-
مصر تستطيع
السلام عليكم و رحمة الله و بركاته
كل عام و انتم بخير
ارغب في عمل حملة على الانترنت و في جميع مجالات الاعلام المختلفة لمساندة المنتخب القومي المصري لكرة القدم في المباراتان المصيريتان ( مباراة زامبيا و مباراة الجزائر)
و الا يلهينا تشجيعنا لمنتخب الشباب عن هذا
و برغم الحديث المنتشر حاليا عن ضعف فرصنا في التأهل للمونديال
فانني واثق تمام الثقة في الله ثم في قدرات منتخبنا الوطني في اجتياز هذه العقبة
فهل زامبيا اقوى من البرازيل او ايطاليا او الكاميرون او كوت دي فوار
هل ننسى اننا في بداية المجموعة في بطولة غانا استطعنا ان نهزم الكاميرون بأربعة اهداف مقابل اثنان
او هل ننسى فوزنا على كوت دي فوار بأربعة اهداف
او عندما كدنا ان نتعادل مع البرازيل و هزمنا بشرف ب أربعة اهداف مفابل ثلاثة ( ثلاثة اهداف في مرمى البرازيل)
او عندما هزمنا بطل العالم في مباراة تاريخيةبهدف حمص
ان منتخبنا دائما و كعادة كل مصري لا يظهر تفوقه الا في الشدائد
هل ينسى الجمهور المصري فوز الاهلي ببطولة افريقيا على يد ابو تريكة في تونس في اللحظات الأخيرة
او قتال زيدان الشرس على الكرة في المبارة النهائية مع الكاميرون و اهدائها لأبوتريكة الذي اهدانا بدوره البطولة
لقد اصبحت اكثر ثقة الآن بعد فوز نادي انبي على فريق وفاق سطيف بثلاثة اهداف مقابل هدف في عقر داره
و فوز حرس الحدود على مضيفه بخمسة اهداف رغم خروجه
و التاريخ دائما يذكر ان المنتخب المصري خارج جميع التوقعات
و ان شاء الله سنهزم زامبيا بأربعة او خمسة اهداف و قد فعلناها سابقا في بوركينا فاسو و هي في اوجها مع كالوشا بو واليا
و كذلك هي الحال مع منتخب الجزائر الشقيق عندما هزمناه بخمسة اهداف مقابل اثنان
ان كل المصريين يقفون وراء منتخبنا مهما كانت الصعاب و مهما كانت النتائج
و سنرد عن منتخبنا الذي يبزل ما باستطاعته كل ما يقال عنه
و خاصة ما قرأته على لسان مدرب زامبيا الفرنسي الذي ارسل التهاني لمنتخب الجزائر الشيقيق لوصوله للمونديال لأنه سيهزم مصر لأن المباراة في زامبيا
و ان شاء الله سيرد الله كيده عليه و سيهزم هزيمة ساحقة لغروره الشديد و سيكون فوزنا علي زامبيا بعون الله هو تذكرة الصعود المنتظر
و لكم جزيل الشكر
و السلام عليكم و رحمة الله و بركاته
-
-
ان شاء الله هنهزم زامبيا علشان قلة ادب مدربها , و هنعلم الجزائر يعنى ايه ارادة .
و ان شاء الله ان شاء الله لو كان ليا عمر هروح مباراة الجزائر .
-
-
يا رب نكسب بنتيجة كبيرة
بس احنا اللي عملنا كده فس نفسنا واستنينا زي كل مرة لاخر جولة
ادعو ربنا اننا نكسب وان مباراة رواندا مع الجزائر يحصل فيها اي حاجة حتي ولو تعادل
-
-
يا باشا لا وجه للمقارنة طبعا بين زامبيا و إيطاليا و البرازيل
بس أحب اوضح لحضرتك حاجة
منتخب مصر أدى كويس جدا فى بطولة أفريقيا 2008 أمام الكاميرون و كوت ديفوار علشان هو داخل خايف منهم و كان متوقع انه يهزم منهم و علشان ربنا وفقنا و كل الفرص اللى جات لينا دخلت
لكن لما تيجى تشوف ماتش زامبيا و انجولا فى نفس البطولة كان مستوانا سئ فيها و كسبنا انجولا بالصدفة و تعادلنا مع زامبيا لإننا كنا مطالبين بالفوز فمقدرناش
يعنى إحنا بنلعب حلو و بنكسب لما بنلعب قدام فرق قويه و بتهاجمنا و لما نبقى غير مطالبين بالفوز
لكن لما بنلعب امام فرق بدافع و اقل مننا مابنعرفش نكسب لإن الحلول عندنا فى الهجوم ضعيفة قوى
و أبسط دليل شوف ماتش امريكا لما كنا بنلعب علشان نكسب حصل فينا إيه و لما لعبنا امام البرازيل و إيطاليا و احنا غير مطالبين بالفوز عملنا إيه
نفس الموقف لما لعبنا مع الكاميرون و كوت ديفوار و لما لعبنا امام انجولا و زامبيا فى كاس افريقيا 2008
نفس الموقف فى تصفيات كاس العالم 2010 اتعادلنا مع زامبيا على أرضنا و خسرنا امام الجزائر لإننا كان المفروض نكسب امام فرق دافعت كويس امامنا
و دا اللى حنواجه بالظبط امام زامبيا و الجزائر :(
من الاخر طبعا فيه امامنا فرصه و مش ضعيفة
المفروض تكسب زامبيا و الجزائر و متهيألى الفريق اللى يستحق الصعود لكاس العالم مش صعب عليه يكسب الفرقتين دول لإن مستواهم مش عالى و مش ضمن المستوى الاول فى أفريقيا
و أظن دول أسهل كثيرا من الفوز على كوت ديفوار و الكاميرون فى تصفيات 2006 أو الفوز على المغرب و السنغال فى تصفيات 2002
لكن يبقى السؤال هل لاعبى المنتخب يستحقوا أصلا الصعود لكاس العالم ؟
الإجابة على السؤال دا هما اللى حيجابوا عليها
-
ان شاء الله هيثبتوا انهم يستحقوا
و ان مصر بجمهورها المكافح يستحق
Content Relevant URLs by
vBSEO 3.6.0 PL2