السلام عليكم ورحمه الله وبركاته
عربيتى فيات 131
النهارده وانا نازل اغير فرده الكاوتش ركبت الكوريك (كوريك من بتاع الفيات )ولاحظت ان لما رفعت العربية ان الكوريك مش عمودى على الارض و مايل وان ممكن اى زقة او حركه والعربية تقع شكيت فى الكوريك ان يكون قاعدته اتكسرت او مالت او حاجه رحت سايب الجنب ده ورحت على الجنب التانى رفعته لقيته سليم والرفع كان مضبوط والعربية مش مايلة ولاحظت ان سنبك الكوريك عمودى تماما على جسم العربية وان جسم الكوريك موازى تماما لفاصل الابواب ولما رجعت للجنب اللى مش عرفت ارفعه لقيت السنبك مش داخل عمودى وانما مايل شوية ومش موازى لفواصل الابواب و بالتالى ظنيت ان المكان ده اتخبط او حاجه
فهل من السهل تصليح المكان ده وهل السمكرى هوا اللى بيصلحه؟