تحذير الي كل واحد بيحجز عربيه جديده من التوكيل !

**alkhawga** · 30-09-2009 11:45 PM

المشاركة الأصلية كتبت بواسطة ahmed samy

مش هايكتب تاريخ

وناس كتيرة أصرت ...و بدون فائدة

دي سياسة عامة في المبيعات في الشركة

أيا كان السبب بقى

ده تصرف غير مسئول و لا محترم

و اي حد يبرر التصرف ده ان " الوكيل ما يعرفش العربيات جاية امتى" يبقى عذر أقبح من ذنب

لأن ده و كيل بيبيع سمك في مية ...

أنا أعرف لو أنا ( محترم ) اطلب من الشركة كمية و تكون على حسب دراسة السوق عندي (لو عندي دراسة يعني) و لما المركب بالصلاة على النبي تطلع من كوريا ....

أفتح باب الحجز

المركب اتحجزت

أحجز المركب اللي بعدها و اطلب من التوكيل (و هاحدد تاريخ أبعد لأن المركب دي لسة ما حملتش أساسا)

غير كده ....أقفل باب الحجز

علشان أبقى بياع "محترم"

انما لما احجز و خلاص

عمال على بطال احجز

في عربيات في كوريا مافيش احجز

في مركب في السكة ما فيش احجز

و خد فلوس و اضرب ايصال و اخترع معاد

و شغل كام واحد من بتوع البيضة و الحجر في المبيعات

و يكون في السي في بتاعهم في القدرات الشخصية (قدرة مبهرة على خداع الزبائن ) (خبرة خمس سنوات في تأجيل المواعيد بسلاسة) ( مهارة خلع و تركيب الوش الجلد و الوش القطيفة)

و هاكرر تاني

كيا مصر تتمتع بأسوأ فريق مبيعات شفته

قلة ذوق

وقلة احترام

و تربح يصل لشكل من أشكال النصب (لأن تاريخ التسليم جزء من السلعة و الاخلال "المتعمد" به هو اخلال بجزء من السلعة لا يقابل بتخفيض مقابل في السعر) وده في الحقيقة حاجة منفرة جدا بالنسبة لي

و الله العظيم التارجيت اللي بيعمله الـ "بني أدمين" بتوع المبيعات هو نصر مزيف لم يشاركوا فيه الا بالخيبة و البطل الحقيقي هو أولا العربية نفسها اللي بتبيع بسمعتها من دعاية تقريبا

و ثانيا الصيانة اللي شايلة سمعة كيا و شايلة " زبالة" السمعة بتاعة المبيعات بمجهود يحترم و عروض و خدمات جيدة

هو خالد نصير مكتبه في الدور الكام ؟؟؟

عالي قوي كده لدرجة انه مش شايف ولا سامع ؟؟؟؟؟

انا معاك 100% بس مش لازم كمان نقف نتفرج كل ما تجمعنا اكثر كل المشكله عنده تكبر لازم يعرف ان المستهلك اوعي منه و فاهم لعبته الخبيثه و ميحجزش الا بتاريخ استلام

**ahmedhee** · 01-10-2009 01:01 AM

انا رحت احجز السيارة في رمضان من الوكيل على اساس اني كنت فاكر الحجز ثلاثة اشهر بس. الوكيك قالي ان الحجز بقى خمس شهور.سالته ايه لضمان ان السعر مش هايزيد قال لا يوجد. طب اية لضمان ان الاستلام بعد خمس شهور باضبط مش اكتر. قال لا يوجد. الصراحة خدت بعضي و مشيت لاني اذا قبلت ابقى باضع نفسي في وضع غلط. بعد 5 شهور دي ( اذا كنت اقدر اصبر) يكون السوق كلة اتغير اذا كانت العربية رخصت اشتريها من معرض بضاعة حاضرة. و اذا كانت غليت يبقا التوكيل حايغليها برضه على و لا استفادة الا العطلة.على كل ان متاكد ان في هذة المده العربية حاتملا السوق و سيأتي عشرات الموديلات المنافسة في السعر و خلي الوكيل يشربها مع احترامي الشديد اشكل وجودة السيارة للان.

**ZEZOSEALIONKING** · 13-10-2009 11:46 PM

السلام عليكم ايها الاخوة الاعزاء

[ALIGN=CENTER][TABLE....="width:70%;"][CELL="filter:;"][ALIGN=center]
للاسف الشديد الوكيل عندنا فى مصر (اى وكيل ) بيتعامل مع الناس من منطلق هم السادة والمشترين عبيد بمعنى اخر ذل ......وعدم تقدير و احترام الزبون اللى هوه اساس ثروتة .... وسرقة مافى جيوب الناس(قارن بين موديلات بلد المنشأ وبين اللى بتنزل المحروسة) .....واخيرا مبدا اللى مش عاجبة يشرب من البحر ..يخبط راسه فى الحيط ..ينتحر...... المهم مكسب الوكيل اللى عايز يلم قرشين بسرعة
[/ALIGN][/CELL][/TABLE....][/ALIGN]
ولكم منى اجمل تحية وحسبنا الله ونعم الوكيل

**m_o_sakr** · 14-10-2009 06:24 AM

السلام عليكم ورحمة الله وبركاته

لو كل الناس اصرت على كتايه ميعاد الإستلام الوضع حيتغير, علشان فى عربيات مش مفيش, لو مفيش!! الموزعين الى بيبيعو over price دول جابو العربيات منين؟؟ و لا عزاء للمستهلك المصرى

سبحانك اللهم وبحمدك ، أشهد أن لا إله إلا أنت أستغفرك وأتوب إليك