اول مشكلة في العربية

**sarah5** · 22-09-2009 10:11 AM

ازيكو يا جماعة انا معايا ماروتي 2009 وزيرو امبارح حصل اول مشكلة معايا العربية كانت ماشية ماشاء الله كويس ومفيهاش حاجة خالص بقالها سنة وعملتلها الصيانة في ميعادها وكل حاجة تمام لحد امبارح كنت علي طريق سفر وماشية علي 120 وفجأة لقيت صوت الموتور بقي عالي والسرعة بدأت تقل لوحدها لحد موصلت 20 قعدت اغير في النقلات واحاول برده مفيش فايدة وقفت علي الطريق وطبعا كنت مرعوبة بس كان معايا ناس لما فتحنا الكبوت لقينا في دخان طالع قالولي المشكلة تقريبا في مروحة التبريد وكلابسات الكهربا علقت والترومستات مش شغال طبعا كل دي احتمالات بس الحرارة كانت كويسة لما حصل كده عشان كده انا مستغربة بس شوية ومشيت عادي جدا كأنها مفيهاش حاجة خالص ووصلنا الحمد لله مش عارفة دلوقتي اعمل ايه اوديها لكهربائي عادي ولا اوديها الصيانة ياريت تفيدوني لان انا محتارة ومستغربة لأن العربية لسة جديدة والحمد لله انا محافظة عليها مستنية ردودكوا وشكرااااااااااااااااااااا ااااااااااااااااااااااااا ااااااااااااااااااااااااا اااااااااا

**aymoonoo** · 22-09-2009 10:34 AM

والله مش عارف غريب هوا الي حصل يا ريت اهل الخبره يفيدونا

**m7nsh** · 22-09-2009 02:40 PM

غريبه !
لو متابعه مع التوكيل وديهالهم , لو غير كده لازم تشوفى ميكانيكى
بس الحقيقه مش عارف ممكن ده يكون حصل من ايه ؟؟
ياريت تبقى تطمنينا وتعرفينا عملتى ايه ,, وان شاء الله تطلع كانت حاجه بسيطه

**sarah5** · 22-09-2009 04:14 PM

شكرا ليكوا هو واضح ان محدش عنده تفسير للي حصل ده انا بفكر اوديها التوكيل افضل واضمن بس مستنية بعد العيد بس ياريت يفهموني ايه اللي حصل ده لاني قلقانة اوي

**bayoumisoft** · 23-09-2009 07:56 PM

فعلا التوكيل اضمن ليكى

**sab3aawy** · 26-09-2009 07:53 AM

احتمال كبير تكون شرقت، طالما دارت تانى بدون مشاكل، السؤال هو هل كان الدخان اللى طالع ريحته بنزين؟ لو كان ريحته بنزين يبقى العربية شرقت ، وفى هذة الحال لا لزوم نهائيا لمشورا التوكيل الا لو تكرر الأمر يبقى فيه عيب فى الكاربراتير، لو مش ريحته بنزين يبقى محتاجين نفكر فىاحتمالات اخرى

**sarah5** · 26-09-2009 11:31 AM

هو كل الناس قالتلي ان الموضوع بسيط ومش لازم تروحي توكيل بس انا عشان بنت ومعرفش اي حاجة في الميكانيكا خايفة امشي بيها كده نزلت بيها امبارح كنت مرعوبة بصراحة معرفش ريحة الدخان كانت ايه بس يعني ايه العربية شرقت

**exact** · 26-09-2009 01:26 PM

المشاركة الأصلية كتبت بواسطة sarah5

هو كل الناس قالتلي ان الموضوع بسيط ومش لازم تروحي توكيل بس انا عشان بنت ومعرفش اي حاجة في الميكانيكا خايفة امشي بيها كده نزلت بيها امبارح كنت مرعوبة بصراحة معرفش ريحة الدخان كانت ايه بس يعني ايه العربية شرقت

شرقت دي يعني خدت بنزين زياده وبالتالي البنزين بيدخل في صورة سائلة بدل ما يبقى بخار فميولعش
كان حصل معايا موقف مشابه في السويفت بس من غير دخان وكنت عالطريق وفي الاخر طلعت طلمبة البنزين عطلانة

**sarah5** · 06-10-2009 11:21 PM

ازيكوا يا جماعة انا رحت لكهربائي قال مفيهاش حاجة باينة خالص وكشف علي زيت الفتيس وكان ناقص شوية بس ده مش سبب للي حصل ربنا يستر ومتتكررش تاني بس رب ضارة نافعة انا اللي طلعت بيه من الموضوع ده اني موديش العربية للتوكيل خالص لاني لسه كنت موديها الصيانة قبل اللي حصل وشكرااااااااااااااااااااا اا لكل جاوبوني وساعدوني

**engahmed29** · 25-10-2009 09:48 PM

انا اشك ان البنزين ممكن يكون فيه ماء

الموضوع: اول مشكلة في العربية

LinkBack

أدوات الموضوع

عرض

-

-

-

المواضيع المتشابهه

مشكلة في العربية

مشكلة ...لما اكون على الرابع و امور العربية العربية بتبطل

مشكلة فى العربية

مشكلة في العربية

مشكلة فى سحب العربية

الكلمات الدلالية لهذا الموضوع

المفضلات

المفضلات

ضوابط المشاركة