بس انا مش من هواة السرعة
انا اخدت مطب على سرعة 80 كم/س جوا البلد و العربية محكتش و لا حسيت بتأثر رهيب و كان معايا شخص اخر استغرب جداااا يمكن لان المطب مكنش عالى اوى!!!!!..
لكن العربية اترزعت منى على سرعة 40-50 على مطبات كبيره
و الحمد لله اكصدام العربية سليم تماما و عتب العربية سليم و مفيش اى مشاكل نهائيا
سؤالى الان هل حضرتك تعرضت لاى موقف مثلى؟؟ و هل حدث شىء للعربية؟؟؟؟
علشان كلامى ده الناس مش راضيه تصدقه و بيكذبونى
و اخرها حتى بال i10 واخد بلاعه كبيره على 60-70 و العربية اتنطرت و خبطت فى الارض و مفيش مشاكل و مشيت بعدها 200 كم او اكتر
نسيت اقول لحضرتك انى عمرى ما ربطت عفشة العربية ولا مسمار و لما رحت عند 60,000 كم الميكانيكى معرفش يربط على اى مسمار!!!!!
و انا بالصدفة قريت امبارح تقييم ليها بيقول ان من مميزاتها Durable Mechanicals يعنى الاجزاء الميكانيكية معمره رغم انهم اعطوا العربية فى التقييم الكلى 2 من 5 بأعتبار ان فى عربيات مينى فان افضل و الجدير بالذكر ان السيات التيا هى كمان واخده 2 من 5
و على فكره موتور العربية عندى بقى افضل من الاول من حيث الاداء 0-100 اصبحت فى 11.4 الى 11.8 ثانية.. ايام ما كانت زيرو كان تسارعها 12.7 ثانيه و ده بيأكد كلام حضرتك بجانب انها بتسد مع السيفيك القديمة ال 130 حصان لحد 80-90 لكن بعد كده الهوندا بتركب جناحات
تحياتى
المفضلات