تعديل فرامل النوبيرا بالصور

**Hany A Fattah** · 23-09-2009 06:46 PM

المشاركة الأصلية كتبت بواسطة kimo-nubira

خلاص يا باشا هاشوف ايه ظروفي واكلمك ننزل نظبط القصه ديه مع بعض ده لو مش هايضائك يا

كبير وياريت ممدوح بشا يكون معنا علي حسب ظروفه يعني لاني ما اعرفش حد نهائي في الحرفين

ولا عمري رحتها اصلا علشان كده عايزكم معايا علشان اخوك احسن واحد يضحك عليه

بس ربنا يسهل اول ما اظبط كشات هاكلمكم على طول :s_thum1[1]:

بس عايز اعرف حاجه هما طلعو جامبين ليجانزا ولا ايه بالظبط علشان انت وممدوح توهتوني كده :b4_556:

يا باشا انا تحت امرك اما بخصوص الجامبين ممدوح عنده حق ان الليجانزا خمسه خرم بس انا فاكك دول من ربع ليجانزا برضه ممكن يكون خليجى بس على فكره هما هما اللى فى النوبيرا 2000 cc

**Hany A Fattah** · 23-09-2009 07:30 PM

المشاركة الأصلية كتبت بواسطة sherif khalifa

مبروك و شغل كويس و التكلفة معقولة جدا
كان فى حد هنا عمل الكلام دا التكلفة كانت اعلى من كدة

ممكن اماكن البيع للقطع و مكان الميكانيكى

بس انا مش فاهم الحتة دى
جبت طقم جديد للخارجى بس لكن الداخلى حالته كوبسه

الله يبارك فيك يا شريف

بص يا سيدى انت عارف الفرامل بتاعه النوبيرا بيبقى فيها التيل من جوه الطنبوره مش عارف بيسموه ايه لو لاحظت فى الصور هاتلاقى الجانب فيع اتنين تيل واحد زى بتاع النوبيرا العادى وده بيشتغل على الواير مع فرامل اليد بس والتانى سكينه زى اللى فى العجل الامامى وبيشتغل عن طريق زيت الباكم وهو ده اللى انا غيرته وشكله فى الصور

اما الاماكن انا اشتريت الجنبين من الحرفيين وبتاع الفرامل فى جسر السويس خلف حديقه بدر ولو عايز تروح انا تحت امرك

**samirayad** · 23-09-2009 08:50 PM

مبروك ياهانى باشا

والموضوع قيد الدراسه بالنسبه لى
لأن الفرامل عندى كويسه حاليا
بس لو لاحظت عليها حاجه قدام
أكيد حفكر فى التعديل ده أن شاء الله

بس فيه سؤال...........
عاوزك تشوف الوضع عندك وتقوللى
أنا بألاحظ أن حرارة الجنوط الخلفيه عندى دايما بعد مشوار معين
بتكون أأقل من الأماميه وده صح فنيا
على أساس أن الأمامى فى النوبيرا على ديسكات والخلفى على طنابير
ومعروف أن الآداء الفرملى للديسكات ( السكاكين يعنى ) أقوى من الطنابير
فهل جسيت الحراره للوضع الحالى عندك
ياعنى ....حرارة الأربع جنوط زى بعض
ولا برضه فيه أختلاف بين حرارة الفردتين الأمامين والخلفيين

**Hany A Fattah** · 24-09-2009 02:30 AM

المشاركة الأصلية كتبت بواسطة samirayad

مبروك ياهانى باشا

والموضوع قيد الدراسه بالنسبه لى
لأن الفرامل عندى كويسه حاليا
بس لو لاحظت عليها حاجه قدام
أكيد حفكر فى التعديل ده أن شاء الله

بس فيه سؤال...........
عاوزك تشوف الوضع عندك وتقوللى
أنا بألاحظ أن حرارة الجنوط الخلفيه عندى دايما بعد مشوار معين
بتكون أأقل من الأماميه وده صح فنيا
على أساس أن الأمامى فى النوبيرا على ديسكات والخلفى على طنابير
ومعروف أن الآداء الفرملى للديسكات ( السكاكين يعنى ) أقوى من الطنابير
فهل جسيت الحراره للوضع الحالى عندك
ياعنى ....حرارة الأربع جنوط زى بعض
ولا برضه فيه أختلاف بين حرارة الفردتين الأمامين والخلفيين

سمير باشا الله يبارك فيك

انا دلوقت فى الساحل الشمالى فامابتحركش بالعربيه كتير اوعدك هاخد الطريق للقاهره واول ما اوصل ان شاء الله هاشوف الحراره وارد عليك

**Hany A Fattah** · 24-09-2009 02:32 AM

المشاركة الأصلية كتبت بواسطة m.farouk

مبروك وعقبال تعديل الفرامل الامامية لانى عامل التعديل ده من حاولى 8 شهور بس برضوا الفرامل لسة ضعيفة لكنها اتحسنت عن الاول كتير

الله يبارك فيك
بس معلش ممكن تشرحلنا التعديل ده ايه ؟

**zocor742** · 24-09-2009 08:20 AM

الف مبروك يا باشا
الموضوع فعلا يستاهل التنفيذ
عقبال ما كل الدايو تعدل فرامل

-

-

-

الموضوع: تعديل فرامل النوبيرا بالصور

LinkBack

أدوات الموضوع

عرض

-

-

-

-

-

المواضيع المتشابهه

تعديل فرامل النوبيرا

تعديل فرامل النوبيرا

تعديل فرامل النوبيرا الخلفية لديسكات

الكلمات الدلالية لهذا الموضوع

المفضلات

المفضلات

ضوابط المشاركة