الموضوع: الضرائب العقارية وصلت

طيب اللي عنده اكثر من شقة في اماكن مختلفة
هيتحاسب عن كل شقة على حده ولا عليهم كلهم كوحدة عقارية واحدة؟
والله الواحد مش مطمن خالص

المشاركة الأصلية كتبت بواسطة dr.nemo

طيب اللي عنده اكثر من شقة في اماكن مختلفة
هيتحاسب عن كل شقة على حده ولا عليهم كلهم كوحدة عقارية واحدة؟
والله الواحد مش مطمن خالص

الضرايب العقارية على العقار

يعنى كل عقار لوحدة وصاحب العقار يدفع

المشاركة الأصلية كتبت بواسطة ahmed4000

يجماعة قبل الانتقادات الحادة
لو شقتك تمنها نص مليون جنيه حتبقى معفى من الضرايب
اكتر من كده حتدفع ومعتقدش حتدفع ميات حتى
يعنى مش حيبقى مبلغ كبير زى مالناس متخيلة

ده مثال الوزارة حسباه يعنى مفهوش افتكاسات

500 ألف جنيه فإن الضريبة المستحقة عليها 30 جنيها فقط سنويا، والوحدة التى تبلغ قيمتها السوقية مليون جنيه فضريبتها 660 جنيها سنويا.


يعنى اللى عنده شقة بمليون جنيه حيدفع 600 جنيه سنويا (يعنى ميجيش حاجة من تكلفة الصيانة والبواب اللى بيدفعها كل شهر)

كمان على حد مانا فاهم حتى لو عندك اكتر من عقار تمن كل واحد نص مليون برده مش حتدفع لان العبرة بالعقار الواحد مش بالمجموع

لو زي ما بتقول كده يبقى مفيش مشكلة ان شاء الله
بس انا فاكر ان لها حسبة اكبر من كدة بكتير

لكن على اي اساس سيتم تثمين العقار بنصف او مليون جنيه
هل على سعر السوق
ولا حيحسبوها هم

لو حيحسبوها هم ..... يبقى كل الشقق فوق المليون جنية أكيد

المشاركة الأصلية كتبت بواسطة ahmed4000

هو التقييم حيبقى من المثمنين العقاريين بس مش حيبقى لشقة شقة
وده علشان متتعاملش انت مباشرة مع مامور ضرايب وتمنع البلاوى اللى بتحصل

يعنى مثلا حيقول المتر فى عباس العقاد يساوى 3 الاف جنيه مثلا لو دور متكرر وانت تحسب شقتك على اساسه

وطبعا ده على القيمة السوقية وحيتراجع كل كام سنة

وليك حق تعترض عليه

حتقول طيب مهو حيخلوا كل الشقق فوق النص مليون

معتقدش حيضروا الارقام عالى اوى وبعدين حتى لو بقى ب 600 الف حدفع 120 جنيه
انت بتدفع 100 او 120 جنيه على كل 100 الف جنيه فوق النص مليون يعنى برده شئ لا يذكر
يعنى معلش لو واحد شقته ب 2 مليون جنيه (وده بصراحة ميبقاش عنده حجة) حيدفع 1600 جنيه فى السنة!!!! برده بالنسبة له ولا حاجة اقل من 150 جنيه فى الشهر

معلش يعنى انا عارف حتقولوا حزب وطنى وعميل للحكومة بس ايه المشكلة لما الناس الاغنيا تدفع المبلغ ده للحكومة مهما بيصرفوا اضعافه على النت والعربيات والسجاير والسينمات والخروج

اومال ازاى طول الوقت عاملين نطالب بتعليم افضل بعلاج افضل بطرق افضل يبقى لازم ندفع

واظن كل الناس اللى عايشة بره عارفة انهم بيكعوا ضرايب اد كده بس فى المقابل بياخدوا خدمات ممتازة

يعنى انا ادفع 150 فى الشهر و يبقى كويس , هو انا بأجرها , مانا خلاص دفعت و صرفت و ريحت دماغى عشان أريح نفسى من دوشة الايجار