استشاره بخصوص الفتيس

**m.aligamal** · 22-09-2009 02:13 PM

السلام عليكم ورحمه الله و بركاته
وكل عام و انتم بخير
انا الحمد الله اشتريت لانسر كرستاله و العربيه الحمد لله حالتها كويسه كنت عايز استفسر عن زيت الفتيس الهيدروماتيك بتاعها و احط نوع ايه و قد ايه و تقريبا سعره كام
و اتا ماشى بالعربيه بعد حوالى خمس الى عشر دقايق بلاقى الفتيس الاوتوماتيك بيعمل نتشه فى دواسه البنزين و تنور لميه الان مع الدى و بحس ان العربيه سحبها قل لحظات و بعدين يرجع السحب عادى تانى بس اللمبه بتفضل تنور و تطفى ياريت اعرف ايه سبب المشكله و حلها يبقى ايه لانى قريت مشاركات بخصوص الموضوع ده لدرجه ان احد الاعضاء فى المنتدى جرب كل حاجه فى التوكيل و متحلتش

**m.aligamal** · 22-09-2009 10:49 PM

ايه يا جماعه هو المشكله ملهاش حل ولا ايه ياريت الرد بسرعه عشان انا قلقان قوى عالفتيس

**karim_m** · 23-09-2009 03:22 PM

المشاركة الأصلية كتبت بواسطة abocato

السلام عليكم ورحمه الله و بركاته
وكل عام و انتم بخير
انا الحمد الله اشتريت لانسر كرستاله و العربيه الحمد لله حالتها كويسه كنت عايز استفسر عن زيت الفتيس الهيدروماتيك بتاعها و احط نوع ايه و قد ايه و تقريبا سعره كام
و اتا ماشى بالعربيه بعد حوالى خمس الى عشر دقايق بلاقى الفتيس الاوتوماتيك بيعمل نتشه فى دواسه البنزين و تنور لميه الان مع الدى و بحس ان العربيه سحبها قل لحظات و بعدين يرجع السحب عادى تانى بس اللمبه بتفضل تنور و تطفى ياريت اعرف ايه سبب المشكله و حلها يبقى ايه لانى قريت مشاركات بخصوص الموضوع ده لدرجه ان احد الاعضاء فى المنتدى جرب كل حاجه فى التوكيل و متحلتش

ازيك يا باشا
كل سنة وانته طيب
مبروك العربية وربنا يباركلك
انا عندي نفس العربية كريستالة اتوماتيك
المشكلة اللي عندك حصلت عندي كام مرة
وكنت كل اللي بعمله اني ابطل العربية وادورها تاني الاقي المور ماشية تمام
لكن انا مقتنع اني كده لم احل المشكلة وحاسس ان فيه مشكله مستخبيه هتطلع في وقت ما
المهم ... في موضوع عن الحكاية دي في المنتدى بس بيتكلم عن لانسر بومه
عموما انته تحول تفصل البطارية بالليل وبعدين تركبها الصبح خليها يوم يبقى صابح الجمعه عشان تاخد وقتها .يمكن يكون في شحنه في البطارية
وكمان خلي بالك من الجماعة بتوع المشحمه لما ييجوا يغسلوا العربية من الداخل
احيانا بيمسحوا على الفتيس بفوطه مبلوله مياه ...... لو جت على الفتيس بتأثر برده
وعلى أي حال انته ممكن تغير زيت الفتيس بعد ما تتأكد من مقياسه وفلتر الزيت كمان
انا ان شاء الله ناوي اعمل كده ونريح نفسنا من الحكاية الغريبة اللي بتحصل كل شوية وما حدش عارف يقولنا ايه السر الحقيقي في كده

اتمنى لك التوفيق ومبروك مره تانية

**m.aligamal** · 23-09-2009 03:33 PM

الف شكر يباشا على الرد الجميل ده و ان شاء الله اجرب الى قلته بس انا اغير زيت الفتيس بنوع ايه و كميه قد ايه ؟؟؟ عشان انا معنديش خبره و معلش هتقل عليك لو تقلى هتتكلف كام عشان انا انضحك عليا فى غيار زيت المكنه و الف شكر يا زعيم

**bmya** · 23-09-2009 05:32 PM

ياباشا حضرتك لازم تقيس زيت الفتيسسسسسسسس
لمبه الn لما تنور معني كده انك لازم تكشف علي افتيس بص علي الزيت شوفه ناقص ولا لاء والاحسن روح حلا غير الزيت النتشه دي بتحصل لما الفتيس يكون ناقص زيت وكده غلط جدا

**bmya** · 23-09-2009 10:46 PM

بص ياباشا انا بصراحه كانت معايا الكريستاله بس بعتها من فنره المهم انا كنت بغير زيت موبيل بس مش فاكر كان بكام
وحضرتك ممكن نشتريه من بنزينه موبيل وتغير عندهم لو فيه تغيير او تروح لاي حدبتاع زيت يغيرهولك تقريبا العلبه كانت ب 17 وتتقريبا باخود 4 علب المهم بس قيس الزيت موقتا حتي علي ما تعرف هتغريه فين وبكام عشان حرام تمشي بيه كده

**m.aligamal** · 24-09-2009 06:38 PM

ان شاء الله هغير السبت و هنضف الكربارتير و اشيك على الكهربا يعنى يوم شغل من اوله

**m.aligamal** · 27-09-2009 05:18 PM

الحمد لله الميكنيكى قاس الزيت و طلع ناقص و قلى زود بكيلو و زودت و حسيت بفرق تانى خالص و مظهرتش لغايه دلوقتى نتشه الفتيس عامه انا هعمل مشوار طويل واحكم عليها بعد كده و الف شكر ليكوا