الضرائب العقارية وصلت

**ahmed4000** · 27-09-2009 10:59 AM

المشاركة الأصلية كتبت بواسطة m.mekawy

أصل أى حد ممكن يقوللك أى حاجة و يبقى مش متأكد لأن الموضوع لسة جديد , حضرتك تروح تسأل بنفسك أحسن

للاسف الضريبة على المالك وليس على المستاجر
لكن يمكن الايجار القديم يكون ليه معاملة خاصة

**memo_p910** · 27-09-2009 11:21 AM

ضريبه ليه مش فاهم يعني ايه هو الشقه الدوله بتكلف عليها ايه علشان تاخد ضرايب عليها كده دي بداية عصر جديد من الجبايه والسرقه والناس الي بتقول مش مشكله اقول بكره يدفعوا الكل ويغلوا الضريبه كمان لانكم سكتم في الاول وقلتم مفيش مشكله يبقى تستاهلوا اللي هايجرالكم بعد كده

**memo_p910** · 27-09-2009 11:37 AM

المشاركة الأصلية كتبت بواسطة Abu mariam

وتدفع ليه

مقابل خدمات زى الزفت

حتى لو غنى ومعاك فلوس انت حر فيها

هما كانوا ادولك ايه منها

لو قدموا لك خدمه يقبضوا تمنها

انما كده بقت عامله زى الفرده بتاعت فتوه الحاره زمان

عاوز تقعد فى الحاره لازم تدفع

طب على الاقل كان بيحميهم مش سايبهم للبلطجيه والحراميه والشحاتين

**النوبي** · 27-09-2009 11:40 AM

يا جماعه دلوقتي الارض بتاعتي والمبني ملك ليا مش املاك دوله طيب يبقي عايز مني ضريبه ايه انشاء الله وعلشان ايه هو انا بحط ايدي في جيبه ولا هو يكون مشاركني وانا ماعرفش ويمكن بكره يقولك مفيش حاجه اسمها مالك كل حاجه بتاعه الحكومه انت تدفع الايجار للحكومه وبعدين يفكروا ممكن يدوا صاحب العماره اي مبلغ كده علشان العين بس ومحدش يقول ان مفيش شفافيه

**korkor** · 27-09-2009 01:19 PM

المشاركة الأصلية كتبت بواسطة elassar2010

باللنسبة لينا احنا هيبقى الوضع اية
البيت بتاعنا ورث عن جدى وفية 6 شقق متاجرين ايجار قديم ب10 جنية فى الشهر وبيتنا فى احسن حتة والبيوت الى حولينا بتبيع متر الشقة 3500جنية يعنى بيتنا بيجيب لنا 80 جنية فى الشهر واحنا الى بنوضب فية وبنصلح اى حاجة لان المستاجرين بيقولوا واحنا مالنا دة بيتكم انتم واحنا يادوب مستاجرين!!!!
احنا بقى وضعنا اية فى القانون دة

بص خش على اللينك ده ظˆط²ط§ط±ط© ط§ظ„ظ…ط§ظ„ظٹط© - Arabic - ط§ظ„ط¶ط±ط§ط¦ط¨ ط§ظ„ط¹ظ‚ط§ط±ظٹط©
فى ان شاء الله ردود لكل الاستفسارات بتاعتك وان شاء الله مش هتدفع حاجه