السلام عليكم ورحمه الله و بركاته
من خبرتي لاني متبهدل مع التوكيل يجب طلب كتابة تاريخ التسليم علي ايصال الحجز باي طريقه حتي ولو من التاريخ كذا الي التاريخ كذا مهم جدا لضمان الحقوق لان مفيش ميعاد مضبوط بالتوكيل
التوكيل بمبالغ الحجز = البنك بالضبط
عرض للطباعة
السلام عليكم ورحمه الله و بركاته
من خبرتي لاني متبهدل مع التوكيل يجب طلب كتابة تاريخ التسليم علي ايصال الحجز باي طريقه حتي ولو من التاريخ كذا الي التاريخ كذا مهم جدا لضمان الحقوق لان مفيش ميعاد مضبوط بالتوكيل
التوكيل بمبالغ الحجز = البنك بالضبط
اي عربية كارينز او سيراتو جديده .. لا وكيل ولا موزع ولا معرض ولا مستورد خليجي هيكتبلك تاريخ تسليم
التاريخ ده ليه معنى لو فيه عربيات والوكيل ما سلمكش
لكن المشكلة ان مافيش عربيات اساسا
مش عارف احنا بنحب دايما نفتح في المواضيع ليه انا بنصح الناس اللي بتحجز جديد و يا جماعه والله والله والله انا حاجز من 26 مايو وللان مستلمتش وكان بيقولي شهرين لما طلبت يكتب تاريخ رفض و بشده
يا جماعة انسو .. مفيش تاريخ تسليم في الايصال ..مش هيسلمك رقبته بايديه .. انتو بتحلمو والله .. السوق اصبح مسخرة .. ربنا يستر الايام الجاية
مش هايكتب تاريخ
وناس كتيرة أصرت ...و بدون فائدة
دي سياسة عامة في المبيعات في الشركة
أيا كان السبب بقى
ده تصرف غير مسئول و لا محترم
و اي حد يبرر التصرف ده ان " الوكيل ما يعرفش العربيات جاية امتى" يبقى عذر أقبح من ذنب
لأن ده و كيل بيبيع سمك في مية ...
أنا أعرف لو أنا ( محترم ) اطلب من الشركة كمية و تكون على حسب دراسة السوق عندي (لو عندي دراسة يعني) و لما المركب بالصلاة على النبي تطلع من كوريا ....
أفتح باب الحجز
المركب اتحجزت
أحجز المركب اللي بعدها و اطلب من التوكيل (و هاحدد تاريخ أبعد لأن المركب دي لسة ما حملتش أساسا)
غير كده ....أقفل باب الحجز
علشان أبقى بياع "محترم"
انما لما احجز و خلاص
عمال على بطال احجز
في عربيات في كوريا مافيش احجز
في مركب في السكة ما فيش احجز
و خد فلوس و اضرب ايصال و اخترع معاد
و شغل كام واحد من بتوع البيضة و الحجر في المبيعات
و يكون في السي في بتاعهم في القدرات الشخصية (قدرة مبهرة على خداع الزبائن ) (خبرة خمس سنوات في تأجيل المواعيد بسلاسة) ( مهارة خلع و تركيب الوش الجلد و الوش القطيفة)
و هاكرر تاني
كيا مصر تتمتع بأسوأ فريق مبيعات شفته
قلة ذوق
وقلة احترام
و تربح يصل لشكل من أشكال النصب (لأن تاريخ التسليم جزء من السلعة و الاخلال "المتعمد" به هو اخلال بجزء من السلعة لا يقابل بتخفيض مقابل في السعر) وده في الحقيقة حاجة منفرة جدا بالنسبة لي
و الله العظيم التارجيت اللي بيعمله الـ "بني أدمين" بتوع المبيعات هو نصر مزيف لم يشاركوا فيه الا بالخيبة و البطل الحقيقي هو أولا العربية نفسها اللي بتبيع بسمعتها من دعاية تقريبا
و ثانيا الصيانة اللي شايلة سمعة كيا و شايلة " زبالة" السمعة بتاعة المبيعات بمجهود يحترم و عروض و خدمات جيدة
هو خالد نصير مكتبه في الدور الكام ؟؟؟
عالي قوي كده لدرجة انه مش شايف ولا سامع ؟؟؟؟؟
يا جماعة انا حاولت وفي الاخر كتبت تاريخ الاستلام على ضهر الايصال
وده كان من موزع مش وكيل
بس ايه الفايدة اذا كان مافيش عربيات اساسا؟؟